I-League 2nd Division Final Round khelpha Aizawl FC chuan MPL Playoff an match hmasaberah College Veng FC chu 5-0 in an hneh a. Aizawl FC tan hian H. Lalnunzira (Zirtea) chuan hattrick a siam a, ani bakah hian Zoremtluanga leh Malsawmzuala ten goal khat ve ve an thun bawk. Aizawl FC hian goal nga ngawt an thun avangin MPL Playoff Round 1-ah hma an hruai a ni.
Players kimlo Aizawl Fc!
Aizawl FC tan an players pawimawh Francis-a, Albert-a, Zohmangaiha leh Rammawia te an khel thei lova. Heng players pali te hi Aizawl FC-ah hian first eleven chang pha tura ngaih an ni a. Mahse an tel lova goal nga ngawta an chak avangin first eleven chang tur chuan an an tan leh viau chu a ngai ngei ang.
First Half-ah Goal 3!
College Veng lamin 4-5-1 formation rawn hmangin Aizawl FC hi draw ngei an tum niin a lang. Mahse inkhel tan chiah atangin Aizawl FC lamin goal thun tumin an nawr nghal a. An passing a that avangin goal pawh an thun nge dawnin a lang, Aizawl FC tan Captain Malsawmzuala’n chance tha tak a thelh hnuin College Vengin goal an thun thelh a. Vei lam atanga Josh-a’n ball tha taka a vawrh chu goal ruakah Faka’n a tauh lut lo a. Team chhe zawka ngaih College Vengin an chance tha an thelh hi a pawi thui ta niin a lang. Aizawl FC in Minute 15 lekah Zirtea atangin an thun a, he goal hi veilam kil atanga freekick Zirtea’n a lo sut luh a ni. Aizawl FC in goal an thun hnuah game thlak danglamin Zirtea leh Zorema ten an tlanna an in thleng a, an tifuh ngei mai. Captain Malsawmzuala ball tha tak Zirtea’n a thun hnuah Zorema goal a thun velah ngal bawk. Chance dang chu nei bawk mahse first half-ah goal dang a luh belh lo.
Second Half-ah Goal 2!
College Veng FC lamin substitution pahnih rawn siamin game rawn sawi danglam an tum a. Mahse game a chungnung zawk Aizawl FC an chungnung chhunzawm zel a. An striker Michael-a’n player tha anih zia lantir zeuh zeuh mahse goal a thun thei lova. Goal thuntu erawh Zirtea bawk niin he goal hi Malsawmzuala siam sak bawk a ni. Zirtea goal thun hnu lawkah goal siamsak thintu Malsawmzuala chuan goal thun vel leh a. Aizawl FC lamin Valpuia la chhuakin a aiah Jersey No. 10 Chandigarh Academy a awm thin Tluanga an rawn luhtir a, Zorema la chhuakin a aiah Shimla Youngs Winger Rintluanga an rawn luhtir bawk a. Mahse goal dang erawh an thun belh tawh lo.
Sawi belh ang!
Tun MPL Playoff khel tawhah chuan Aizawl FC an la kheltha ber a, an game pawh a la pangai ber bawk. An defender Dina khel hmuh a nuam a, mahse over confidence vanga tihsual a nei leh tep thin. A pumpuia lak chuan an Captain Malsawmzuala a kheltha bera a ball sem a fing em em a, a tul huna midfielder anga a khel thei te khan player quality sang anih zia pholang a. A striker partner Michael-a erawh khelchhe hranlo mahse goal ber a thunloh avangin a famkim lova. Goal a thunlo leh anih chuan a aiah Papuia a lut lovang tih sawi a harsa.
College Veng erawh an inpuahchahna a tha tawklo tih a lang a, team tha ber anga ngaih an tum bawk avangin an vanduai a. An inkhel leh turah erawh an insiamthat ngei a ngai tawh ang.
Aizawl FC 5-0 College Veng
(H. Lalnunzira 15′, 24′, 66′; Zoremtluanga 29′; Malsawmzuala 63′)
Red: Aizawl FC (4-4-2) ; Yellow: College Veng FC (4-5-1)
Aizawl FC
First XI: MS Dawngliana, Thomas Lalengkima, Lawmsangpuia, Laldinpuia, Ricky Lallawmawma, Johny Lalfakzuala, MS Dawngliana, H. Lalnunzira, Zoremtluanga, B. Malsawmtluanga (Capt), Michael Lalremruata
Substitutes: Isaac Vanlalpeka, Jessy Lalruatpuia, Lalnuntluanga, Ramengmawia, Zotlanhlua, Lalruatfela, lalthanpuia, Brandon VL Remruata, K. Lalrintluanga.
Coach: Gosen Rammawia
Manager: Hmingthansanga
Asst. Coach: Lalduhawma
Asst. Manager: Lalnunsiama
Physio: Hmangaihsanga
College Veng FC
First XI: Zodinsanga, KC Lalruatkima, Lalremtluanga, K. Zonunmawia (Capt.), PC Lalmuansanga, Lalchhanchhuaha, Jerry Ramherliana, Josh B. Zosangliana, Lawmsangkima, P. Laldinpuia, B. Lalfakawma
Substitutes: Zonunsiama, F. Lalnunpuia, H. Lalremtluanga, Lalchawimawia, PC Lalhriatpuia, James Lalrinfela, Ramfanmawia, Vanmalsawma, Lalrinfela.
Substitutes: C. Lalthlengliana (MPa)
Manager: Lalhunliana
Asst. Coach: R. Zonunmawia
Asst. Manager: Ramdinsanga
Physio : Lalduhsaki
cialis pills
cialis otc
Buy viagra low price
viagra price in canada
Playoff a team ṭha ber (?) leh team ṭha lo deuh ber (player en in) inkhel an ni bawk a, a mak lem lo e. College Veng pawh hi team dang an tum hunah chuan an chak chho ve thei tho mai.
AFC leh Chanmari hi intum vat vat se 🙂
Kan pawl chu kanva tlawm chiang ngai ve le… 🙂 College Veng han tang sauh sauh teh u. Tin, AFC an lawmpuiawm khawp mai. Eng club mah hian sa min la eipui lo bawk a(h), a che tha tha ka la tan phawt mai teh ang. 🙂
AFC khel a hmuhnom ka ti khups mai. sap trong takin an movement kha a hmunom ve fiiiiii ni. mahse ann striker Michael an tih kha a inla star k ti, an captain nen khan an che zia vel kha 🙂 🙂 an coach lam ka fak kei cu, AFC kha an game a moi
AFC chu an che rapthlak hle mai 🙂 TIn, COllege VEng FC pawh Duhsakna ka hlan e. Good post
Vawiin chu Aizawl FC Captain thar pawh a khel tha khawp mai, a che vel a hmuhnawm.
Pathian zarah kan chak a kan lawm hle mai…mahse insamthat ngai tur kan la ngah a….kan player te an lo inhliam nual bawk nen…..next game ah tan leh sauh a ngai….inthlahdah hi a pawi thui thei…….thanks to the fans….
Chak an phu pahnihin chakna an chang chu lawmpui e…Haha…..
A lawmawm e. Vawiin chu chak phu pahnihin chakna an chang niin ka hria.