MPL Playoff Round 4 – Match 16 : Chanmari West FC-in College Veng FC hnehin beiseina thar an nei !

Estimated read time 5 min read

Mizoram Premier League (MPL) round 4 khelh chhunzawm leh a ni a. Vawiina inkhel hnuhnung zawkah a mawngphah pahnih an intum a, Chanmari West FC chuan College Veng FC 5-2 in an sawp a. Tihian point 3 an hlawkchhuak ve ta.  Chanmari West FC tan hian Striker tlanchak F.lalnunhlua (Valtea) chuan hattrick (13, 39 & 69 mins) a siam a. Valtea bakah hian MS Dawngliana  (45+1) leh Peter Lalchhuankima (63’) te’n Chanmari West FC tan goal an thun a. College Veng FC tan hian T.Laldinpuia (34’) leh James Lalrinfela (81’) te’n goal an thun bawk.

Inkhelh hma chanchin
Anni pahnih hi a mawngphah an ni a, point an la hmu lo ve ve a. Chuvang chuan he inkhel hi a pawimawh hle a, chak loh a thiang tawh lo a ni. A chak lo zawk tan beisei a bo tawh dawn a, qualify an duh anih chuan thih thaa khelh a ngai dawn a ni.

College Veng FC hian Aizawl FC nena an inkhel tuma Red Card hmu Chhana an chhawr thei lova,  Tin, Defensive Midfielder Madina chu an College tana a khelh avangin an chhawr thei lo bawk a, duh angin an squad a pan deuh a tih theih. Chanmari West FC ve thung hi chuan hmatawngah Valtea an rawn dah leh a. Midfield-ah Mahuma hova rawn khel lehin chak an rawn tum leh hle a.

First half-ah goal a sur !
Mi tam takin tla tawhah an ngai a, a hmuhnawm an ring lova. Mahse a ni hauh lo mai. A chak zawk zawk hian chance an la nei dawn a, chuvang chuan inkhelh tantirh atang game a tang nghal em em a. Draw a thiang tawh lo, luh tum tan chuan chak ngei ngei a ngai a ni. 4-5-1 formation ve ve an rawn hmang a, fimkhur tak siin game an rawn khel a ni.

Chanmari West striker Valtea chuan minute 13 naah mawi lutukin goal a score a, a class a sang hle.  An inbeitawk chho viau a. Half chance kan hmu zeuh zeuh a. Chanmari midfieder Mahuma a thawkrim a. Minute 34 naah College Veng FC lamin T.Laldinpuia hmangin an si phurh an rawh sut a, chiang zetin a hlap lut a ni. 1-1 a ni a, game a tang chho zel a.

Mahse minute 5 chauh a ral tihin Chanmari West striker Valtea bawk hian a pet goal leh a. 2-1 in Chanmari West FC lamin hma an hruai a. An la qualify thei tih an inhria a, an phur thar hle a ni. 2-1 first half a tawp mai dawn emaw tih laiin MS Dawnglianga chuan extra time-ah goal a rawn thun leh a. 3-1 a ni a, hun a tawp zui a.

Second half : Chak phu zawk Chanmari West FC an chak!
College Veng FC Coach Mpa chuan a naute chu chiai lo tur leh tha taka khel a, chak ngei turina  fuih a. Tin, Chanmari West FC Coach Malala paw’n a naute chu an goal thun humhim tur leh goal thun belh turin a fuih ve bawk a.

Inkhelh an tan a, an theihtawpin team hnih te hian an rawn khel a. An intum tawk chho viau a. College Veng FC lam hian Pca leh Awmawma te midfield laiah an dah a, Madina awm lo a lang a tih theih. Minute 63 naah College Veng FC beiseina tibo zual turin Peter Lalchhuankima chuan Chanmari West FC tan goal a rawn thun leh a. 4-1 a ni a, College Veng FC tan beisei tur a awm tawh lo a tih theih.

Minute 69 naah Chanmari West FC striker hlauhawm Valtea bawkin goal thun lehin ‘hattrick’ a siam a. Chanmari fans leh players te an lawm hle a ni. 5-1 a ni dawn emaw tih laiin James Lalrinfela chuan College Veng FC tan minute 81 ah goal a rawn thun a, goal dang a luh belh tawh lova, 5-2 in Chanmari West FC te an chak ta a ni.

Tlangkawmna
Chanmari West FC te hian players an nei tha a. Point 3 chauh an la hmu nain an inkhelh tawhna te enin point 3 aia sang hi chu an phu a tih theih. An vanduai a, an khelhpui te an hneh ve deuh tum paw’n an chak lo zel a. Tin, bul an tan tha ngai lova, si an phur hmasa ziah a, tunah erawh goal an thun hmasa a, an chak pui ta a ni. Team an din har a, duh angin an practice tam lova, chuti chung chuan play-off an khel a ni a. A tir lamah khel tha lo mah se match an khel tam a, an khel tha tulh tulh a, vawiina an chak pawh hian phurna thar a siamsak ngei a rinawm. An fighting spirit a tha a, an la qualify thei bawk a, an tum leh turte tan chuan tum an huphurhawm khawp ang le.

College Veng FC pawh hi hun tepter taka indin an ni a, duh angin an inpuahchah tha lova, an tuar a tih theih. Match 4 khelhah point an la hmu lova, an tla tawh a tih theih. Mahse chhiarkawp danah chuan an tum turte an la hneh vek chuan an la qualify thei tho a ni mahse midang team result-ah pawh an innghat ang.

MATCH STATISTICS:

Chanmari West FC 5-2 College Veng FC
MATCH STATISTICS
55% Ball Possession (%) 45%
15 Shots 12
8 Shots on Target 8
7 Shots off Target 4
6 Corner Kicks 1
3 Offsides 4
9 Fouls 8
1 Yellow Cards 1
0 Red Cards 0

You May Also Like

More From Author

7Comments

Add yours
  1. 5
    Lalzarzova

    Goal tamah chuan inkhel hmuhnawm ka tihlo pawl tak a ni. Chutihrualin Valtea goal ho kha chu a pangai hlawm khawp mai.
    Ronaldawnga ngaihdan ka tawmpui e..
    Thlalak erawh a nalh hlawm khawp mai. RS-a nghe nghe titha thin e. Thuziak pawh a ngaihnawm e.

  2. 6
    Ronaldawnga

    hmnuhnawm ka ti lem lo kei ve chu,…. college veng game mumal lo nei nuai eeeeee; Playoff khelh tum rau2 chu inbuatsaih thra ve deuh se ka ti, a quality an tihniam tlat alom

+ Leave a Comment

MPL Playoff Round 4 – Match 16 : Chanmari West FC-in College Veng FC hnehin beiseina thar an nei !

Mizoram Premier League (MPL) round 4 khelh chhunzawm leh a ni a. Vawiina inkhel hnuhnung zawkah a mawngphah pahnih an intum a, Chanmari West FC chuan College Veng FC 5-2 in an sawp a. Tihian point 3 an hlawkchhuak ve ta.  Chanmari West FC tan hian Striker tlanchak F.lalnunhlua (Valtea) chuan hattrick (13, 39 & 69 mins) a siam a. Valtea bakah hian MS Dawngliana  (45+1) leh Peter Lalchhuankima (63’) te’n Chanmari West FC tan goal an thun a. College Veng FC tan hian T.Laldinpuia (34’) leh James Lalrinfela (81’) te’n goal an thun bawk.

Inkhelh hma chanchin

Anni pahnih hi a mawngphah an ni a, point an la hmu lo ve ve a. Chuvang chuan he inkhel hi a pawimawh hle a, chak loh a thiang tawh lo a ni. A chak lo zawk tan beisei a bo tawh dawn a, qualify an duh anih chuan thih thaa khelh a ngai dawn a ni.

College Veng FC hian Aizawl FC nena an inkhel tuma Red Card hmu Chhana an chhawr thei lova,  Tin, Defensive Midfielder Madina chu an College tana a khelh avangin an chhawr thei lo bawk a, duh angin an squad a pan deuh a tih theih. Chanmari West FC ve thung hi chuan hmatawngah Valtea an rawn dah leh a. Midfield-ah Mahuma hova rawn khel lehin chak an rawn tum leh hle a.

First half-ah goal a sur !

Mi tam takin tla tawhah an ngai a, a hmuhnawm an ring lova. Mahse a ni hauh lo mai. A chak zawk zawk hian chance an la nei dawn a, chuvang chuan inkhelh tantirh atang game a tang nghal em em a. Draw a thiang tawh lo, luh tum tan chuan chak ngei ngei a ngai a ni. 4-5-1 formation ve ve an rawn hmang a, fimkhur tak siin game an rawn khel a ni.

Chanmari West striker Valtea chuan minute 13 naah mawi lutukin goal a score a, a class a sang hle.  An inbeitawk chho viau a. Half chance kan hmu zeuh zeuh a. Chanmari midfieder Mahuma a thawkrim a. Minute 34 naah College Veng FC lamin T.Laldinpuia hmangin an si phurh an rawh sut a, chiang zetin a hlap lut a ni. 1-1 a ni a, game a tang chho zel a.

Mahse minute 5 chauh a ral tihin Chanmari West striker Valtea bawk hian a pet goal leh a. 2-1 in Chanmari West FC lamin hma an hruai a. An la qualify thei tih an inhria a, an phur thar hle a ni. 2-1 first half a tawp mai dawn emaw tih laiin MS Dawnglianga chuan extra time-ah goal a rawn thun leh a. 3-1 a ni a, hun a tawp zui a.

Second half : Chak phu zawk Chanmari West FC an chak!

College Veng FC Coach Mpa chuan a naute chu chiai lo tur leh tha taka khel a, chak ngei turina  fuih a. Tin, Chanmari West FC Coach Malala paw’n a naute chu an goal thun humhim tur leh goal thun belh turin a fuih ve bawk a.

Inkhelh an tan a, an theihtawpin team hnih te hian an rawn khel a. An intum tawk chho viau a. College Veng FC lam hian Pca leh Awmawma te midfield laiah an dah a, Madina awm lo a lang a tih theih. Minute 63 naah College Veng FC beiseina tibo zual turin Peter Lalchhuankima chuan Chanmari West FC tan goal a rawn thun leh a. 4-1 a ni a, College Veng FC tan beisei tur a awm tawh lo a tih theih.

Minute 69 naah Chanmari West FC striker hlauhawm Valtea bawkin goal thun lehin ‘hattrick’ a siam a. Chanmari fans leh players te an lawm hle a ni. 5-1 a ni dawn emaw tih laiin James Lalrinfela chuan College Veng FC tan minute 81 ah goal a rawn thun a, goal dang a luh belh tawh lova, 5-2 in Chanmari West FC te an chak ta a ni.

Tlangkawmna

Chanmari West FC te hian players an nei tha a. Point 3 chauh an la hmu nain an inkhelh tawhna te enin point 3 aia sang hi chu an phu a tih theih. An vanduai a, an khelhpui te an hneh ve deuh tum paw’n an chak lo zel a. Tin, bul an tan tha ngai lova, si an phur hmasa ziah a, tunah erawh goal an thun hmasa a, an chak pui ta a ni. Team an din har a, duh angin an practice tam lova, chuti chung chuan play-off an khel a ni a. A tir lamah khel tha lo mah se match an khel tam a, an khel tha tulh tulh a, vawiina an chak pawh hian phurna thar a siamsak ngei a rinawm. An fighting spirit a tha a, an la qualify thei bawk a, an tum leh turte tan chuan tum an huphurhawm khawp ang le.

College Veng FC pawh hi hun tepter taka indin an ni a, duh angin an inpuahchah tha lova, an tuar a tih theih. Match 4 khelhah point an la hmu lova, an tla tawh a tih theih. Mahse chhiarkawp danah chuan an tum turte an la hneh vek chuan an la qualify thei tho a ni mahse midang team result-ah pawh an innghat ang.

MATCH STATISTICS:

Chanmari West FC 5-2 College Veng FC
MATCH STATISTICS
55% Ball Possession (%) 45%
15 Shots 12
8 Shots on Target 8
7 Shots off Target 4
6 Corner Kicks 1
3 Offsides 4
9 Fouls 8
1 Yellow Cards 1
0 Red Cards 0

You May Also Like

More From Author

+ There are no comments

Add yours