MPL Playoff hmahruatitu ni mek Chanmari FC chuan Reitlang FC draw mahse hmahruaitu an ni thova. An tumpui erawh Round 3-ah pathumna ni mahse Chanmari an draw avang hian Round 4-ah palina an ni thung a ni.
Team Line-up bihchhianna
Reitlang lamin Chanmari West an hneh tuma an formation tho 4-5-1 formation an rawn hmang nawn leh a, mahse tun tumah chuan defensive midfield pahnih aiah pakhat an rawn dah thung a ni. Defence-ah tih danglam an nei lo mahse a hma tawng lamah erawh tih danglam an rawn nei a. Zama chu lone striker-ah dahin Muanpuia aiah Mamatea rawn dah lutin ani hi left winger-ah an dah thung. Midfield laiah Muanawma aiah Hriatpuia an rawn dah lut bawk.
Chanmari lam pawhin an formation ngai an rawn hmang a, he formation hi Reitlang formation nen hian a inang chiah a ni. Players erawh an rawn thlak nual a, Left Back-ah Mamtea aiah Zomuanpuia an rawh lut tir a, defence laiah MP-a aiah Rinchhana an rawn dah lut bawk. Striker goal thun thei tak Tat-a la chhuakin a aiah Tluanga an rawn dah lut a, Rammawia chu lone striker-ah awmin Hlutea pawh left winger atangin right winger-ah an sawn a, left winger-ah hian Tluanga an dah thung a ni.
Goal awm lohna first half!
Inkhel hmuhnawm tak tiha sawi tur chu ni lo mahse game quality erawh a chhe hran lova. Chanmari lamin player tlan chak nei lo mahse ball thiam an ngah avangin an in pass sual meuh lo. Ball chang tam zawk Chanmari hian goal shot pawh an ngah zawk a, mahse Reitlang keeper Bena tan harsa tur a awm lo. Chanmari righ wing back Mike-a cross sual keeper in a lo nem over chu a hlauawm pawl tak a ni awm e. Reitlang lam pawn chance hlauawm em em an nei hran lo va. An midfielder Vannunmawia freekick pet (cross?) chu goal hlauawm anga ngaih theih awm chhun a ni awm e.
Second half-ah pawh goal a lut lo!
First half aiin second half-ah chance a tam zawk a, chutihrualin first half ang thovin Chanmari lamin ball an chang tam thung. Chanmari tan Tluanga’n chance tha tak a nei a, mahse a pet over hlauh. Hemi hnu hian Reitlang FC lamin chance tha tak an nei a, Captain Zion-a ball fing tak chu striker tlan chak Zama’n a thelh a. Zama hian Keeper OP-a chiah hmachhawn mahse a ball pet chu OP-a’n a lo save sak a, OP-a hian Chanmari a chhandam a tih theih awm e.
Chanmari lamin goal thun tumin Tat-a leh MP-a te rawn luhtir mahse chance mumal an nei thei lova, penaly area pawn atanga MP-a shot chu a uihawm zualah a ngaih theih awm e. Mahse MP-a chance hi chu half chance ang chauh a ni si. Goal a luh tak loh avangin 0-0 in an in draw ta a ni.
Sawi belh ang
Team pahnih ten draw pawi anti lo niin a lang a. Midfield-ah player an inhnawh hnem avangin clear chance an hmu hlei thei lova, hei vang hian inkhel a hmuhnawm tawk lovah a ngaih theih bawk.
Chanmari FC team game mumal viau mahse goal an khung lova, khung tur pawn chance an nei tha tawklo bawk. Defence lamah Mike-a overlapping tha thin viau mahse a hna ber defending a ti tha tawk lova, Zama’n goal a thunlo kha Mike a vanneihna a ni. Inkhelh leh tur a pawimawh avangin defending an ngaih pawimawh a ngai anga, chutihrualin an midfielder pahnih MS-a leh Lawma te pawnin insiamthatna lai tur an nei niin a lang a, anni pahnih hian ball sem tha viau mahse pet goalna tura ball tha an pe tam tawk lo.
Reitlang lam fans an ropui a, hei hi an team thatna pakhatah a ngaih theih. Team chhe zawk angah ngaih theih ni mahse an defending a phui tha a, hei vang hian draw hi an phu hle a ni. Chutihrualin an striker Zama khan thelh lo se chuan chak thei an ni thung. Duh angin an passing a tha tawk lova, hei hi an midfielder te fimkhur tawkloh vang a ni.
Team Dinhmun
Chanmari FC (Pos: 1 ; 10 Pts)
vs FC RS Annexe (23th July, Monday)
Vs Aizawl FC (25th July, Wednesday)
vs Kanan FC (28th July, Saturday)
Chanmari hi an chakloh vek anih chuan an tlang thei dawn lova, chumi awmzia chu point 10-ah hian an la him lo tihna a ni. Point hmuh ngei ngei an mamawh hunah team tha tak tak an tum dawn avangin an hma bak hi thil awlsam a nilo.
Reitlang FC (Pos: 4 ; 7 Pts)
vs Aizawl FC (23th July, Monday)
Vs FC RS Annexe (25th July, Wednesday)
vs Theiriat FC (28th July, Saturday)
Reitlang Fc hian team tha anni tih an lantir tawh a, mahse tlang tur chuan vanneihna pawh an mamawh dawn niin a lang. An inkhelh hmabak hi team tha tak vek an ni a, an match hnuhnung berah erawh Theiriat hi an lo tla thei tawh a, an lo tla tawh anih chuan a awlsam thei deuh ang.
Chanmari FC 0-0 Reitlang FC
MATCH STATISTICS
| Reitlang FC 0-0 Chanmari FC | ||
| MATCH STATISTICS | ||
| 42% | Ball Possession (%) | 58% |
| 7 | Shots | 18 |
| 3 | Shots on Target | 10 |
| 4 | Shots off Target | 8 |
| 4 | Corner Kicks | 6 |
| 1 | Offsides | 2 |
| 13 | Fouls | 14 |
| 3 | Yellow Cards | 1 |
| 0 | Red Cards | 0 |
Mizoram Premier League Table (Round 4)
cialis otc
viagra cialis
viagra cialis
cialis otc
otc cialis
cialis from canada
Generic cialis sale
Cialis overnight shipping
Chanmari fixture hi ol miah lo….. tling tur ‘chiang’ hi an om lo ka tiiii Aizawl FC poh Reitlang leh Chanmari an la tum donin ka hria
Chanmari FC leh Reitlang FC inkhel statistics en hian an in draw hi Reitlang FC an vannei top
keipawh le @ricky.
Chanmari chu vawikhat an chak leh cuan playoff an tlang thei dawn tihna a ni maw? Annexe pawh an dinhmun a tha tawh hle mai.
Table khi a dik e. ka lawm e.
Thanks Ramenga
@ricky: Point inang hmu pahnih aia tam an awm hian head to head a en theih tawh lo a, point hmu inang te zinga goal difference nei tha tha kha an sang mai dawn a ni. Hei hi UEFA in Euro 2012 a a dan hman kha a ni a, MFA hian MPL Playoff ah hian a hmang em tih ka chiang lo. A hmang a nih chuan hemi table hi a dik tura ngaih a ni. A hmang lo a, dan dang a hman chuan admin ten siamtha thuai thei se la a duhawm hle mai.
Kanan F.C hi table ah hian PATHUM na ah hian an awm tur a ni…MFA in HEAD to HEAD an EN hmasa ber….thil hre chianglo hian i POST mai mai lo teh ang u….KA LAWM E.
@joemizo : aw hneh ve ve e.. tinge?
Kanan hian AFC leh Reitlang hi an hneh ve ve ani lawmni?