Kanan FC 3-1 Aizawl FC
(Lalchhuansanga 15′; Lalsangbera 75′, 90′)-(Michael Lalremruata (90+2)’)
MPL Playoff a player neitha bera chhal ngam Aizawl FC chu Kanan FC in 3-1 ngawtin an sawp a. He chakna vang hian Kanan FC chu 3-naah awmin Aizawl FC hi 4-naah an awm thung. Heng team pahnih te hi an point inang mahse Kanan FC hian Aizawl FC an hneh (Head to head) vangin Kanan FC hi an sang ta zawk a ni. Kanan FC tan Lalchhuansanga first half a goal khat a thun hnuah an striker tlanchak Lalsangbera’n second half-ah goal hnih thunin Aizawl FC lamin Michael Lalremruata hmangin hun pek belhah goal khat an thun tawk a ni.
Aizawl FC tan Sangbera a tha lua e!
Football ti hmuhnawmtu chu goal a ni. Mahse goal nazawng hian football a tihmuhnawm lova, goal ropui hian a tih hmuhnawm a ni. Vawiin inkhelah Sangbera goal ropui vawihnih ngawt a thung a. He goal pahnih hian Sangbera class a pho lang a. Sangbera sawiselna a thai chhe bawk. Sangbera hian tlan chak bak sawisel tur an hrelo ti chuan an inngaihtuah that chu a ngai khawp ang.
Aizawl FC in Red Card an tuar em?
Aizawl FC defender rinrawl Dinpuia’n red card a hmu a, zawhna awm thei chu Dinpuia hian Direct Red Card hmuh a phu em tih hi a ni. Dinpuia hi a foul ngei a, yellow card chu chiang takin an phu a. Red Card hmuh leh hmuloh erawh a referee a zirin a danglam thei ang, mahse vawiinah chuan referee hian a tisual lo niin a lang.
Aizawl FC hian 10 a khelh avang hian chakloh phahna lai chu an nei ngei ang, mahse Dinpuia’n red card a hmuh hnu hian an kheltha zawk tih chu pawn lam atanga a lan dan a ni.
Video : Kanan FC player, Lalchhuansanga penalty
Kanan FC-ah hian tunge ber nge fak tur?
Mizoram U-16 team Lammual-ah ngei lo Champion pui tawh tu Kanan FC Coach Sanga hi kan fak lo thei lo. Player pawimawh Puia khel thei lo chunga Aizawl FC an sawp thei a, hei hi vanneih vanga chhiar chi a ni lo. Vawiinah hian chak thei turin game plan a nei a, a game plan chu nidanga 4-4-2 ni lovin 4-5-1 a ni a. Sangbera a thatna a hrechiang hle ah a ngaih theih. Chutihrualin Sangbera ringawt hi an chakna a ni lova, an team game discipline tha lutuk kha an chak pui a tih theih bawk. Minute 90 chhungin concentration an hlauh lova. Hemi anih avang hian an chakna hi team pumpui thawhrah a tih theih awm e.
Statistics a ni ber lo!
Vawiinah hian team tha zawka ngaih Aizawl FC chu Kanan FC in an sawp a. Kanan FC hian Aizawl FC nena an inkhelhnaah hian ball possession leh thil dang neuh neuhah a lakin an tumpui hi an tluk lo a ni maithei. Mahse chak hi an phu tlat si, vawiin game atang hian statistics in game a sawifiah ber lo a ti chiang awm e.
Aizawl FC in Papuia ang chi an mamawh!
David Rinmuana’n (Papuia) vawiin khan Aizawl FC tan a rawn pen chhuak a, mahse ONGC player a nih tawh avangin auh bak a ti thei tawh lo. Aizawl FC hian ball sem turin player tha tak tak JOhny, Valpuia, Tluanga leh Francis-a te nei mahse vawiin game-ah kha chuan Papuia an mamawh hle a tih theih. An midfielder te hian ball tha tak tak an pass a, an game discipline pawh a tha. Mahse an midfielder ho hi an creative tawk lova, thil awmlo kha awmah an siam thei lo. Hemi anih avang hian ball possession ngah chung renga an chaklo hi thil awm thei tak a ni.
Kanan FC dinhmun a tha!
Vawi thum khelh tur ala awm a, pathumna an awm mek a. Naktuk inkhel a Reitlang an chak phei chuan pangana an ni thei, chuti chung chuan an dinhmun hi a awhawm hle. A chhan chu Chanmari West FC leh College Veng FC an tum dawn a. Heng team pahnih an hneh thei chuan tlang thei dinhmunah an ding dawn a ni. Hnehloh pawh nise inkhel hnunung berah Chanmari FC an tum dawn, an intum meuh chuan Chanmari hi an tlang theih tawh dawn avangin team huphurhawm ber an ni lo thei bawk.
Aizawl FC an ngaihtuahawm!
Solid Point an hmuh kan beisei a, mahse tunah chuan dinhmun hi a tha hran lo khawp mai. A chhan chu Reitlang Fc an hmachhawn dawn a, chumi dawtah Chanmari FC an tum dawn bawk. Heng match pahnih te hi inkhel harsa taka tura ngaih a ni a. Point li an hmu thei anih chuan a tha lamah a ngaihtheih anga, an last match Chanmari West erawh a harsat lutuk a rinawmloh.
Aizawl FC hi sawi tawh angin player neitha bera chhal ngam an ni a. Hemi anih avang hian an team pawh hi a tha bera ngaih theih an ni a. Mahse hei hi an vanduaina pakhat chu a ni, a chhan chu an tumpui apiangin defensive game an khelpui a. Hei vang hian an tan hian goal thun a harsa bik a, team dangin Aizawl FC an tum dawn chuan game an la thutak a tih theih bawk. Mahse Aizawl FC anga team tha, Lammuala practice nei bawk tan chuan chhuanlam a tling lova. Chak hi an tih tur a ni.
Video: Kanan FC goal hnihna Sangbera’n mawi takin a thun!
Match Statistics
Aizawl FC 1-3 Kanan FC | ||
MATCH STATISTICS | ||
57% | Ball Possession (%) | 43% |
23 | Shots | 11 |
7 | Shots on Target | 7 |
16 | Shots off Target | 4 |
9 | Corner Kicks | 2 |
3 | Offsides | 1 |
18 | Fouls | 18 |
2 | Yellow Cards | 3 |
1 | Red Cards | 0 |
Playing XI
Kanan FC : Vanlalfela, Lalchhuansanga, C. Lalmalsawma, Lalrinzuala, Lalthanmawia, Samuel MS Dawngzuala, Hmingthanzauva, R. lalnunfela, Lalruatsanga, Lalsangbera, Lalremruata
Aizawl FC Playing XI : MS Dawngliana, Jessy Lalruatpuia, Lawmsangpuia, Laldinpuia, Ricky Lalawmawma, MS Dawngliana, Johny Lalfakzuala, B. Malsawmtluanga, Zoremtluanga, Albert Zohmingliana, K. Lalrintluanga.
MPL Playoff League Table (Round 4 Upto Match 14)
cialis for sale
buying cialis cheap
cialis 20 mg
cialis 20mg
5 mg viagra
Real viagra without prescription
Class khop my……………..
@steven : au bengchheng chiah kan kawm e 🙂 kanan lam khan au hla neiin fans neitha se kan kawm em em ang.tin, kawm tur kan zawng a, tuman an duh lo ! 😛 Club dangin fans an neih tam theih nan fans nei tam apiang kan kawm. vawiinah pawh Reitlang Fans kan kawm. Chanmari fans an tam se kawm tur leh au bengchheng an awm meuh lo..tin, kawm duh an awm lo..
Zara,Post tha khop mai!
MPL poh a hmuna en a chakawm ngei mai!
AFC chak loh meuh hi chuan Zofooty poh chanchin dang than tir tum ni awm hrimin NEWS UPDATE a tam hle mai…….
Zofooty hian AFC chu in lo tran a ni ber mai. TV lamah lah AFC fans chauh kha in han interview lehnghal a nia…….tran zawng hriat trek trek pa trek pa trek….
Sangbera volley gol kha chu a va han sial rem rem tak. AFC chuan ‘HNEH SA’ a an ngaih leh an hmuhsit, an nuihzat, an inlak ‘STAR’ khum, an inlak ‘CHANGKAN’ khum KANAN FC chu an hneh lo a ni ber. Engmah chhuanlam siam thei an ni lo CHAPO vangin hnehin an awm a ni.
AFC khan Annexe an hneh trumin, an facebook group-ah Kan khelh chhiat trum pawhin 2-0 in kan chak thei ania titu Club CHAPO tak mai hi HREM an ni tihna a ni mai luam. An khelh chhiat trum poha 2-0 a chak thei kha Kanan FC lakah chuan an khel thra nge chhia ni tawh ang le. 😛
A va nuam ham ham ve. Pathianin CHAPO hi a lo haw khawp mai a! 😛
Khaih a!!! Hei zet chu(h) MPL vaw-hot-tu a ni chiang khawp mai. Zara i thawkrim hle mai. VGP
kan lammual grass khi engang tam poh ruahsur se khiti pengpung a tling tur khi a ni lo sin……Salt lake a an phah te poh hi ruahsur lai a tui tlin kn hmu ngailo reng2…..luan chhuahna mai vang tak phaizawl vek lehnghal……khiti em2 a an uluk lo nge an hmanhmoh kan ti dawn m ni……zialo thin khop mai
….
afc han trang leh deuh teh u….
Kan chak lo a ni e. Game a ni a, football a ni bawk a. Na viau thin mahse chakloh theih kha ni miau mai a. Football tinuamtu leh tihrehawmtu, chak leh chakloh hi tute pawn chan theih a ni. Aizawl FC kan tang zel dawn, theihtawp kan chhuah zel ang.
leh lama awr dum.. leh lama awr sen… in tah luh tum ve deuh ran bawk .. akkekkekee
tihsual a tam deuh tlat mai a.. Theiriat FC hian goal 10 an phur tawh a, goal 6 an thun tawh bawk… Mawia Pa… mi ziah loh ziah lan tir talh i tum a nih kha mawle.. Kanan FC a sawi sel avang chauh a nih kha..hahaha.. vawiin table tarlan a rawn sawi sel leh khan i like khawp kha mawle..akekekkeke
Sangbera tlan chak dan em em hi chu defender tan a hahthlak thei ngawt ang. KFC an tlang ka ring e.
Kanan FC chak chuan playoff a ti hot khawp mai. A ngaihnawm chho dawn e ! tren tren table lamp. 🙂
Aizawl FC khel hi vawi khat ka en tawh a, tuna an han chaklo chiah ah hian..anmahni leh mahni thiam/tha intih na “Complacency” hi an nei deuh em aw ka ti…..a nei ho chuan an chhiat pui ngei ngeii…..
Zara- In buai in in hah ve khawp ang, in titha thin hle mai, hmanni-ah inkhel.com a an tihsual FB ah “ka hre sual zawk nge” tiin ka zawtfiah a, ngeiawm em em hian Post tupa/ Reporter in min chhang a, thawkrim viau mahse an site ka ngaihlu lo zo vek nia mawle.
@Ronaldawnga
Ti lawmawm e.
Zara – poi ti suh tihsual cu tam lom…. Kanan an chak hian Playoff a ti hot don khp mai
@Rintluangi Sailo and Mawia_Pa
Kan lawm e…
Rawn sawi lo ulang chuan kan tisual leh ngei ang.
Nitin inkhel a awm a, update tur a tam sia. Hun hi a tlem bawk sia, a buaithlak a ni.
Head to head en tur a nih avangin Kanan FC khi 3rd, Aizawl FC khi 4th tur a niang; Khawi chanchinbu bu in emaw an copy leh hma in tihthat vat chi 🙂
An intluk tlang dwn riau mai,tlingsa ho pwh an phu dep2 twh anga
Uluk lo ve. aizawl fc GD khi a dik lo. GA khi 3 tur…
Aizawl Fc caklo cu in en let nan hmag se a tha ngot ag. Tunah cuan an tha berlo tih a hriat a, tute emawin an by vak kha a zia wm ag a, an cak zwk phah thy tlat. mpl a gaih nwm dwn hle my
Cmonn kanan fc…in phu in phu…in tra ltkkkk..trang xel ruu in thei aniaa..go kanan:-D
Kanan tak2 an rwn lang ta e,,go on Kanan
Steven-a hi a va rawn lang har em em 🙂
AFC chu an zuih rih hle mai a. Statistics en mai chuan KFC hian an hneh lo zawk a ang.
Aizawl FC chu an chaklo ve ta maw! A hmuhnawm chho dawn e.
A thupui a zia ta deuh, Refree puihna intih kha chu a zia lo khawp mai.
A va han nuam em……..KFC trang fan fan