MPL Playoff Round 3 : Lunglei club Theiriat FC in Aizawl FC an draw !

Vawiina Mizoram Premier League (MPL) Playoff Round 3, match hnuhnung zawkah, thawm nei lian tak Aizawl FC chuan 0-0 in Lunglei club, Theiriat FC an draw a. Tihian, match thum khelhah Aizawl FC hian point 7 an hmu a, Theiriat FC erawhin point 2 an hmu thung.

Inkhelh hma chanchin
Theiriat FC hian 4-5-1 formation rawn hmangin defensive game an rawn khel a. Kum 16-a upa Johny-a chu lone striker-in an rawn hmang a, amah thlawp turin ahnungah AFC player hlui Maenga dah a ni a. Defence laiah Biakkima leh John-a an awm a.  Wing back-ah Renga leh Rinsanga te an dah bawk a ni.

AFC lam hi an player inhliamte an dam kim tawh a. Francis-a hmel kan hmu a. Tin, Albert-a leh  Rammawia pawh bench-ah an rawn thu a.  Striker-ah Michael-a leh Captain Sawmtea bawk an rawn dah leh a. Midfield laiah Valpuia te unau an awm a. A nau Francis-a nen an awm a. Wing-ah Brandon leh Zirtea te an awm thung a. Defence-ah chuan Thomas-a, Sangpuia, Dinpuia leh Ricky-a te bawk a, Keeper-ah chuan Ms-a an rawn hmang a.

First half-ah Aizawl FC an vanduai !
Theiriat FC hian match hnih khelah point khat chiah an la hmu a. Team tha ber sawi ngam AFC an tum a, point an hmuh ngei ngei a ngai si a, chuvang chuan defensive game an rawn khel ta a ni. An hna pawh an tlin khawp mai. Midfield-ah an inhnawh tawt deuh a, an game a rang a, AFC lamin an duh angin chance an nei mumal thei meuh lo a ni.

AFC lam hian players an neitha zawk a. An khel pawh a hmuhnawm a, an game pawh a mumal khawp mai. Mahse an duh ber goal an thun thei bik lova. Michael-a leh Sawmtea te’n half chance an nei zeuh zeuh a. Theiriat FC striker Johny-a pawh AFC defender te tan a hnawksak khawp mai.

AFC lam hian penalty an hmu hlauh a. Ball pet thiam tak mai, Michael-a rawn pen chhuak a.  A pet goal ngei dawna ngaih laiin Theiriat FC Keeper Fela chuan tha zetin a lo saved a ni. AFC lam hian an ui khawp ang le. An innawr tawn a. AFC lamin an duh angin game an play thei lova, Theiriat FC lam erawh an player te an tlan chak a. Counter attack-ah an hlauhawm  thei hle. Goal a lut lova, goal in pe lovin first half a zova.

Second half-ah tactical discipline neitha Theiriat FC an vannei !
Second half-ah pawh AFC lam tho hian bul an tan tha leh a. Mahse Theiriat FC game hi a fing a, Coach-in khel tura a tih angin an khel a, an tactical discipline tha lutuk an thatpui a tih theih. Theiriat FC player te hi an rang a, an fitness a tha bawk a. AFC player te chance an pe lova, ball an chan velah an hnaih zung zung a, AFC player te hian duh angin an khel thei meuh lo a ni. An tlan taima a, an game  a hmuhnawm hle a ni.

AFC lam hian an player tha inhliam damkawr an luhtir a. Rammawia leh Albert-a an luhtir a. Game pawh an rawn thlak khawp mai. Mahse Theiriat FC defender te an sutlang thei meuh lo a ni. Goal-a vannei tak Zorema luhtir a ni bawk a. AFC lam hian an nawr char char a, Theiriat lam hian defensive game an khel chhunzawm zel a. AFC te hian  an chai hleithei bik lo a tih theih. Theiriat striker Johny-a che vel a hmuhnawm hle a, AFC defender te a chhaihbuai hneh hle a ni. A back volley kha han goal se chuan “Goal of the tournament” pawh a ni thei mai thei a ni. Vanduaithlak takin ‘bar’  a fuh hlauh a ni. Tin, AFC player hlui Maenga a kheltha hle bawk.

AFC lam hian an playmaker Johnny-a awm lo an tuar a tih theih. Johnny-a hi a pa thihcham anih avangin a khel thei lova, a aiah Francis-a a awm a ni. Francis-a hi a khel chhe hran lo mahse Theiriat FC lam hi an khel tha hrim hrim a ni. AFC lam hian huntawp dawnah an nawr nasa hle a,  chance pawh an nei nual a, mahse clear chance an hmu thei bik lo a ni. Captain Sawmtea paw’n bar te a pet per a. Tin, Theiriat Wing back pahnih Rinsanga leh Renga khel pawh a hmuhnawm hle. An fitness a tha a, an overlapping a hmuhnawm hle  a ni. Goal a lut thei lova. 0-0 in an indraw ta a ni.

Tlangkawmna 
Aizawl FC hian an match hmasa berah goal 5 an thun a, an match hnih naah goal 2 an thun a , an match thum naah goal an thun lo thung. En mai chuan an zuih ral a tih theih. Mahse players an nei tha a, match lehah chuan an rawn come back ngei rin a ni. Mahse an defence erawh a tha hle. Goal an la phur lova, goal 7 zet an thun tawh thung. An game khelhdan erawh tlemin an enfiah deuh a ngai ang. Match fitness nei lo players an khelh tir kha an tifuh lo em aw a tih theih.

Theiriat FC Coach Muankima a fakawm hle.  A game a fing a. A naute a ring tawk a. Tin, game plan kha a fing em em a ni. A naute a fuih tha a, players tha zawk an tum a, defensive game a khelhtir a. A tum ram a thlenpui ta a ni.  Tin, an players tha tam tak an la rawn thleng kim lova, heti chunga point 2 an hlawhchhuak thei hi an tan chuan a lawmawm a ni. Vawithum khelah vawikhat chiah an la chak lo a ni. An players an kim hunah erawh an tha hle tura ngaih a ni.

Match Statistics

Aizawl FC 0-0 Theiriat FC
MATCH STATISTICS
56% Ball Possession (%) 44%
13 Shots 8
8 Shots on Target 5
5 Shots off Target 3
9 Corner Kicks 3
6 Offsides 3
15 Fouls 21
2 Yellow Cards 3
0 Red Cards 0


Video: Michael-a Penalty Missed

Table : Round 3 (Upto Match No. 10)

 

24 thoughts on “MPL Playoff Round 3 : Lunglei club Theiriat FC in Aizawl FC an draw !

  1. Pingback: cialis 5mg price

  2. Pingback: cialis discount

  3. Pingback: Buy viagra on line

  4. Lalthanzama Vanchhawng Post author

    @zampuia : nuih tiza suh. 🙂 Ball possesion chhutdan hi kan sawi fo tawh a.. A awmzia chu stop watch hmangin teh a ni a. Mi 2 duty awmin, pakhat zawkin team A, pakhatin team B. ball an chang apiang khan stop watch an on a, an off leh a. CHuan maths hmangin a possesssion hi chhut chhuah leh a ni .. 🙂

  5. ruatsaka

    @Zampuia : Ball possession hi 100 % chuan a dik thlap lo mai thei, mahse 90 % tal chuan a dik ang. Sana (Stop watch) an hmang tlat

  6. Zampuia

    Statistics ka en a, ball posession hi ka nuih a ja deuh… stats dang hi a thra ka ti…Ball posession hi chu rindan / risk anih loh vek chuan ngaihdan???hhehehe Ball posession kher hi chu kan hotute hian ti tawh lo se ka ti ve mai mai!

  7. Sialtea

    Afc cu an vanduai ve tin nh qa,theiriat qan chance an nyh tlem tehreng nen an nyh chun kha cu hlauwm thei khop my.. Alberta that xia kha,theiriat striker te p0h kha tlan peih reuh sia

  8. Puia Riquelme

    Playoff tan hma khan an manager sawi dan takin Theiriat FC te hi kum naupang tak tak an ni hlawm a..star lar em em an ngah lo bawk a..ka lo beisei sang lem lo a..mahse an khelh tawh en chuan an ‘fight’ thei khawpin ka hria..chuan,AFC striker Michaela hi tun playoff chu khelchhe thei khawpin ka hria..I-League Qualifying a khelh that tehreng nen..ala comeback turah ngai ang..

  9. Steven

    Referee kha huai deuh se, AFC player zingah red card hmu tur chu an awm chiang asin. AFC player 1 chuan Referee a nam deuh sawk te kha card sen inhmuhna a tling lo em ni referee huai deuh tan chuan…..

  10. mama12

    next match ah afc an rawn comeback ngei ag, voin an vanduai em ani, chutihrual chuan kum 16 lek theiriat striker johny a hian hmabak eng tak a nei ee

  11. MIZO

    Michael-a khi vanduai ve pangbal. Penalty Missed, la tawlhthlu zui. Clear chance dang vawi 2 a missed bawk.

  12. jt

    zofooty cauh ni lo inkhel.com poh AFC hi a dah chungnung zok an khel tra zok tih na nimai…zofooty inkhel review in neih in in ziak lai trin a a lomom e ngaihnom kop mai…

  13. ruatsaka

    @Steven : Stats khi chhiar la, inkhel en miah lo pawhin game thununtu leh khel tha zawk chu i hre mai ang

  14. Ricky

    Steven hi a va han MAWL em em ve a…swiseltur ringawt a zawng mai, Zofooty hi chhiar ve tawh suh se…i MAWL lutuk….nghe nghe

  15. Steven

    He match hi a hmunah ka en ve, a hmunnawm ka ti thlot mai. Hetah hian AFC lam comment chhia kan hmu ve hlauh, hamsawnna ropui tak ani ka ti thlot.

  16. Steven

    Rin lawk ang ngeiin AFC chu fak leh ta vak e… AFC khan chak an phu bik hauh lo…. Theiriat bchance hmuh zozai te kha hmuh hmiah leh pek a ni maw

  17. Lalarzova

    RS Annexe hi played 3 tur a nia, tihsualah ngaihdam kan dil e. Ka siamtha hman rih tlat lo. Lo hrethiam mai rawh u.

Leave a Reply

MPL Playoff Round 3 : Lunglei club Theiriat FC in Aizawl FC an draw !

Vawiina Mizoram Premier League (MPL) Playoff Round 3, match hnuhnung zawkah, thawm nei lian tak Aizawl FC chuan 0-0 in Lunglei club, Theiriat FC an draw a. Tihian, match thum khelhah Aizawl FC hian point 7 an hmu a, Theiriat FC erawhin point 2 an hmu thung.

Inkhelh hma chanchin

Theiriat FC hian 4-5-1 formation rawn hmangin defensive game an rawn khel a. Kum 16-a upa Johny-a chu lone striker-in an rawn hmang a, amah thlawp turin ahnungah AFC player hlui Maenga dah a ni a. Defence laiah Biakkima leh John-a an awm a.  Wing back-ah Renga leh Rinsanga te an dah bawk a ni.

AFC lam hi an player inhliamte an dam kim tawh a. Francis-a hmel kan hmu a. Tin, Albert-a leh  Rammawia pawh bench-ah an rawn thu a.  Striker-ah Michael-a leh Captain Sawmtea bawk an rawn dah leh a. Midfield laiah Valpuia te unau an awm a. A nau Francis-a nen an awm a. Wing-ah Brandon leh Zirtea te an awm thung a. Defence-ah chuan Thomas-a, Sangpuia, Dinpuia leh Ricky-a te bawk a, Keeper-ah chuan Ms-a an rawn hmang a.

First half-ah Aizawl FC an vanduai !

Theiriat FC hian match hnih khelah point khat chiah an la hmu a. Team tha ber sawi ngam AFC an tum a, point an hmuh ngei ngei a ngai si a, chuvang chuan defensive game an rawn khel ta a ni. An hna pawh an tlin khawp mai. Midfield-ah an inhnawh tawt deuh a, an game a rang a, AFC lamin an duh angin chance an nei mumal thei meuh lo a ni.

AFC lam hian players an neitha zawk a. An khel pawh a hmuhnawm a, an game pawh a mumal khawp mai. Mahse an duh ber goal an thun thei bik lova. Michael-a leh Sawmtea te’n half chance an nei zeuh zeuh a. Theiriat FC striker Johny-a pawh AFC defender te tan a hnawksak khawp mai.

AFC lam hian penalty an hmu hlauh a. Ball pet thiam tak mai, Michael-a rawn pen chhuak a.  A pet goal ngei dawna ngaih laiin Theiriat FC Keeper Fela chuan tha zetin a lo saved a ni. AFC lam hian an ui khawp ang le. An innawr tawn a. AFC lamin an duh angin game an play thei lova, Theiriat FC lam erawh an player te an tlan chak a. Counter attack-ah an hlauhawm  thei hle. Goal a lut lova, goal in pe lovin first half a zova.

Second half-ah tactical discipline neitha Theiriat FC an vannei !

Second half-ah pawh AFC lam tho hian bul an tan tha leh a. Mahse Theiriat FC game hi a fing a, Coach-in khel tura a tih angin an khel a, an tactical discipline tha lutuk an thatpui a tih theih. Theiriat FC player te hi an rang a, an fitness a tha bawk a. AFC player te chance an pe lova, ball an chan velah an hnaih zung zung a, AFC player te hian duh angin an khel thei meuh lo a ni. An tlan taima a, an game  a hmuhnawm hle a ni.

AFC lam hian an player tha inhliam damkawr an luhtir a. Rammawia leh Albert-a an luhtir a. Game pawh an rawn thlak khawp mai. Mahse Theiriat FC defender te an sutlang thei meuh lo a ni. Goal-a vannei tak Zorema luhtir a ni bawk a. AFC lam hian an nawr char char a, Theiriat lam hian defensive game an khel chhunzawm zel a. AFC te hian  an chai hleithei bik lo a tih theih. Theiriat striker Johny-a che vel a hmuhnawm hle a, AFC defender te a chhaihbuai hneh hle a ni. A back volley kha han goal se chuan “Goal of the tournament” pawh a ni thei mai thei a ni. Vanduaithlak takin ‘bar’  a fuh hlauh a ni. Tin, AFC player hlui Maenga a kheltha hle bawk.

AFC lam hian an playmaker Johnny-a awm lo an tuar a tih theih. Johnny-a hi a pa thihcham anih avangin a khel thei lova, a aiah Francis-a a awm a ni. Francis-a hi a khel chhe hran lo mahse Theiriat FC lam hi an khel tha hrim hrim a ni. AFC lam hian huntawp dawnah an nawr nasa hle a,  chance pawh an nei nual a, mahse clear chance an hmu thei bik lo a ni. Captain Sawmtea paw’n bar te a pet per a. Tin, Theiriat Wing back pahnih Rinsanga leh Renga khel pawh a hmuhnawm hle. An fitness a tha a, an overlapping a hmuhnawm hle  a ni. Goal a lut thei lova. 0-0 in an indraw ta a ni.

Tlangkawmna 

Aizawl FC hian an match hmasa berah goal 5 an thun a, an match hnih naah goal 2 an thun a , an match thum naah goal an thun lo thung. En mai chuan an zuih ral a tih theih. Mahse players an nei tha a, match lehah chuan an rawn come back ngei rin a ni. Mahse an defence erawh a tha hle. Goal an la phur lova, goal 7 zet an thun tawh thung. An game khelhdan erawh tlemin an enfiah deuh a ngai ang. Match fitness nei lo players an khelh tir kha an tifuh lo em aw a tih theih.

Theiriat FC Coach Muankima a fakawm hle.  A game a fing a. A naute a ring tawk a. Tin, game plan kha a fing em em a ni. A naute a fuih tha a, players tha zawk an tum a, defensive game a khelhtir a. A tum ram a thlenpui ta a ni.  Tin, an players tha tam tak an la rawn thleng kim lova, heti chunga point 2 an hlawhchhuak thei hi an tan chuan a lawmawm a ni. Vawithum khelah vawikhat chiah an la chak lo a ni. An players an kim hunah erawh an tha hle tura ngaih a ni.

Match Statistics

Aizawl FC 0-0 Theiriat FC
MATCH STATISTICS
56% Ball Possession (%) 44%
13 Shots 8
8 Shots on Target 5
5 Shots off Target 3
9 Corner Kicks 3
6 Offsides 3
15 Fouls 21
2 Yellow Cards 3
0 Red Cards 0

Video: Michael-a Penalty Missed

Table : Round 3 (Upto Match No. 10)

 

Leave a Reply