MPL play-off : Vawiin a Mualpui Ragiv Gandhi Stadium a inkhel hnuhnung zawk ah, MPL play-off a Aizawl khaw pawn lam club pahnih Reitlang FC leh Theiriat FC te an inkhel a, Reitlang FC in 2-0 a chakna chang in MPL play-off ah pahnihna an ni a, an beisei ram ah an in pet kai ta a ni.

Reitlang FC 2-0 Theiriat FC

H. Lallianzama (5), Zion Lalramluaha (41′)

Inkhel chanchin : Reitlang FC hian an inkhelh hma a khel Aizawl FC chak an hre tawh a, Lammual ah Kanan FC leh Chanmari te indraw an hre sa bawk a MPL kheltur in chak an mamawh a, chumi ti thei tur in player leh fans ten Mualpui an lut a, chutih laiin Theiriat FC lam tla tawh sa an ni a,pressure an nei tawh lo a,amaherawhchu tih mai mai an tum biklo.

Inkhel an tan a Reitlang lam in ball an chang tam nghal a 4-4-1-1 formation hmang in an striker tlanchak Zama an hmachhuan nghal hle. Tan atang a min 5-na lek ah Reitlang midfield ten mawi tak in Theiriat FC defender te an thiat a, an striker tha H.Lallianzama chuan box chhung ah khalh lut in mawi tak in a pet goal a, a goal hi striker tha te pet goal dan dik tak ,zawi te cool raih in a thun a ni. Inkhel a hmuhnawm chho zel a, fans nei tha Reitlang fans te nidang a an tihdan pangaiin an au phur hle bawk. Min 25-na ah Reitlang lam in an ti goal leh a, amaherawhchu an lo offside avangin referee in goal ah a pawm lo hlauh. Theiriat FC te an inthlahdah bik mai lo a, an inkhel rei tulh tulh a midfield ah ball an chang tam tial tial a, a pawimawh ber goal hma an an chetheilo a, Reitlang defender ten an lo clear thei zel. Min 41 ah 25 yards vel atang in Reitlang FC in free kick an hmu a, an captain Zion Lalramluaha chuan a pet a, ball sang tak a thawk chu Theiriat FC keeper beisei loh dan deuh in goal ah mawi tak in a lut!! Goal dang luh belh lo in 1st half a zo.

2nd half ah hian tan phat atang in Theiriat FC lam in ball an chang tam nghal a,Reiltang FC te an bet nghal hle. Theiriat player ten an tha an thlah lo a, midfield ah ball an chang tam zawk a, amaherawchu striker tha an neihloh an tuar a tih theih a,goal hlauhawm an nei thei meuh lo. Reitlang FC defender te an position ah an khel tha a, ball clear chhuah an nghah malh malh hle. Reitlang FC in ball an chan ve thung chuan an ball inpek a dik thei fu a, clear chance ang a sawi theih vawi 2 lai mai an neih chu an pet over ve ve hlauh bawk. 2nd half ah goal dang a luh belh lo a, 2-0 a chak in Reitlang FC players te leh fans te Mualpui an “Ole Ole Ole Reitlang FC kan chak zel dawn..MPL..MPL” ti in an zai in an lam ta a ni.

Reitlang FC Coach kawmna : Zofooty chuan Reitlang FC coach kan kawm a Reitllang FC in MPL an in pet kai theih dan chungchang hetiang hian a sawi “Team indinthar kan ni a, ka player te ka lakdan ah pawh club dang te ang a tih theihloh te pawh a awm nual a, amaherawhchu ka player ka lak te hi lar sa ni lem lo mahse team tana tangkai tur ka la khawm a, ka player te zing ah hian Sunday School Zirtirtu te leh Bial Zaipawl member nilai te pawh ka nei a, chung te vang chuan kan thawhhona ah pawh min pui hle a ni” a ti. I-Day Invitation tournament chungchang ah “Hemi atan kan inpuahchahna hi kan official board te nen kan la rel tha ang, ONGC leh Mizoram Police te nen kan awm ho tur hi kei chuan lawmawm ka ti a, ka nauten boruak sang zawk an hip theih nan leh an ni pawh eng a ni bik lo a ni tih hria se ka duh a. MPL kan khelh tur ah pawh min puih hle ka ring” a ti bawk.

Sawi belh ang : Reitlang FC hi kum in atang a din tan chauh a ni a, MPL play-off tan tirh ni ah chaklo nghal mahse theih tawp in an game tin te an fight thin tak meuh meuh a, Reiek khaw mipui ten a khaw nawt in an rawn tawiawm thin bawk a, MPL an lut mai bak ah play-off ah 2-na hial an ni thei hi an club bul tanna mah nise a ropui nghal em em a ni. Reitlang FC hotupa Pu Mark Lalthanliana inpekna a ropui a, chumai bak a Reiek khawtlang hruaitu ten an fans te leh an players te an support na kawng ah pawh an entawn tlak in an inlungrual tih a hriat a. An inpekna a ropui a, Mizoram a local football tinung tu leh ti hlu zual tu kan ti lo thei lo ang.

Theiriat FC te hi kan hriat ang in Lunglei lam team an ni a, kum in ah vanduai mahse vawiin a an inkhel en in a chhe hran lo tih a hriat a,an player te an la naupang bawk a, nakum lam ah MPL khel phak ngei tur in tan rawn la leh se, an hmalam hun atan duhsakna kan hlan bawk e.