MPL Playoff : Aizawl FC leh Chanmari F.C te Friendly Match-ah an chak!


MPL Playoff khel tura inpuahchahna atan ni thum pawh a awm tling tawhloh avangin Playoff khel tur club-te an beingawrh tawh hle. Team practice piah lamah practice match te an nei chho mek zel a. Chanmari F.C. chuan inrinni zing khan Ramhlun Sports Complex-ah Reitlang F.C. 2-1 a an hneh hnuin, vawiin ni 10 July 2012 (thawlehni) zing khan Chanmari Derby-ah Chanmari West 4-0 in an hneh leh bawk. Tukin vek khan Lammual-ah Aizawl F.C. chuan Reitlang F.C. 3-1 in an hneh a ni.

Chanmari leh a chhehvel!

Tun MPL Playoff-ah hian Chanmari hming pu team pahnih an awm a, pakhat chu Chanmari West F.C. niin pakhat leh chu Chanmari F.C. a ni thung. Heng team pahnih te hi club lamah langsar teh vut lo mahse veng leh veng inkhelhna lamah chuan an thleng sang dun hle a, Chanmari Veng hi Red Ribbon 2012 Champion niin Chanmari West hi Central YMA finalist an ni thung.

Club lamah hi chuan Chanmari West hi an tleng sang zawk a, nikum lam khan ADFA hnuaiah Second Division-ah an awm a. I-Day Second Division 2011 champion niin Second Division final standing-ah pahnih an ni a, an chungah SYS F.C. chiah an awm a ni. Chanmari F.C. erawh hi chu Aizawl East Zone Football Association (AEZFA) hnuaiah Zone Football an khelve a. 2011 khan AEZFA Football Tournament-ah Semifinal lutin Saitual Zone Tournament 2011-ah Semi Final an lut leh bawk a. Hei lo chu record han sawi tur an nei lo. Mahse tunah chuan boruak a dang tawh a, he Chanmari F.C. hi Mizoram Football Club tha ber nih tumin hma an la chho mek a ni.

Chanmari F.C. hian friendly match-ah Chanmari West F.C. hi 4-0 ngawtin Ramhlun Sports Complex-ah sawp mahse playoff-ah an goal thun zat hi an luh pui dawn loh avangin an friendly match hian anihna takah chuan awmzia a nei lova, mahse playoff-ah chuan Chanmari F.C. hi rinkai zawk an ni tawh thung ang. Rinkai zawk chak leh chakloh chu ni 17th July (Thawhlehni) tlai dar 3 a ‘Chanmari Derby’ Lammual-a an inkhelh leh hunah a hriat ang.

Aizawl F.C. 3-1 Reitlang F.C.

Aizawl F.C. hi tun Playoff-ah chuan tlang tura beiseiawm ber pawl an nih mai bakah MPL-ah meuh pawh Champion thei tur khawpa tha an ni a. Reitlang erawh hi chu chutiang em em chuan tha lo mahse playoff paltlang thei tur khawpin an tha thung.
Aizawl F.C. hian inkhel an thunun zawk a, an thunun ang ngeiin goal thum ngawt first half-ah an thun a. Mahse second half-ah goal an thunlo thung. Reitlang hian second half-ah team thar (first eleven?) an luh tir a, an goal an venhim mai bakah hun tawp lamah goal an thun a. Aizawl F.C. ai hian tha zawkin lang lo mahse Aizawl F.C. hneh thei tur khawp chuan an tha a tih theih tho awm e. Heng team pahnihte hi ni 23th July (Thawhtanni) tlai dar khatah tuna an intumna tho Lammual-ah an inkhel leh dawn a, hmaih phal chi a ni lovang.

Aizawl F.C. hian rising star an neih hmel a, chu chu an left winger Brandon-a hi a ni. A khel pha a, a game pangai anga a khel anih ngat chuan a entlak viau tura ngaih a ni a, amah hi Aizawl College in MSU Cup an Champion theihna chhan pakhat kha tih theih awm e. Anni bakah hian Aizawl F.C. sign thar Ramthar Midfielder Johny-a khel pawh hmuh a nuam khawp mai. Mahse Johny hi chu rising star anga chhiar chi a ni tawh lova, local football lama tui tan chuan a khel kan la hmu lo anih pawhin a hming tal chu kan hriat tawh a rinawm.

11 thoughts on “MPL Playoff : Aizawl FC leh Chanmari F.C te Friendly Match-ah an chak!

  1. Pingback: otc cialis

  2. Pingback: Brand cialis

  3. hlups hauhnar

    AFC hi chu tan lo phawt teh ang…mahse a mimal takin Francis-a leh Johny-a ka tan ang 🙂

  4. amah hriathlua pa

    A pui don khop mai, MPL khelh hun chu Aizawl lam ranwn zin dan ngaituah ve ngei chu a ngai don nih hi..

  5. emefa

    an khel pangai ka van en chak ve chiang,,,internet lamah te hian an live leh dawn em le,,,??

Leave a Reply

MPL Playoff : Aizawl FC leh Chanmari F.C te Friendly Match-ah an chak!

MPL Playoff khel tura inpuahchahna atan ni thum pawh a awm tling tawhloh avangin Playoff khel tur club-te an beingawrh tawh hle. Team practice piah lamah practice match te an nei chho mek zel a. Chanmari F.C. chuan inrinni zing khan Ramhlun Sports Complex-ah Reitlang F.C. 2-1 a an hneh hnuin, vawiin ni 10 July 2012 (thawlehni) zing khan Chanmari Derby-ah Chanmari West 4-0 in an hneh leh bawk. Tukin vek khan Lammual-ah Aizawl F.C. chuan Reitlang F.C. 3-1 in an hneh a ni.

Chanmari leh a chhehvel!

Tun MPL Playoff-ah hian Chanmari hming pu team pahnih an awm a, pakhat chu Chanmari West F.C. niin pakhat leh chu Chanmari F.C. a ni thung. Heng team pahnih te hi club lamah langsar teh vut lo mahse veng leh veng inkhelhna lamah chuan an thleng sang dun hle a, Chanmari Veng hi Red Ribbon 2012 Champion niin Chanmari West hi Central YMA finalist an ni thung.

Club lamah hi chuan Chanmari West hi an tleng sang zawk a, nikum lam khan ADFA hnuaiah Second Division-ah an awm a. I-Day Second Division 2011 champion niin Second Division final standing-ah pahnih an ni a, an chungah SYS F.C. chiah an awm a ni. Chanmari F.C. erawh hi chu Aizawl East Zone Football Association (AEZFA) hnuaiah Zone Football an khelve a. 2011 khan AEZFA Football Tournament-ah Semifinal lutin Saitual Zone Tournament 2011-ah Semi Final an lut leh bawk a. Hei lo chu record han sawi tur an nei lo. Mahse tunah chuan boruak a dang tawh a, he Chanmari F.C. hi Mizoram Football Club tha ber nih tumin hma an la chho mek a ni.

Chanmari F.C. hian friendly match-ah Chanmari West F.C. hi 4-0 ngawtin Ramhlun Sports Complex-ah sawp mahse playoff-ah an goal thun zat hi an luh pui dawn loh avangin an friendly match hian anihna takah chuan awmzia a nei lova, mahse playoff-ah chuan Chanmari F.C. hi rinkai zawk an ni tawh thung ang. Rinkai zawk chak leh chakloh chu ni 17th July (Thawhlehni) tlai dar 3 a ‘Chanmari Derby’ Lammual-a an inkhelh leh hunah a hriat ang.

Aizawl F.C. 3-1 Reitlang F.C.

Aizawl F.C. hi tun Playoff-ah chuan tlang tura beiseiawm ber pawl an nih mai bakah MPL-ah meuh pawh Champion thei tur khawpa tha an ni a. Reitlang erawh hi chu chutiang em em chuan tha lo mahse playoff paltlang thei tur khawpin an tha thung.

Aizawl F.C. hian inkhel an thunun zawk a, an thunun ang ngeiin goal thum ngawt first half-ah an thun a. Mahse second half-ah goal an thunlo thung. Reitlang hian second half-ah team thar (first eleven?) an luh tir a, an goal an venhim mai bakah hun tawp lamah goal an thun a. Aizawl F.C. ai hian tha zawkin lang lo mahse Aizawl F.C. hneh thei tur khawp chuan an tha a tih theih tho awm e. Heng team pahnihte hi ni 23th July (Thawhtanni) tlai dar khatah tuna an intumna tho Lammual-ah an inkhel leh dawn a, hmaih phal chi a ni lovang.

Aizawl F.C. hian rising star an neih hmel a, chu chu an left winger Brandon-a hi a ni. A khel pha a, a game pangai anga a khel anih ngat chuan a entlak viau tura ngaih a ni a, amah hi Aizawl College in MSU Cup an Champion theihna chhan pakhat kha tih theih awm e. Anni bakah hian Aizawl F.C. sign thar Ramthar Midfielder Johny-a khel pawh hmuh a nuam khawp mai. Mahse Johny hi chu rising star anga chhiar chi a ni tawh lova, local football lama tui tan chuan a khel kan la hmu lo anih pawhin a hming tal chu kan hriat tawh a rinawm.

Leave a Reply