MPL Playoff : College Veng F.C. Bihchianna


Aizawl South Zone lama football tinungtu College Veng Football Club (CFC) chuan Mizoram Premier League Playoff khel turin zing leh tlaiah ngawrh takin practice an kalpui.

CFC tan Chenkual Firm
CFC (Chanmari F.C. pawh hi CFC tih tho an ni!) hi 2010-11 khan first division atangin an relegate a. Nikum season 2011-12 ah khan ADFA hnuaiah Second Division-ah awmin an chetha hran lova. Mahse 2nd Division Season Ending Tournament-ah erawh final an lut tho a ni. Tun MPL lo awm turah pawh hian hun tawp lamah an tel tur thu hi an puang ve chiah a, hei hian football khawvel-ah thamral mai an tumloh zia a tilang awm e. Mahse MPL tel tur chuan phur satliah a theih lova, pawisa a ngaihve tlat avangin Chenkual Firm (Tuirial) leh a chheh vela pangpar huan leh thil dang neitute chhungkua in CFC hi an rawn tanpui a. Anni lam hian share an neih duh vang nilovin Sports chawi nung nan an sum leh pai hi an rawn thawh a ni. Hetah hian an la duhtawk mai lova, CFC Official te hnenah hian an mamawh leh thildangah pawh inthlahrung lo turin an hrilh bawk a ni.

Kan sawi belh duh lawk chu, khawvelah hian midangte tana malsawmna nih hi thil hlu ber a ni a, mihausa thenkhat te’n awmze nei lova an sum leh pai khawhral mek laia, hlawkna um lova thalaite tan leh infiammite tan sum thawhtute hian fak an phu a, kan fak bawk a ni.

Players-ah harsatna tawk mahse …
Club hrang hrang leh pawl reng reng hian harsatna hi an hmachhawn fova, he harsatnaah pawh hian CFC hi an bang bik chuang lo niin CFC Coach MP-a chuan ZoFooty a hrilh a. CFC hi local football tinungtu pakhat an nih mai bakah he club atang hian player tam tak an lo chher chhuak tawh a, mahse MPL rawn awm hun hi club lam pawn harsatna a tawh lai tak anih avangin players lakna tur pawisa a tam tawk lova. Hemi anih avang leh club pawisa ngah zawkte an awm tak avangin an players duh ang te an la thei lova, hemi bakah hian an players lak tawh sa anga an ngaih mi 5 te chuan Silchar lam an pansan leh bawk avangin players lamah harsatna an nei a. Mahse players 23 vel an la kawl tho avangin an zam bik lo.

Tawnhriat ngah Coach MP-a a zam lo!
Mite hriat leh bengkhawn players neilo mahse a players neih ang te a hrechiang tawk a, a ring tawk bawk. Players senior pahnih khatin rawlthar zawkte an ho khawm dawn a, tawnhriat ngah pahnih an neih hi an tangkai pui viau thei bawk. Chumai bakah skills leh movement lamah chuan Aizawl leh Mizoram chhunga team awmah hian huphurh an neih bikloh thu Coach MP-a chuan ZoFooty a hrilh. Salem Veng atanga an lak George-a leh Captain Maliana te awmdun tur ringawt pawh hi thlamuana thamah coach hian a ngai a, chumai bakah an players te chu kum lamah naupang la nuapang mahse an skills leh movement a that avangin hlauh bik an nei lova. An hmachhawn hmasaber tur boruak ngah tak Aizawl F.C. te nen chuan tehkhin chi ni lo mahse he team (CFC) hi a ding tawh avangin a tlu leh mai dawn bik lova, vawi 7 inkhelh turah vawi 4 chu chak theih an inbeisei a ni.

College Veng F.C. hi kum 1985 khan an lo ding daih tawh a. Coach MP-a hian 2003 leh 2004 khan Second Division-ah a lo Champion pui tawh a. Chumai bakah an Coach hian Mizoram team te pawh lo kaihruai tawhin kum 2008 khan National U-16-ah Mizoram Team a Champion pui a, NE Football Festival 2009-ah Mizoram Team Bronze a lakpui bawk. Tunah hian CFC hi MPL a thlenpui thei angem?

MP-a’n College Veng F.C. tan turin Aizawl South Mipui a sawm!
MP-a chuan Aizawl South huam chhunga mipui zawng zawng chuan South atanga Playoff khel tur team awmchhun College Veng hi tan turin a sawm a. Fans te chu team chakna pakhat a ni tih hre rengin theithawp chhuah turin a ngen a. College Veng mipuiten an hmalakna an phurpui avangin an chungah lawmthu a sawi bawk a ni.

Aw le, rawlthar rual awmkhawmna College Veng team hi ZoFooty chuan an kal zelna turah duhsakna kan hlan e.

6 thoughts on “MPL Playoff : College Veng F.C. Bihchianna

  1. Pingback: is cialis generic

  2. Pingback: Cialis in australia

  3. MIZO

    College Veng FC te theihtawp chhuaha hlawhtlinna changturin duhsakna ka hlan e. Mizoram Football tinungtu veng pakhat an ni a. Hetianga MPL playoff an rawn khel tur pawh hi an fakawm hrim hrim tawh. An coach ka tan bawk.

  4. MIZO

    A tha khawp mai a. Kan hriat loh kan hriat leh phah ta e. Beng a var leh ta sawt mai. A nuam thin e.

Leave a Reply

MPL Playoff : College Veng F.C. Bihchianna

Aizawl South Zone lama football tinungtu College Veng Football Club (CFC) chuan Mizoram Premier League Playoff khel turin zing leh tlaiah ngawrh takin practice an kalpui.

CFC tan Chenkual Firm

CFC (Chanmari F.C. pawh hi CFC tih tho an ni!) hi 2010-11 khan first division atangin an relegate a. Nikum season 2011-12 ah khan ADFA hnuaiah Second Division-ah awmin an chetha hran lova. Mahse 2nd Division Season Ending Tournament-ah erawh final an lut tho a ni. Tun MPL lo awm turah pawh hian hun tawp lamah an tel tur thu hi an puang ve chiah a, hei hian football khawvel-ah thamral mai an tumloh zia a tilang awm e. Mahse MPL tel tur chuan phur satliah a theih lova, pawisa a ngaihve tlat avangin Chenkual Firm (Tuirial) leh a chheh vela pangpar huan leh thil dang neitute chhungkua in CFC hi an rawn tanpui a. Anni lam hian share an neih duh vang nilovin Sports chawi nung nan an sum leh pai hi an rawn thawh a ni. Hetah hian an la duhtawk mai lova, CFC Official te hnenah hian an mamawh leh thildangah pawh inthlahrung lo turin an hrilh bawk a ni.

Kan sawi belh duh lawk chu, khawvelah hian midangte tana malsawmna nih hi thil hlu ber a ni a, mihausa thenkhat te’n awmze nei lova an sum leh pai khawhral mek laia, hlawkna um lova thalaite tan leh infiammite tan sum thawhtute hian fak an phu a, kan fak bawk a ni.

Players-ah harsatna tawk mahse …

Club hrang hrang leh pawl reng reng hian harsatna hi an hmachhawn fova, he harsatnaah pawh hian CFC hi an bang bik chuang lo niin CFC Coach MP-a chuan ZoFooty a hrilh a. CFC hi local football tinungtu pakhat an nih mai bakah he club atang hian player tam tak an lo chher chhuak tawh a, mahse MPL rawn awm hun hi club lam pawn harsatna a tawh lai tak anih avangin players lakna tur pawisa a tam tawk lova. Hemi anih avang leh club pawisa ngah zawkte an awm tak avangin an players duh ang te an la thei lova, hemi bakah hian an players lak tawh sa anga an ngaih mi 5 te chuan Silchar lam an pansan leh bawk avangin players lamah harsatna an nei a. Mahse players 23 vel an la kawl tho avangin an zam bik lo.

Tawnhriat ngah Coach MP-a a zam lo!

Mite hriat leh bengkhawn players neilo mahse a players neih ang te a hrechiang tawk a, a ring tawk bawk. Players senior pahnih khatin rawlthar zawkte an ho khawm dawn a, tawnhriat ngah pahnih an neih hi an tangkai pui viau thei bawk. Chumai bakah skills leh movement lamah chuan Aizawl leh Mizoram chhunga team awmah hian huphurh an neih bikloh thu Coach MP-a chuan ZoFooty a hrilh. Salem Veng atanga an lak George-a leh Captain Maliana te awmdun tur ringawt pawh hi thlamuana thamah coach hian a ngai a, chumai bakah an players te chu kum lamah naupang la nuapang mahse an skills leh movement a that avangin hlauh bik an nei lova. An hmachhawn hmasaber tur boruak ngah tak Aizawl F.C. te nen chuan tehkhin chi ni lo mahse he team (CFC) hi a ding tawh avangin a tlu leh mai dawn bik lova, vawi 7 inkhelh turah vawi 4 chu chak theih an inbeisei a ni.

College Veng F.C. hi kum 1985 khan an lo ding daih tawh a. Coach MP-a hian 2003 leh 2004 khan Second Division-ah a lo Champion pui tawh a. Chumai bakah an Coach hian Mizoram team te pawh lo kaihruai tawhin kum 2008 khan National U-16-ah Mizoram Team a Champion pui a, NE Football Festival 2009-ah Mizoram Team Bronze a lakpui bawk. Tunah hian CFC hi MPL a thlenpui thei angem?

MP-a’n College Veng F.C. tan turin Aizawl South Mipui a sawm!

MP-a chuan Aizawl South huam chhunga mipui zawng zawng chuan South atanga Playoff khel tur team awmchhun College Veng hi tan turin a sawm a. Fans te chu team chakna pakhat a ni tih hre rengin theithawp chhuah turin a ngen a. College Veng mipuiten an hmalakna an phurpui avangin an chungah lawmthu a sawi bawk a ni.

Aw le, rawlthar rual awmkhawmna College Veng team hi ZoFooty chuan an kal zelna turah duhsakna kan hlan e.

Leave a Reply