MPL Playoff Round 3 – Match No. 12: Chanmari Chhandamtu Captain Chhinga!


Chanmari FC 2-0 College Veng
(Rochhingpuia 87′; Lalhlimpuia 90′)

Chanmari FC chuan College Veng FC chu 2-0 a hnehin MPL Playoff khelh mekah point kua (9) hmuin pakhatna an ni. College Veng hian hun rei tak chhung Chanmari hi chelh ding mahse an defender Lalchhanchhuaha’n Red Card a hmuh tak avangin an chelh zo ta lo a, Chanmari tan hian minute 87 naah an Captain Rochhingpuia’n goal a thun a, hemi hnu minute thumah Lalhlimpuia’n Chanmari tan goal khat dang a thun leh bawk. College Veng hian vawi thum khelh tawhah anla chakloh fai vek avangin table mawngphahah an awm.

Team Line up Belhchhianna
College Veng FC in an Captain Mamawia bakah Keeper Jerry te inhliam vangin an chhawr thei lova. An rawlthar winger Josh-a chu a la dam chianloh avangin first eleven-ah an dah ngam lo bawk. Hemi anih avang hian an winger Faka pawh defender lamah pawt let a ngaih phah a, keeper-ah erawh junior level a Mizoram aiawh te pawha lokal tawh Lalama a awm thung.
Chanmari lam tan MS-a’n first eleven-ah a rawn lang leh a. MP-a pawh midfield a rawn dah tawh lovin central defender-ah an rawn dah a. Left Wing Back Zomuanpuia aiah Mamtea a rawn lut bawk. Hei mai bakah hian subtitute-ah MFA Cup Best Player leh ZoFooty Player of the year nominee Lalnuntluanga a awm bawk a ni.

Chanmari an chungnung Goal erawh an khung theilo!
Chanmari FC lamin game mawi tak khello mahse team tha an nihzia an lantir a. Chutihrualin College Veng lam pawh a hma match hnih a kan hriat College Veng kha an ni ta lo emaw tih tur khawpin Chanmari chu an bei let ve bawk.
College Veng lam hi kheltha ve viau mahse Chanmari lam hian chance an ngah zawk a. Chanmari tan MS-a’n freekick atangin a thun teuh hle a, hei bakah kheltha ngailo mahse goal khung thei tak Tat-a’n chance tha tak a thelh a, hemi hnu lawk hian MS-a’n a thelh ve leh bawk. Chanmari hian first half-ah vawi 3 chauh chance an nei a, goal zawnah vawi khatmah an kal lo. College Veng pawn goal shot chu an nei ve bawk a, mahse keeper OP-a tana buaina tham erawh a a awmlo.

Second Half-ah Red Card, Goal Hnih!
Second Half lamah Chanmari ho an rawn insiamtha a, chance pawh a hma aiin an ngah zawk a. Goal-ah vawi 8 ngawt pet a, College Veng chuan vawi 1 chauh an pet thung. Heti chung hian College Veng hian Chanmari FC goal thun tur an dang miau avangin an kheltha zawkah a ngaih theih. Second Half-ah pawh hian Tat-a hian chance tha tak a thelh bawk.
Chanmari in subsitute mak tak an siam a, an midfielder Lawma la chhuakin a aiah defender Tepy-a an dah lut a. Hei hian Chanmari team chu draw ah an lungngawi tawkah a ngaih theih hial a, an winger Tluanga an chhawr lo pawh thilmak tak a ni. Mahse game-ah erawh chak an tum chiang a, minute 80 naah MS-a’n mawi taka la lutin College Veng defender Chhana chuan box pawnah chiah a lo ti tlu a, hei hi goal ngei tura ngaih a nih avangin Chhana’n MS-a a titlu hi a tihtur dik tak ti ah a ngaih theih. MP-a chuan freekick chu a pet over tak avangin Chanmari tan chuan beisei a chhe sawt hle.
Chanmari players leh fans te an mangan laiin an Captain Rochhingpuia chuan tha taka ball la lutin Keeper khawih phak lovin goal sirah a dah a, a mawi ngei mai. College Veng tan beisei tur a awm tawh lo, hemi avang hian defender in concentration an hlauh a. A vanneihna changtu chu goal thun thei Tat-a a ni. Defender head sual chu um lutin nalh takin keeper a vawrh khum a ni. Hemi hnu hian goal dang a luh belh tawh lova. Chanmari FC chu 2-0 in an chak ta a ni.

Sawi belh ang
Chanmari Team an chak a, mahse an game erawh duhthu a sam lo. Player tha tak tak lakhawmte hi coaching staff lam hian an hrechiang tawklo te hian a lang hial. Chumai bakah an formation leh a team selection hi hrethiam a har a, a har dan hi a tha lo lamah a ngaih theih. Mahse 9 points an hmuh miau avangin an dinhmun erawh a duhawm hle thung.
College beiseina a chau tawh a, mahse an la tla lo. Vawi 4 khelh an la nei a, tlang tur chuan chak ngei an mamawh tawh ang. Chumai bakah he team hian Point Box nih an duh bik lova, an tla anih pawhin hmingtha taka tlak an duh ngei ang.
Formation
football formations
College Veng (4-5-1): Yellow; Chanmari FC (4-3-3) : White
MATCH STATISTCS

COLLEGE VENG FC 0-2 CHANMARI FC
MATCH STATISTICS
42% Ball Possession (%) 58%
4 Shots 11
2 Shots on Target 4
2 Shots off Target 7
4 Corner Kicks 8
1 Offsides 3
15 Fouls 21
1 Yellow Cards 1
1 Red Cards 0

MPL PLAYOFF ROUND 3 TABLE

10 thoughts on “MPL Playoff Round 3 – Match No. 12: Chanmari Chhandamtu Captain Chhinga!

  1. Ramenga

    Statistics hian post a tiphuisui thei khawp mai.
    Chanmari FC vs AFC hi engtikah nge mawle?

  2. Steven

    Chanmari FC chu ti hian tute emo angin an insawi tha vut lem lova, an bengchheng ve vak lem lo. An la chak fai vek thung. Ka lawmpui e. Ti hian chuan Play-off chu an paltlang hmel ta ve. AFC nen hian an inhmachhawn a la ngai dawn a, “Practise pui kan tuma AFC-in an ngam lo,” titu Chanmari FC chuan AFC hi an ngam lo zawk ang em tihte pawh thlir ka va chak toh e.

    Sawibelhna tih khi ka nuih a ti 100 😀

    Player tha tak tak an lakkhawmte hi coaching staff chuan an hriatchian lutuk vang zawka la chak fai vek awmchhun an ni jok lom ni? Team selection leh formation hriatthiam har khawpa tactic an hmang thei te kha an fakawm zawk ngawt alom le.

  3. MIZO

    College Veng fight kha a that nen, an dang tluan teuh a sin le. Chanmari erawhin an phu tak point 3 an hmuh belh e. Aizawl FC nen a hmuhnawm ang.

  4. ruatsaka

    Chanmari FC-ah hian ka thisen zawmpui ngeiin a khel a, mahse ka la en hman miah lo maw le!! first xi ah khan lo luhtir zel phawt mai teh u @andrew 🙂

  5. andrew

    Richhana hi kan chhawr chak tawh khop mai mahse malaria leh jaundis natna avangin medically unfit anga ngaih theih ani.. Lawmtea hi khelh hmasa lamah khan na takin a inhliam a vawiin game ah poh kan risk sual lek lek ani.. mimal chuan tluangtea poh thra viau mai thei mahse practice engmah la tello lo luh tir na chi ani in kan hre lo,,, comment thra thei viau a lawm awm thin hle mahse coaching staff lam ten kan la chak pui zel e chu chu inkhela kan tym ber ani tin comment ah hian College veng lamin ni dang aia defensive game an khelh nasat zia kha sawi lang tam lo khop mai.. khatiang ah chuan nawr pawh a hautak khop mai..

  6. Ronaldawnga

    Chanmari hi tling se, Ellectric te hi tling thei se k duh sin mole, an ti ve lova an hausa om tho sia………………. veng lian, fans ngah apiang mai hi khel se k duh a

  7. Ricky

    Lalzarzova, ‘Sawi Belhna’ i sawi khi a dik khawp mai! Chanmari f.c coaching staff te hian a bikin an defense line ah hian duhsak bik annei a mawnle aw tih rum rum a awl khawp mai, an match 3 ka la en kim vek a, defence line bik ah players pahnih khat first eleven a an luh tir char2 leh subtitute ataga defender pakhat an rwn luh tir ve ziah te ai chuan an subtitute bench a thu thin (Rinchhana leh Mamtea) te hi an tha zawk lo maw?

Leave a Reply

MPL Playoff Round 3 – Match No. 12: Chanmari Chhandamtu Captain Chhinga!

Chanmari FC 2-0 College Veng

(Rochhingpuia 87′; Lalhlimpuia 90′)

Chanmari FC chuan College Veng FC chu 2-0 a hnehin MPL Playoff khelh mekah point kua (9) hmuin pakhatna an ni. College Veng hian hun rei tak chhung Chanmari hi chelh ding mahse an defender Lalchhanchhuaha’n Red Card a hmuh tak avangin an chelh zo ta lo a, Chanmari tan hian minute 87 naah an Captain Rochhingpuia’n goal a thun a, hemi hnu minute thumah Lalhlimpuia’n Chanmari tan goal khat dang a thun leh bawk. College Veng hian vawi thum khelh tawhah anla chakloh fai vek avangin table mawngphahah an awm.

Team Line up Belhchhianna

College Veng FC in an Captain Mamawia bakah Keeper Jerry te inhliam vangin an chhawr thei lova. An rawlthar winger Josh-a chu a la dam chianloh avangin first eleven-ah an dah ngam lo bawk. Hemi anih avang hian an winger Faka pawh defender lamah pawt let a ngaih phah a, keeper-ah erawh junior level a Mizoram aiawh te pawha lokal tawh Lalama a awm thung.

Chanmari lam tan MS-a’n first eleven-ah a rawn lang leh a. MP-a pawh midfield a rawn dah tawh lovin central defender-ah an rawn dah a. Left Wing Back Zomuanpuia aiah Mamtea a rawn lut bawk. Hei mai bakah hian subtitute-ah MFA Cup Best Player leh ZoFooty Player of the year nominee Lalnuntluanga a awm bawk a ni.

Chanmari an chungnung Goal erawh an khung theilo!

Chanmari FC lamin game mawi tak khello mahse team tha an nihzia an lantir a. Chutihrualin College Veng lam pawh a hma match hnih a kan hriat College Veng kha an ni ta lo emaw tih tur khawpin Chanmari chu an bei let ve bawk.

College Veng lam hi kheltha ve viau mahse Chanmari lam hian chance an ngah zawk a. Chanmari tan MS-a’n freekick atangin a thun teuh hle a, hei bakah kheltha ngailo mahse goal khung thei tak Tat-a’n chance tha tak a thelh a, hemi hnu lawk hian MS-a’n a thelh ve leh bawk. Chanmari hian first half-ah vawi 3 chauh chance an nei a, goal zawnah vawi khatmah an kal lo. College Veng pawn goal shot chu an nei ve bawk a, mahse keeper OP-a tana buaina tham erawh a a awmlo.

Second Half-ah Red Card, Goal Hnih!

Second Half lamah Chanmari ho an rawn insiamtha a, chance pawh a hma aiin an ngah zawk a. Goal-ah vawi 8 ngawt pet a, College Veng chuan vawi 1 chauh an pet thung. Heti chung hian College Veng hian Chanmari FC goal thun tur an dang miau avangin an kheltha zawkah a ngaih theih. Second Half-ah pawh hian Tat-a hian chance tha tak a thelh bawk.

Chanmari in subsitute mak tak an siam a, an midfielder Lawma la chhuakin a aiah defender Tepy-a an dah lut a. Hei hian Chanmari team chu draw ah an lungngawi tawkah a ngaih theih hial a, an winger Tluanga an chhawr lo pawh thilmak tak a ni. Mahse game-ah erawh chak an tum chiang a, minute 80 naah MS-a’n mawi taka la lutin College Veng defender Chhana chuan box pawnah chiah a lo ti tlu a, hei hi goal ngei tura ngaih a nih avangin Chhana’n MS-a a titlu hi a tihtur dik tak ti ah a ngaih theih. MP-a chuan freekick chu a pet over tak avangin Chanmari tan chuan beisei a chhe sawt hle.

Chanmari players leh fans te an mangan laiin an Captain Rochhingpuia chuan tha taka ball la lutin Keeper khawih phak lovin goal sirah a dah a, a mawi ngei mai. College Veng tan beisei tur a awm tawh lo, hemi avang hian defender in concentration an hlauh a. A vanneihna changtu chu goal thun thei Tat-a a ni. Defender head sual chu um lutin nalh takin keeper a vawrh khum a ni. Hemi hnu hian goal dang a luh belh tawh lova. Chanmari FC chu 2-0 in an chak ta a ni.

Sawi belh ang

Chanmari Team an chak a, mahse an game erawh duhthu a sam lo. Player tha tak tak lakhawmte hi coaching staff lam hian an hrechiang tawklo te hian a lang hial. Chumai bakah an formation leh a team selection hi hrethiam a har a, a har dan hi a tha lo lamah a ngaih theih. Mahse 9 points an hmuh miau avangin an dinhmun erawh a duhawm hle thung.

College beiseina a chau tawh a, mahse an la tla lo. Vawi 4 khelh an la nei a, tlang tur chuan chak ngei an mamawh tawh ang. Chumai bakah he team hian Point Box nih an duh bik lova, an tla anih pawhin hmingtha taka tlak an duh ngei ang.

Formation

football formations

College Veng (4-5-1): Yellow; Chanmari FC (4-3-3) : White

MATCH STATISTCS

COLLEGE VENG FC 0-2 CHANMARI FC
MATCH STATISTICS
42% Ball Possession (%) 58%
4 Shots 11
2 Shots on Target 4
2 Shots off Target 7
4 Corner Kicks 8
1 Offsides 3
15 Fouls 21
1 Yellow Cards 1
1 Red Cards 0

MPL PLAYOFF ROUND 3 TABLE

Leave a Reply