MPL Playoff Round 2 – Preview : RS Annexe leh Aizawl FC inkhel a hmuhnawm dawn!

Mizoram Premier League Playoff Round 2 a hmuhnawm dawn a. A bik takin FC RS Annexe leh Aizawl FC inkhel tur hi mi en chak a ni a, tun playoff ti hlu tu pawh hi anih ngei a rinawm.

1:00 PM : Kanan FC (3 pts) Vs Theiriat FC (0 pts)

Kanan FC in an first match-ah Reitlang FC 1-0 in hneh mahse ball an chang tlem zawk a, chutihrualin an striker ten chance tha tak tak an thelhve bawk. An tumpui tur Theiriat FC in Chanmari FC 3-1 in an hneh lova, an chakloh ang ngeiin ball pawh an chang tlem zawk bawk. Mahse Theiriat FC hian team thawm nei lian tak Chanmari FC an tum avangin leh an first match anih avangin boruak an zo lo a tih theih a, chumai bakah defensive game an khelh bawk avangin an thiamna tak tak a lang lo niin a ngaih theih bawk.

Kanan FC inghahna Sangbera!
Sangbera hi player tlan chak anih avangin chance awm lo pawh awma siam thei a ni. Mahse he striker hian Reitlang FC nena an inkhelh tum khan goal a thun lova, chumai bakah goal ngei tura ngaih a thelh bawk. Amah thlawp tur hian nikum lama Luangmual a khel Puia an neih avangin an attacking hi a chhia tih a harsa a, mahse nikum lama an rinrawl leh playmaker Tetea Tlau an mamawh hle thung. Tetea Tlau ang bawka Lunglei khaw chhuak Kawngtea an la kawl thova, ani hian Tetea Tlau angin ball fing pe tam lo mahse Theiriat playerte a hriat chian dawn avangin a pawimawh viau tura ngaih a ni.

Defence lamah Ruatsanga a dam a pawimawh a, chutihrualin minute 36 leka an thlak Malsawma a fit a pawimawh dawn a, fit lo chunga an lut tir erawh chuan match a la tam dawn avangin a fuh ber a rinawm loh. Keeper Fela a khel tha a. Mahse Reitlang nena time delay vanga indirect freekick a chawi ang kha chu a chhunzawm chi tawh lovang.

Theiriat FC tan Muankima a pawimawh!
Theiriat FC coach hi Mizoram Subroto Junior team Coach Muankima a ni a. An match hmasa bera a formation hman 4-5-1 kha a tisual niin a lang lo a, mahse a player ten a duh angin a player te’n an khel lo tih a lang thung. Playerte rilru thlak turin coach a pawimawh dawn a, Chanmari FC aia team tha lo zawk Kanan FC an tum dawn tawh avangin an formation pawh an thlak ngei rin a ni. Chutihrualin Kanan FC counter attack lama an hlauawm dawn avangin ball chhuak tur an dan chah that chu a ngai khawp ang.

Theiriat FC innghahna ber tur pakhat chu an Striker Maenga a ni a, anni hian Lunglei lama a performance a pha lo nia sawi a ni a. Naktuk lamah hian Lunglei lama a khelh dan anga a khel thei anih chuan team tan chakna tham a tling ang.

Predictions:
Kanan FC 2-2 Theiriat FC
Team pahnih ten chak tumin an khelh a rinawm a. Hemi anih avang hian goal chance pawh awm nual tura a ngaih theih ang.

Fixtures:
Kanan FC
1-0 Reitlang FC (Win)
Vs Theiriat FC (16th July 2012)
Vs FC RS Annexe (18th July 2012)

Theiriat FC
1-3 Chanmari FC (Loss)
Vs Theiriat FC (16th July 2012)
vs Aizawl FC (18th July 2012)

Last Match First Eleven:
Kanan F.C. (4-4-2): Vanlalfela, Lalchhuansanga, Lalrinzuala, Lalruatsanga, C. Lalmalsawma, H.S. Lalremtluanga, Lalremruata, R. Lalnunfela, Malsawmtluanga, Vanlalhlua, Lasangbera
Theiriat FC (4-51): PC Lallawmkima, R. Lalrengpuia, Job Ramdinthara, R. Lalrinsanga, B. Lalvenhima, H. Lalremmawia, J. Malsawmtluanga, B. Lalruatkima, H. Lalrammawia, C. Lalramenga, Lalhmangaihtluanga

3:00: FC RS Annexe (3 pts) Vs Aizawl FC (3 pts)

Tun playoff a inkhel ngahhlel awm ber zinga ngaih theih a ni. FC RS Annexe hian City Zone Tournament 2012 final-ah Aizawl FC hi 1-0 in an lo hneh tawh a. Hemi tum hian RS Annexe hian kawng engkimah an chungnung zawk a, 1-0 chauha an chak hi an vanduai-ah a ngaihtheih hial zawk . Mahse he game hi season hmasa kha a ni tawh a, tun season-ah chuan player thar nen an khelh tawh dawn avangin a chak zawk tur hriatthiam a har tawh hle. MPL Playoff inpuahchahna friendly match-ah erawh 2-2 in an draw a, he inkhel hi friendly ni mahse boruak a sang viau a, player inhliam pawh an awm nual reng a ni. Team tha pahnih hlawhtling tum ve ve te hi an inel takzet a, chumi anih avang chuan inkhel pawh hi hmuhnawm viau tura ngaih a ni.

Aizawl FC hi Playoff-ah chuan team tha ber an la ni!
An star player thenkhat ten khel thei lo mahse Aizawl FC game a nep chuang lova. Tun playoff bika team tha ber leh khel mawi ber pawh ti ila, kan sawi sual awm love. Match hmasa berah goal 5 khung thei anih avangin an attacking pawh a na tawk a tih theih a, mahse an defending erawh duhthusam a ni bik lo. A sir lam ai chuan a lai lamah buaina an tawk niin a lang a, Chanmari leh SYS FC Champion puitu defender Zohmangaiha hi engang chiahin nge an mamawh sawi thiam a har a. Chutihrualin midfield lai lamah Valpui-a aiin a nau Francis-a an mamawh zawk niin a lang a. Chutiang bawkin winger lamah Zorema kheltha viau mahse Albert-a ala tluk pha lo cheu niin a lang bawk. Mahse an inghahna leh an Captain ni bawk Malsawmzuala’n a game pangai a khelh a, Zirtea’n a goal thun theihna a chhunzawm bawk chuan an dinhmun chu tha viau tura ngaih a ni. An striker Michael-a’n goal a thun lo anih pawhin team tan a tlan tam a pawimawh dawn a, a tlan tam lo anih chuan Papuia luhtir a fihthlak a rinawm bawk.

FC RS Annexe tan Captain Sasanga a pawimawh dawn!
RS Annexe hian season hmasa lamah Aizawl FC hi hneh zawk mahse tun tumah chuan team tha lo zawk angah an ngaih theih a. Chumi anih avang chuan Chanmari West an hneh tuma penalty atanga goal thuntu Captain Sasanga hi a pawimawh viau turah a ngaih theih. Sasanga that lohna ber chu concentration a hlauh thin hi a ni a, Aizawl FC nena an inkhelh turah hi chuan a tan tihsual a thiang lo ang. Chumai bakah defence atanga a ball sem tha tak a chhunzawm a pawimawh viau anga, captain anih angin game a control a pawimawh bawk ang.

RS Annexe tana chanchin lawmawm chu Peerless FC, Kolkata atanga an striker lak Danny Lalduhsaka squad-a a awm tur hi a ni. Hei hi chanchin lawmawm anihna chhan chu an striker pahnih Cte-a leh Rinawma ten goal an thun theih loh bakah an goal bawh a nat tawk loh vang a tih theih ang. Striker Danny-a tan chuan hmingchher tur chuan goal thun a pawimawh dawn a, an midfielder Sawmtea leh Zonunmawia te an khel chhe viau anih loh chuan ball tha chu a hmuh ngei a rinawm. Mahse match fitness a neih dawn loh avangin goal a khung angem tih hi zawhna awm thei tak a ni.

Predictions
FC RS Annexe 1-3 Aizawl FC
Coach in game plan a rawn thlak dan a zirin result a danglam thei anga. Mahse an game hmasa ang anih chuan Aizawl FC 3-1 a chak tir hi thil awm tak a ni.

Fixtures
FC RS Annexe
1-0 Chanmari West FC (Win)
Vs Aizawl FC (16th July 2012)
Vs Kanan Fc (18th July 2012)

Aizawl FC
5-0 College Veng FC (Win)
Vs Aizawl FC (16th July 2012)
Vs Theiriat FC (18th July 2012)

Last Match First Eleven:
FC RS Annexe (4-4-2): C. Lalrinsanga, Zonunmawia, C. Lalnunsanga, C. Zoliana, Vanlalhmangaiha, L.K. Liana, MS Dawngliana, Lalsiamthara, Lalrinchhana, Lalrinawma,
Aizawl FC (4-4-2): MS Dawngliana, Thomas Lalengkima, Lawmsangpuia, Laldinpuia, Ricky Lallawmawma, Johny Lalfakzuala, MS Dawngliana, H. Lalnunzira, Zoremtluanga, B. Malsawmtluanga (Capt), Michael Lalremruata

13 thoughts on “MPL Playoff Round 2 – Preview : RS Annexe leh Aizawl FC inkhel a hmuhnawm dawn!

  1. Pingback: cialis dosage 40 mg

  2. Pingback: order cialis online

  3. Pingback: Cialis online

  4. Dinga

    Zirtea of AFC hi i tan leh phawt mai teh ang……….a ni hi a turu ve tho chuan ka hria….Vodafone Cup (Inter Br.YMA) ah khan Game 7 khelh ah goal 9 thun thei ngat a nih hi….game hmasa ah goal 3 thun tawh bawk……….theuneu lo tak a ni.

  5. Steven

    Annexe leh AFC hi tunge chak zawk ang aw..ka en chak tawh khop mai. AFC hi tum a chakawm toh

  6. ruatsaka

    an kawr hmaah ZONET SENHRI tih an ziah avangin Kanan FC hi han tran phawt mai ila 🙂 2-0 in an chak ka ring a. AFC leh FC RS hi thriante club ve ve a ni a, tran zawk tur ka buai ta map mai. 0-0 in indraw tir mai ang 🙂

Leave a Reply

MPL Playoff Round 2 – Preview : RS Annexe leh Aizawl FC inkhel a hmuhnawm dawn!

Mizoram Premier League Playoff Round 2 a hmuhnawm dawn a. A bik takin FC RS Annexe leh Aizawl FC inkhel tur hi mi en chak a ni a, tun playoff ti hlu tu pawh hi anih ngei a rinawm.

1:00 PM : Kanan FC (3 pts) Vs Theiriat FC (0 pts)

Kanan FC in an first match-ah Reitlang FC 1-0 in hneh mahse ball an chang tlem zawk a, chutihrualin an striker ten chance tha tak tak an thelhve bawk. An tumpui tur Theiriat FC in Chanmari FC 3-1 in an hneh lova, an chakloh ang ngeiin ball pawh an chang tlem zawk bawk. Mahse Theiriat FC hian team thawm nei lian tak Chanmari FC an tum avangin leh an first match anih avangin boruak an zo lo a tih theih a, chumai bakah defensive game an khelh bawk avangin an thiamna tak tak a lang lo niin a ngaih theih bawk.

Kanan FC inghahna Sangbera!

Sangbera hi player tlan chak anih avangin chance awm lo pawh awma siam thei a ni. Mahse he striker hian Reitlang FC nena an inkhelh tum khan goal a thun lova, chumai bakah goal ngei tura ngaih a thelh bawk. Amah thlawp tur hian nikum lama Luangmual a khel Puia an neih avangin an attacking hi a chhia tih a harsa a, mahse nikum lama an rinrawl leh playmaker Tetea Tlau an mamawh hle thung. Tetea Tlau ang bawka Lunglei khaw chhuak Kawngtea an la kawl thova, ani hian Tetea Tlau angin ball fing pe tam lo mahse Theiriat playerte a hriat chian dawn avangin a pawimawh viau tura ngaih a ni.

Defence lamah Ruatsanga a dam a pawimawh a, chutihrualin minute 36 leka an thlak Malsawma a fit a pawimawh dawn a, fit lo chunga an lut tir erawh chuan match a la tam dawn avangin a fuh ber a rinawm loh. Keeper Fela a khel tha a. Mahse Reitlang nena time delay vanga indirect freekick a chawi ang kha chu a chhunzawm chi tawh lovang.

Theiriat FC tan Muankima a pawimawh!

Theiriat FC coach hi Mizoram Subroto Junior team Coach Muankima a ni a. An match hmasa bera a formation hman 4-5-1 kha a tisual niin a lang lo a, mahse a player ten a duh angin a player te’n an khel lo tih a lang thung. Playerte rilru thlak turin coach a pawimawh dawn a, Chanmari FC aia team tha lo zawk Kanan FC an tum dawn tawh avangin an formation pawh an thlak ngei rin a ni. Chutihrualin Kanan FC counter attack lama an hlauawm dawn avangin ball chhuak tur an dan chah that chu a ngai khawp ang.

Theiriat FC innghahna ber tur pakhat chu an Striker Maenga a ni a, anni hian Lunglei lama a performance a pha lo nia sawi a ni a. Naktuk lamah hian Lunglei lama a khelh dan anga a khel thei anih chuan team tan chakna tham a tling ang.

Predictions:

Kanan FC 2-2 Theiriat FC

Team pahnih ten chak tumin an khelh a rinawm a. Hemi anih avang hian goal chance pawh awm nual tura a ngaih theih ang.

Fixtures:

Kanan FC

1-0 Reitlang FC (Win)

Vs Theiriat FC (16th July 2012)

Vs FC RS Annexe (18th July 2012)

Theiriat FC

1-3 Chanmari FC (Loss)

Vs Theiriat FC (16th July 2012)

vs Aizawl FC (18th July 2012)

Last Match First Eleven:

Kanan F.C. (4-4-2): Vanlalfela, Lalchhuansanga, Lalrinzuala, Lalruatsanga, C. Lalmalsawma, H.S. Lalremtluanga, Lalremruata, R. Lalnunfela, Malsawmtluanga, Vanlalhlua, Lasangbera

Theiriat FC (4-51): PC Lallawmkima, R. Lalrengpuia, Job Ramdinthara, R. Lalrinsanga, B. Lalvenhima, H. Lalremmawia, J. Malsawmtluanga, B. Lalruatkima, H. Lalrammawia, C. Lalramenga, Lalhmangaihtluanga

3:00: FC RS Annexe (3 pts) Vs Aizawl FC (3 pts)

Tun playoff a inkhel ngahhlel awm ber zinga ngaih theih a ni. FC RS Annexe hian City Zone Tournament 2012 final-ah Aizawl FC hi 1-0 in an lo hneh tawh a. Hemi tum hian RS Annexe hian kawng engkimah an chungnung zawk a, 1-0 chauha an chak hi an vanduai-ah a ngaihtheih hial zawk . Mahse he game hi season hmasa kha a ni tawh a, tun season-ah chuan player thar nen an khelh tawh dawn avangin a chak zawk tur hriatthiam a har tawh hle. MPL Playoff inpuahchahna friendly match-ah erawh 2-2 in an draw a, he inkhel hi friendly ni mahse boruak a sang viau a, player inhliam pawh an awm nual reng a ni. Team tha pahnih hlawhtling tum ve ve te hi an inel takzet a, chumi anih avang chuan inkhel pawh hi hmuhnawm viau tura ngaih a ni.

Aizawl FC hi Playoff-ah chuan team tha ber an la ni!

An star player thenkhat ten khel thei lo mahse Aizawl FC game a nep chuang lova. Tun playoff bika team tha ber leh khel mawi ber pawh ti ila, kan sawi sual awm love. Match hmasa berah goal 5 khung thei anih avangin an attacking pawh a na tawk a tih theih a, mahse an defending erawh duhthusam a ni bik lo. A sir lam ai chuan a lai lamah buaina an tawk niin a lang a, Chanmari leh SYS FC Champion puitu defender Zohmangaiha hi engang chiahin nge an mamawh sawi thiam a har a. Chutihrualin midfield lai lamah Valpui-a aiin a nau Francis-a an mamawh zawk niin a lang a. Chutiang bawkin winger lamah Zorema kheltha viau mahse Albert-a ala tluk pha lo cheu niin a lang bawk. Mahse an inghahna leh an Captain ni bawk Malsawmzuala’n a game pangai a khelh a, Zirtea’n a goal thun theihna a chhunzawm bawk chuan an dinhmun chu tha viau tura ngaih a ni. An striker Michael-a’n goal a thun lo anih pawhin team tan a tlan tam a pawimawh dawn a, a tlan tam lo anih chuan Papuia luhtir a fihthlak a rinawm bawk.

FC RS Annexe tan Captain Sasanga a pawimawh dawn!

RS Annexe hian season hmasa lamah Aizawl FC hi hneh zawk mahse tun tumah chuan team tha lo zawk angah an ngaih theih a. Chumi anih avang chuan Chanmari West an hneh tuma penalty atanga goal thuntu Captain Sasanga hi a pawimawh viau turah a ngaih theih. Sasanga that lohna ber chu concentration a hlauh thin hi a ni a, Aizawl FC nena an inkhelh turah hi chuan a tan tihsual a thiang lo ang. Chumai bakah defence atanga a ball sem tha tak a chhunzawm a pawimawh viau anga, captain anih angin game a control a pawimawh bawk ang.

RS Annexe tana chanchin lawmawm chu Peerless FC, Kolkata atanga an striker lak Danny Lalduhsaka squad-a a awm tur hi a ni. Hei hi chanchin lawmawm anihna chhan chu an striker pahnih Cte-a leh Rinawma ten goal an thun theih loh bakah an goal bawh a nat tawk loh vang a tih theih ang. Striker Danny-a tan chuan hmingchher tur chuan goal thun a pawimawh dawn a, an midfielder Sawmtea leh Zonunmawia te an khel chhe viau anih loh chuan ball tha chu a hmuh ngei a rinawm. Mahse match fitness a neih dawn loh avangin goal a khung angem tih hi zawhna awm thei tak a ni.

Predictions

FC RS Annexe 1-3 Aizawl FC

Coach in game plan a rawn thlak dan a zirin result a danglam thei anga. Mahse an game hmasa ang anih chuan Aizawl FC 3-1 a chak tir hi thil awm tak a ni.

Fixtures

FC RS Annexe

1-0 Chanmari West FC (Win)

Vs Aizawl FC (16th July 2012)

Vs Kanan Fc (18th July 2012)

Aizawl FC

5-0 College Veng FC (Win)

Vs Aizawl FC (16th July 2012)

Vs Theiriat FC (18th July 2012)

Last Match First Eleven:

FC RS Annexe (4-4-2): C. Lalrinsanga, Zonunmawia, C. Lalnunsanga, C. Zoliana, Vanlalhmangaiha, L.K. Liana, MS Dawngliana, Lalsiamthara, Lalrinchhana, Lalrinawma,

Aizawl FC (4-4-2): MS Dawngliana, Thomas Lalengkima, Lawmsangpuia, Laldinpuia, Ricky Lallawmawma, Johny Lalfakzuala, MS Dawngliana, H. Lalnunzira, Zoremtluanga, B. Malsawmtluanga (Capt), Michael Lalremruata

Leave a Reply