MPL Playoff Round 3 : Aizawl West derby-ah FC RS Annexe in Kanan FC an hneh hram !

Vawiin atang Mizoram Premier League (MPL) Playoff Round 3 khelh tan a ni a. Match hmasa zawkah hian Aizawl West Derby hmuhnawm tak kan en a. He derby-ah hian FC RS Annexe chuan Kanan FC 2-1 in an hneh a. RS Annexe tana goal thuntu te chu Danny-a leh Zosangliana te an ni a, Kanan FC goal awmchhun hi Malsawmtluanga (Puia) thun a ni thung.

Inkhelh hma chanchin
“Kanan FC Coach Asanga chuan point box kan ni lova, chak zel kan tum a ni” tiin a sawi tawh a. Chuvang chuan Kanan FC lam hian chak an tum hle a ni. 4-4-2 formation rawn hmangin Puia leh Sangbera te a hma tawngah an dah a. Playmaker-ah Mohun Bagan Academy-a awm thin Zautea rawn hmangin Defence lam erawh Captain Chhuansanga’n a rawn hova.

RS Annexe lam hi players neitha an ni a. Hmatawngah Peerless FC Striker Danny-a dah a ni a. Amah thlawp turin Zosangliana dah a ni a. Midfield laiah Ch.t-a leh Sawmtea te an dah a. Defence lam pawh Captain Sangsanga’n rawn hova, 4-2-3-1 formation an rawn hmang a ni.

Inkhelh hma hian Kanan FC-in point 4 an hmu a, RS Annexe erawhin point 3 an hmu thung.

First half : Bul tan tha Kanan FC
Kanan FC lam hian bul an tan tha a, players neitha zawk tihngam RS Annexe lam an talbuai a. An khel a mumal lova. Kanan Striker tlanchak Sangbera a hlauhawm thei hle a. Danny-a te’n Chhuansanga leh Sawmtea an sutlang thei meuh lova.

An innawr tawn zak zak a. Kanan FC striker ball thiam tak Puia, samsei chuan through ball tha zet a hmu a. Keeper nen chauh an awm tawh a, a thlangah Sangbera a awm bawk a, mi tam takin Sangbera a pass dawn emaw antih laiin mi rin loh takin Puia hian mawi lutukin a ‘chip’ goal a ni. He goal hi a class a sang hle. Rin loh zawk Kanan FC-in 1-0 in hma an hruai der a.

RS Annexe lam an talbuai chhunzawm zel a. Kanan FC lamin an nawr a. Mahse clear chance erawh an nei thei meuh lo. Goal dang a lut tawh lova, 1-0 in first half a tawp a.

Second half-ah FC RS Annexe an ‘come-back’
Mi tam takin MPL Playoff-a champion tura an rin RS Annexe lam hian half time an hmang tangkai zawk a ni ngei ang. Second half-ah chuan an game a rawn dang ta khawp mai. Players neitha an ni a, match hmasa berah an chak hram a, an match hnih naah Aizawl FC lakah an vanduai a, chuvang chuan an tan chuan chak loh a thiang tawh lo a ni.

Annexe lamin ball an chang tam tan a. Kanan FC lamin first half-a an game an phak tawh lova, an bet tawlh tawlh a. Goal erawh a lut thei mai bik lova. Half chance an nei tawn zak zak a. Kanan FC lam hian 2-0 a hmahruai theihna chance tha tak an nei a. Lalnunpuia chuan hnai set sawtah a missed a, pet goal se zawng an chak tlang ngei ang.

Hemi hnu atang hi chuan Annexe game kan hmu hmu tam a tih theih. Ch.t-a chuan ball tha tak Danny-a tan a pe lut a. Danny-a chuan a class dik tak a pholang ta. Defender te’n an chilh a, mahse mawi takin keeper man hman lohvin a pet goal a ni. Thawm a tha kher mai.

Annexe an kheltha tawlh tawlh a. Game mumal an khel chho leh tan a. Champhai player Zosangliana chuan box paw’n atang kawh takin a pet a, a goal dawn emaw tih laiin Kanan Keeper chuan lo dangchhuak a. Hemi hnu rei lo teah hian Zosangliana tho hian chance a nei leh a, tuntum erawh a thelh tawh lo. Chiang zet zawtin box pawn atang a pet goal a ni. Annexe fans leh players te an sapatal a ni ber mai.

Hun tawp dawnah Kanan FC lamin chance tha tak an nei a. An striker Sangbera chuan through ball tha tak a hmu a, a pet goal ngei dawna a lan laiin Annexe keeper a rawn ‘up’ a, Sangbera hian a ‘chip’ a, mahse Annexe keeper hian a lo bengthla hman a. Box pawn anih miau avangin Annexe keeper hian red card a hmu a, mahse a goal loh phah thung a ni. Goal dang a luh belh lova. Hun a tawp a. 2-1 in FC RS Annexe an chak ta a ni.

Tlangkawmna
Kanan FC lam hian inkhelh apiangin goal an thun hmasa ziah a. Bul an tan tha ziah a mahse an khel rei a, an khel chhe tawlh tawlh a, hun tawp dawnah phei chuan beisei an pha tawh lova, an khel a buai tawh hle a ni. Chuvang chuan Kanan FC hian game plan mumal lo an nei lo a tih theih. Theiriat FC nen an intum tumin goal 3 an thun hmasa a, mahse Theiriat lam hian goal 4 an rawn thun leh theih a ni. Playoff tlang an tum anih chuan in enfiah hle an ngai dawn a ni.

RS Annexe hi player nei tha leh playoff-a champion thei tur khawpa tha an ni a. An match hmasa berah an game a buai a, Aizawl FC an tum tum chuan game tha tak an rawn khel thung a. Tuntum erawh bul an tan tha lo nain second half an khelhtha hlauh a, an chak phah ta a ni. Playoff hi tlang an tum anih a, champion an tum anih chuan game mumal an neih angai dawn a ni. Tin, an tactical discipline chhe lutuk hi an siamthat a ngai ngei ang.

Inkhel pumpui en chuan RS Annexe khan chak an phu zawk a, an kheltha zawk bawk a ni. Tin, an keeper khan a tihtur dik tak a ti bawk. Achhanchu hand ball ta lo se Kanan FC khan an draw ang a, point 3 an hmu thei dawn lo a ni. Red card hmu mah se point 3 an hlawhchhuak thei phah a, a tihtur dik tak a ti a ni.

Match statistics
FC RS Annexe 2-1 Kanan FC
(Danny Lalduhsaka 53′; Zosangliana 65′) – (Malsawmtluanga 10′)

FC RS ANNEXE 2-1 KANAN FC
                      MATCH STATISTICS
53% Ball Possession (%) 47%
18 Shots 5
8 Shots on Target 2
10 Shots off Target 3
8 Corner Kicks 1
4 Offsides 2
15 Fouls 22
0 Yellow Cards 4
1 Red Cards 0

 

35 thoughts on “MPL Playoff Round 3 : Aizawl West derby-ah FC RS Annexe in Kanan FC an hneh hram !

  1. Pingback: cialis savings card

  2. Pingback: cialis otc

  3. Pingback: viagra free delivery

  4. Marka Pa

    hahaha ava beidawn thlak leh si ve 😀 Thudang a laiin Statistic lam buaipui tu te hi inkhel an en tluan lo nge nia nga, an statistic siam hi an ti mai mai? FC R.S. Annexe keeper khan Red Card a hmu sia, an statistic siam ah hian RED CARD khi a NIL ve ve lawi sia….. 🙂 Website meuh a kan pho chhuak anih chuan tih sual hi neih loh a tha khawp mai, a chhan chu chanchinbu lam in news a tan an lo la ve leh a, mipui sang tam tak dawt kan hrilh tih na ania. Vawiin (19.7.12) tlai Evening Post paw’n Red Card hmu lo angin a rawn tar chhuah phah hi….. 😀

  5. Steven

    Marka Pa, i ti duh e a. Annexe hi ka tran emo i ti mai mai ni. Local football ka ngaina..chu zawng chu a ni e.

  6. Marka Pa

    Steven chu lar tawh bik hle mai….. 🙂 Comment ka chhiar chhuak vek, mi 2/3 in an hnial rawn che pawh a nangmah a zam miah lova ila tang ngam hi i chhuanawm tawp 😀 I comment dan ah min lo tan (FC R.S. Annexe) thin a ang, engpawh nise nang ang mi tum ruh kan fans zing a i lo awm reng hi kan chhuang che. Local Football Fans ti nung tu leh chawisang tu ni zel ang che.

  7. Ronaldawnga

    Steven hi a bul threlhin a threlh an tih ang type hi a ni. club chu kei aia tran an om lo ang, club ah sum tam tak k seng toh, ka seng mek, ka la seng zel don cu nih hi….. ka soi tum chu duh hun2 a, “MFA ve hi, Referee ve hi,’ tih hi a trul lo ka ti. referee 1 mistake a ni mai, hei hi tihsual palh a nih ka ring, chu2 ka soi chu ni, MFA leh FIFA thleng2 soi ngai lo turah i trong tam mah2 a,,,,,,,, lunch zohah ka hman leh k ron la hrilhfiah ag ce 🙂 tak2 a, @ Steven , i thrahnem ngaihna a lomom khopz mai ka ti

  8. Steven

    Ronaldawnga, chu thlawptu i lo mamawh viau a ni maw….mi ngaihdan sawina hmuna thloptu nang anga zawng viau turah min lo ngai elo…min lo ngaisang hle mai…nghe nghe nghe…

    kolkata fotbol i en fo toh te i ron sawi langa, i thleng thui khop maia. keicu local fotbol bak ka la en ve pha lo tlata..nghe nghe nghe….

    MFA Sum sen, Zonet Sum sen, inkhel entute sum sen avanga club lam ngaihthah ringot tur chu a dik ber don em ni? Club hi awm lo ta se Zonet, MFA te hian sum an seng lo ang tih hi hriat ve tur. An pawimawh vek a, chuvangin MFA chuan ngaihthah tur an nei lo. Club pohin MFA thu an ngaihthah thiang lo. MFA chuan Zonet thu an ngaihthah tur a ni bok lo tiin thlir la, i hrethiam mai ang.

    Hmannia referee an suspend ang kha chu UEFA leh FIFA pawhin an la suspend ngai hauh lovang. In veng pa a ni hial lo maw referee thiam lo zet kha…. nghe nghe nghe

  9. Ronaldawnga

    @Steven MFA chu soi loh UEFA leh FIFA pohin khawvela a tha2 an thlan Referee poh suspend ngai khop cu an om tho2; i negative ltk a, i duh chuan Vai ram referee zuk en roh, Kolkata futbol hi k lo en fo toh a…. refereering standard-ah na na na cuan Mizoram hi a thra zok, hei cu ka trang ngam khops mai. Mizorm hi Northeast-a referee hlawh thrat berna a ni an ti bok, Manipur ah cuan Rs 100 lek2 an la hlawh sin…. club sums en ringot soi suh, MFA sum sen, Zonet Sum sen, inkhel entute sum sen,…. a tam mai, sum sen hnem vanga duh2 soisel theih ni leu – thloptu i nei tlem tual2….. aaaaale

  10. Steven

    ka ngaihdan leh hmuhdan ka sawi avangin chiang lo tluk leka min chhuah poh chu ka lom tok viau mai a, nia, ka chiang zaan lo alom. nghe..nghe..nghe…

    MIZO Referee thiam tak hi chu an awm, tha tak poh an awm. Mahse, MFA pawhin a suspend ngai khawp referee te hi chu INDIA RAM pum thlir pawhin ham tlak an ni lo tihna a ni mai.

    Tin, hei hi hre bawk roh – MIHRING FAMKIM LOHNA CHANGCHAWIA INTHIAM CHANTIR HI A KRISTIAN LOVA. A PATHIAN THU HEK LO.

  11. Lalte Langel

    @Steve hi a chiang lo a nih kha, Post rawn sawisel a, Refree te rawn sawisel leh a, Refree te hi mi famkim an ni bik lo a, chuan eng CLUB mah tran bik an neih ka ring lo kei chuan. Chuan kan MIZO REFREE te hi ka ring tawk. India RAM pum thlir pawh in kan LOCAL football level a sang ve tawh em…….

  12. xoxo

    Steven hi ciang xan lo niang………..hnial hrat tawk lek velin lem xeuh thrin niang karng haha………..hnial liana ni rignt…

  13. Steven

    vawi khat chiah 1st half-ah khan chance an nei ve. chu chu an ti gol nghal a. An ti gol hma lutuk chu Kanan hian an chak loh phah ka ti ve tlats. Annexe khan gol thun hmasa zok se an chak ka ring lo. KFC player pahnih kha chu hnawhchhuah tlak an ni.

    Hetah pawh hian referee bawk hi a thiam lo tia sawi theih a ni leh ta. MFA hian club tinte sum sen leh thawhhah zia hi ngaih pawimawh sak ve deuh se. Club indin tha leh inrelbawlna nei tha an duh ang bokin anni pawh hi inrelbawlna tha zawk hi club te pe let ve sela. Referee sawngnawi ltk te hi Zofooty hian ziak chuai chuai se a lawmawm ngawt ang.

  14. hlups hauhnar

    Football-ah chuan a GOAL lai tak hi a pawimawh a,6 mins lekah Kanan-in an ti goal ta a…hei bak2 a bul tan tha a awm dawn mawn le!!!:D

  15. Ahruaia Lil'Foe

    @steven-a : inkhel i en peih tih a chiang reng mai..a lawmawm ka ti khop mai. Inkhel (a bik in RS Annexe) a awm leh hun ah Zofooty Admin te min rawn thutpui la kan sawi ho thin dawn nia..Tin, Zofooty hi member tu pawh in post kan siam thei vek a, inkhel preview/review te pawh rawn post ve thin la a lawmawm ngot ang.

  16. Ronaldawnga

    @Steven hi anti-AFC ve deuh nih hi…….. mahse i thlirna kha i tan cuan a dik ber, thloptu i neih loh pohin i ngiahdanah cuan i dik ber don tho – tak2 a, match report hi chu mimal thlirna a ni tho2 a, cuvangin ngaihdan inag don lo, Match stats hi en ila a ciang mai zel – a ni leh u 🙂

  17. Steven

    Ronaldawnga lah hi…hmanni atrangin min counter char char…a awm tho. Ka hrethiam ltk. Mahse maw, ka sawi ve duh mai mai chu lai deuhn reporting hi pe thrin teh se. AFC hi sawi vul chuk tuk an hmuh treuh laian Chnamari, Chanmari West leh Annexe tih angrng vel sawi vul chuk tur an hmu thiam lo thin hi an insiamthat ve a ngai. An report hi ngun taka i thlir chuan AFC an chet chhiatna an sawi hi i la hre mang lo ang. Tuna Theiriat nena an inkhelh trumah pawh an tihthat bak sawi tur an hre lo,.

  18. Ronaldawnga

    @Steven hi hman ni atrangin soisel tur ringot zong mai, report dik lo a ni lo a, ngaihdan inang lo cu a om ve thei ang chu kan ti ve duh mai2 nia, huat lohvah

  19. Steven

    Inkhel ka en ve reng a. Engtin nge Kanan FC lam hian bul an tan tha a tia reporting a awm theih le aw? Annexe tran loh vang a ni thei ang em?

    Khati khop khan Annexe khan bul an tran thar bakah an nawr a nih kha…..Ball pawh an chang tam jok fe a… Kanan lama an inkhelh tam zia hmutu tan chuan Annexe tranlo tu ziah a ni a tih theih.

    KFC in chance voi khat hmuha gol avanga bul tran tha tia sawi theih an ni lo tih mit ngeiin ka hmua, ka chiang e. Annexe khan second half hun top don hnaiah KFC an hneh lo ti zawk se ka pawm.

  20. Hlunchhunga

    R.S. Annexe all the best….. In kal leh zel na tur ah duhsakna sang ber ka hlan a che u!!

  21. Clement

    Kanan players te Fitness thalo leh mispass tam lutk kha cuan rilru a ti hah deuh,,kn lo tang v bok si a..engpwh nise Kanan all the Best.

  22. hlups hauhnar

    ngaihnawm hle mai!!Kanan hi an tlo ve reuh zek anih hi…an vawikhat lost na chiah nia chu pawh 2-1 lek lehnghal,an qualified ve thei tho mai

Leave a Reply

MPL Playoff Round 3 : Aizawl West derby-ah FC RS Annexe in Kanan FC an hneh hram !

Vawiin atang Mizoram Premier League (MPL) Playoff Round 3 khelh tan a ni a. Match hmasa zawkah hian Aizawl West Derby hmuhnawm tak kan en a. He derby-ah hian FC RS Annexe chuan Kanan FC 2-1 in an hneh a. RS Annexe tana goal thuntu te chu Danny-a leh Zosangliana te an ni a, Kanan FC goal awmchhun hi Malsawmtluanga (Puia) thun a ni thung.

Inkhelh hma chanchin

“Kanan FC Coach Asanga chuan point box kan ni lova, chak zel kan tum a ni” tiin a sawi tawh a. Chuvang chuan Kanan FC lam hian chak an tum hle a ni. 4-4-2 formation rawn hmangin Puia leh Sangbera te a hma tawngah an dah a. Playmaker-ah Mohun Bagan Academy-a awm thin Zautea rawn hmangin Defence lam erawh Captain Chhuansanga’n a rawn hova.

RS Annexe lam hi players neitha an ni a. Hmatawngah Peerless FC Striker Danny-a dah a ni a. Amah thlawp turin Zosangliana dah a ni a. Midfield laiah Ch.t-a leh Sawmtea te an dah a. Defence lam pawh Captain Sangsanga’n rawn hova, 4-2-3-1 formation an rawn hmang a ni.

Inkhelh hma hian Kanan FC-in point 4 an hmu a, RS Annexe erawhin point 3 an hmu thung.

First half : Bul tan tha Kanan FC

Kanan FC lam hian bul an tan tha a, players neitha zawk tihngam RS Annexe lam an talbuai a. An khel a mumal lova. Kanan Striker tlanchak Sangbera a hlauhawm thei hle a. Danny-a te’n Chhuansanga leh Sawmtea an sutlang thei meuh lova.

An innawr tawn zak zak a. Kanan FC striker ball thiam tak Puia, samsei chuan through ball tha zet a hmu a. Keeper nen chauh an awm tawh a, a thlangah Sangbera a awm bawk a, mi tam takin Sangbera a pass dawn emaw antih laiin mi rin loh takin Puia hian mawi lutukin a ‘chip’ goal a ni. He goal hi a class a sang hle. Rin loh zawk Kanan FC-in 1-0 in hma an hruai der a.

RS Annexe lam an talbuai chhunzawm zel a. Kanan FC lamin an nawr a. Mahse clear chance erawh an nei thei meuh lo. Goal dang a lut tawh lova, 1-0 in first half a tawp a.

Second half-ah FC RS Annexe an ‘come-back’

Mi tam takin MPL Playoff-a champion tura an rin RS Annexe lam hian half time an hmang tangkai zawk a ni ngei ang. Second half-ah chuan an game a rawn dang ta khawp mai. Players neitha an ni a, match hmasa berah an chak hram a, an match hnih naah Aizawl FC lakah an vanduai a, chuvang chuan an tan chuan chak loh a thiang tawh lo a ni.

Annexe lamin ball an chang tam tan a. Kanan FC lamin first half-a an game an phak tawh lova, an bet tawlh tawlh a. Goal erawh a lut thei mai bik lova. Half chance an nei tawn zak zak a. Kanan FC lam hian 2-0 a hmahruai theihna chance tha tak an nei a. Lalnunpuia chuan hnai set sawtah a missed a, pet goal se zawng an chak tlang ngei ang.

Hemi hnu atang hi chuan Annexe game kan hmu hmu tam a tih theih. Ch.t-a chuan ball tha tak Danny-a tan a pe lut a. Danny-a chuan a class dik tak a pholang ta. Defender te’n an chilh a, mahse mawi takin keeper man hman lohvin a pet goal a ni. Thawm a tha kher mai.

Annexe an kheltha tawlh tawlh a. Game mumal an khel chho leh tan a. Champhai player Zosangliana chuan box paw’n atang kawh takin a pet a, a goal dawn emaw tih laiin Kanan Keeper chuan lo dangchhuak a. Hemi hnu rei lo teah hian Zosangliana tho hian chance a nei leh a, tuntum erawh a thelh tawh lo. Chiang zet zawtin box pawn atang a pet goal a ni. Annexe fans leh players te an sapatal a ni ber mai.

Hun tawp dawnah Kanan FC lamin chance tha tak an nei a. An striker Sangbera chuan through ball tha tak a hmu a, a pet goal ngei dawna a lan laiin Annexe keeper a rawn ‘up’ a, Sangbera hian a ‘chip’ a, mahse Annexe keeper hian a lo bengthla hman a. Box pawn anih miau avangin Annexe keeper hian red card a hmu a, mahse a goal loh phah thung a ni. Goal dang a luh belh lova. Hun a tawp a. 2-1 in FC RS Annexe an chak ta a ni.

Tlangkawmna

Kanan FC lam hian inkhelh apiangin goal an thun hmasa ziah a. Bul an tan tha ziah a mahse an khel rei a, an khel chhe tawlh tawlh a, hun tawp dawnah phei chuan beisei an pha tawh lova, an khel a buai tawh hle a ni. Chuvang chuan Kanan FC hian game plan mumal lo an nei lo a tih theih. Theiriat FC nen an intum tumin goal 3 an thun hmasa a, mahse Theiriat lam hian goal 4 an rawn thun leh theih a ni. Playoff tlang an tum anih chuan in enfiah hle an ngai dawn a ni.

RS Annexe hi player nei tha leh playoff-a champion thei tur khawpa tha an ni a. An match hmasa berah an game a buai a, Aizawl FC an tum tum chuan game tha tak an rawn khel thung a. Tuntum erawh bul an tan tha lo nain second half an khelhtha hlauh a, an chak phah ta a ni. Playoff hi tlang an tum anih a, champion an tum anih chuan game mumal an neih angai dawn a ni. Tin, an tactical discipline chhe lutuk hi an siamthat a ngai ngei ang.

Inkhel pumpui en chuan RS Annexe khan chak an phu zawk a, an kheltha zawk bawk a ni. Tin, an keeper khan a tihtur dik tak a ti bawk. Achhanchu hand ball ta lo se Kanan FC khan an draw ang a, point 3 an hmu thei dawn lo a ni. Red card hmu mah se point 3 an hlawhchhuak thei phah a, a tihtur dik tak a ti a ni.

Match statistics

FC RS Annexe 2-1 Kanan FC

(Danny Lalduhsaka 53′; Zosangliana 65′) – (Malsawmtluanga 10′)

FC RS ANNEXE 2-1 KANAN FC
                      MATCH STATISTICS
53% Ball Possession (%) 47%
18 Shots 5
8 Shots on Target 2
10 Shots off Target 3
8 Corner Kicks 1
4 Offsides 2
15 Fouls 22
0 Yellow Cards 4
1 Red Cards 0

 

Leave a Reply