MPL 6 : AIZAWL FC CHUNGAH BVT FC

Zanina Mizoram Premier League season 6 inkhel hmuhnawm takah Bethlehem Vengthlang FC in Aizawl FC si hnih faiin an hneh. He inkhelah hian BVT tan MS Dawngzela leh Ramengmawia te’n goal an thun a, Aizawl FC defender Lalrozama Fanai chu hnawhchhuah a ni.

Tute nge khel ?

Bethlehem Vengthlang FC (4-2-3-1) : Lalruatpuia; K.Lalmalsawma, MS Dawngzela, P.C.Laldinpuia, Vanlalzuia Hnamte; Vanlalthanga, Lalnuntluanga; P.C.Lalthazuala, Ramengmawia (Lalruatkima 90+5′), Laldinliana Varte (Joel Lalmuanpuia 60′); R.Lalrammawia (Edenthara 90′)

Subs : P.C.Lalhmangaihzuala, Johny Laltlanhlua, C. Vanlalhmangaiha, B. Zoramthara, Lalmawizuala, Laltlankima, Edenthara, Lalruatkima, Joel Lalmuanpuia

Aizawl FC (4-2-3-1) : Lalawmpuia; Lalrinzuala Khiangte, Hmingthanmawia, Lalhriatrenga, Lalrozama Fanai, H. Lalbiakthanga, David Lalrinmuana; S.Malsawmtluuanga, K. Lalthathanga (H.Lalmuankima 46′), Rochharzela (Albert Zohmingmawia 78′); Alfred Jaryan

Subs : Lalremruata, Laldinsanga, Lalawmpuia Hnamte, Albert Zohmingmawia, F. Lalremsanga, Vanlalthazuala, H. Lalmuankima, Jonathan Lalhriatkima, F.Liandala

Team pahnih danglamna goal hnih

Chawngthansanga naute leh Paulo Menezes a enkawl te hi an point neih zat a inang tih hre chunga inhmachhawn an ni a, team intluktawk an nih avangin a chak zawk nih a pawimawh lehzual. BVT in an game hnuhnung pahnih atangin point 4 an hlawhchhuak thei a, Aizawl FC in hnehna an chang ve ve bawk nen, an phur vanglai tak a ni.

Aizawl FC lamah an striker rinrawl Jonathan Lalrawngbawla chuan training naah a malpui a tihnat avangin an tlar hma an sik sawi a tul a, Alfred Jaryan chu hmatawngah dah a ni. Defender Kareem-a inhliam avangin a aiah Hmingthanmawia (Valpuia) chu a laiah sawn luh a ni a, Lalrozama Fanai chu left-back ah a awm.

Inkhel tan atangin team pahnihte an innawr tawk a, Notea ball vawrh luh P.C. Lalthazuala (Puitea) thun hman loh chu BVT tan uiawm tak a ni. Aizawl FC tan Mama cross chu K. Lalthathanga’n (Puitea) lo chhip chhuanin goal thunna ngei tur niin lang mahse a hming pui tihdan en tawn ni awm takin Northeast United atanga Aizawl FC in an hawh Puitea hian goal-ah a chantir thei bik lo.

BVT counter attack a hlauhawm teuh thin hle a, ke veilam hmang thiam Vanlalthanga an tangkaipui thin hle. Minute 36-naah Vanlalthanga freekick pet chu keeper Opa’n lo dang perin Notea’n goal ruakah chiang zetin BVT hmahruai nan a lo thun. First-half hun pekbelhah man of the match nih a phuzia lantirin Rammawia’n nalh lutuk a turn-in AIzawl FC defender a bum a, BVT captain hian pe lehin Ramengmawia’n goal kilah tak a lo pet lut. 2-0 a ni ta.

Second-half ah Aizawl FC in thawh leh tumin bei mahse an goal nawr a hlauhawm tawk lo a, Jojo-a awm loh huna chhawr theih tura ngaih William Lalnunfela inhliam leh Lalruatfela Zote damlo an tuar niin a ngaih theih. Minute 74-naah Ramenga khalh tlang tur Rozama’n a titlu a, Bawngkawn tlangval hi hnawhchhuah a ni. Hun tawp thlengin goal-a luh belh lo a, ti hian BVT in Round 8 ah Ramhlun North an hmachhawn ang a, Aizawl FC in Mizoram Police an tum bawk ang.

ZoFooty Statistics :

Bethlehem Vengthlang 2-0 Aizawl FC

MS Dawngzela 36′ Ramengmawia 45+2′

49% Ball Possession 51%

15 Shots 11

5 On Target 2

1 Yellow Card(s) 1

0 Red Card (s) 1

MoM : Lalrammawia (BVT FC)

Match Officials :

Lalrawngbawla Renthlei – Match Referee

Lalhriatliana – Asst. Referee

Lalchenpuia – Asst. Referee

Zohmingliani – Fourth Official

Powered by : Rainbow Multibrand Mobile Showroom