MPL atangin Dinthar FC kan mangtha a tul ta !

Mizoram football chanchina club hlawhtling ber pawl Dinthar FC chu Mizoram Premier League atangin an relegate ta.
 
MPL champion hmasa ber ni bawk Dinthar hian MPL6-ah vawi thum hnehna changin an khingpuite nen vawi hnih an inhnehtawk a, vawi 9 an tlawm thung. An tumpuite lamah goal 18 thunin goal 34 an chhuah a, point 11 nei mahse MPL-a inhamtan nan a tawk lo.
 
MPL din a nih hmaa MFA League champion hnuhnung ber ni bawk Dinthar FC an relegate takah chuan MPL din tirh a club awmsa pali zingah Mizoram Police chiah an bang ta a ni.
 
Tualchhung football-a thawhhlawk tak leh awmze nei a fans inhawrkhawm hmasa ‘Maimawms’ te hmel MPL-a kan hmu tawh lo tur hi a uiawmin a lungchhiatthlak a, theihtawp chhuahin han in DINTHAR leh se, MPL-ah an hmel hmuh leh ngei kan duh e.
 
(Pic : MPL champion hmasa ber Dinthar FC)