Chanmari FC chuan Mizoram Premier League (MPL) Playoff khelh zawh hmain an Coach an thlak tlat mai. Chanmari FC hian Lalchhuanawma Pautu (LCh-a) chu Coach atan an la a. Coaching staff zawm turin a sign fel tawh a ni. Coaching staff awma sa ho nen an thawk ho ang.

Lcha hi kumin Red Ribbon-a Chanmari FC Coach kha a ni a, an champion nghe ngeh anih kha. An chhungkua erawh Dinthar-ah an khawsa thung. India rama club lian ber pawl East Bengal, United Sikkim leh Mohammedan SC-ah te a lo khel tawh a ni.

Kan hriat theuh angin Chanmari FC te hian an match khelh hnuhnunge berah Aizawl FC an hneh lo a ni a, an match khelh leh turah hian chak an tum hle. Coach thar hnuaia khel tur an ni a, chak loh zawn an duh lova, Kanan FC hneh an tum hle a ni. Mahse thawhtanni (30/07/12) hian Independence Day Football Tournament an khel leh nghal dawn a. Hemi anih avang hian players tha khelh tir chu risk sang tak a ni thei tho a ni. Tling tawh sa an ni a, tun hun hi hahchawlh nan an hmang thei dawn a ni. Tin, MPL Playoff-a sang ber an nih chuan ONGC, Dinthar leh Mizoram Police te nen an awm ho dawn lehnghal a. An chak loh erawh Luangmual FC, Dintahr FC leh Oil India ten en an awm ho dawn a ni.

Coach thar hian chak loh pawisa lovin Independence Day tournament atan hian a players tha te a awltir dawn nge a team pangai angin a khelh tir dawn tih hi mipui te hriat chak ber a ni.