MPL CLUB TE AN BAZAR TAN

Tualchhung football bazar hun inhawn lai a ni a, Mizoram Premier League club te’n an ramchhung leh rampawn atangin an mamawh player an seng khawm tan mek. Tun thla chhung hian MPL club te tan MFA Registration Committee-ah player thar te hi ziah luh theih an ni a, tunah hian player thar ziah luh tawh engemawzat an awm a, inbiak fel vek tawh lehkha pawimawh thenkhat la fel loh vanga la ziah luh loh an awm bawk.

Police ah defender thar pahnih !

Mizoram Police FC in enkawltu thar an neih hnuah hma an sawn a, table mawngphah thawhsanin 6-naah an awm tawh. Lalbiaksanga Colney hnuaia la chak vek Police hian MPL6 ah goal 22 chhuah tawhin goal an chhuah tam fal nalh a, an goal chhuah hnem hi an chak lohna bul a ni tih hriain an tlarhnung hnawhphui nan player thar pahnih an lalut.

Tualchhung football ngainate tan C.Zomuanpuia leh Toky Zomuanpuia te hi mi thar an ni lo. Buifekzawl tlangval Zomuanpuia hian Chhinga Veng chhuahsanin Police hi a pan a,tualchhung football-a left-back tha ber pawla sawi ve thin hian tunhma in Chanmari FC, Aizawl FC leh Chanmari West FC tan pawh a khel tawh.

Tata Football Academy-a lo inzin hrep tawh Ramhlun North defender hlui ni ta Toky-a hi Aizawl FC leh Chanmari WEst FC tana lo khel tawh a ni a, MPL6 ah beisei angin la khel tha tawk lo mahse Bsa hnuaiah defender pawimawh ni thei turin theihna a nei.

Chanmari West ah Duata

MPL6 – ah Chanmari West in goal 7 chiah an la thun a, an hmatawngte an hlauhawm tawk lo a, Aizawl FC atanga an lak Vanlalduatsanga hi an mamawh chhanna ni thei tak ang maw ? Mamit Hmunsam tlangval, Armed Venga khawsa mek Duata hi India junior team tan pawh lo khel tawh a ni a, NECS Cup 2015 ah Armed Veng champion puiin Best Player atan thlan a ni nghe nghe.

Anni pathum bakah hian Ramhlun North FC in Liberian defender Abu Korhena an lakluh thu an puang tawh a, ani hi India rama tawnhriat nei niin Minerva Punjab leh Kenkre FC tana lo khel tawh a ni.

Posted in Tualchhung.

Leave a Reply

Or