Mizoram Premier League boruak a sang chho tawlh tawlh a, player transfer bazar boruak pawh a ngainawm tawlh tawlh bawk. MFA League 2012 a second phase khelhchhiat vanga pahnihna nita F.C. Kulikawn pawn boruak an rawn nei lian tan a. Players 16 ziak lut tawhin player dang pawh la ziah belh zel dawn a, mahse club dang pawn player an zawng ve reng avangin an muan theih erawh a rinawmloh.

F.C. Kulikawn Manager Athanga chuan ,”Player tha tak tak kan sign tawh a, a dang pawh kan la sign belh dawn. Kan sign tawh zingah chuan Red Ribbon 2012 a Best Player B. Zoramthara hi a la langsar ber chu a ni” tiin ZoFooty a hrilh.

F.C. Kulikawn hian Playoff an khelh a ngai dawn lova, Mizoram Premier League khel tur chiang pali (F.C. Kulikawn, Dinthar F.C., Luangmual F.C. leh Mizoram Police) zingah an tel a ni. Hemi vang hian an dinhmun hi a tha letling phian a, an club hruaitu hlui lo ni tawh chuan heti hian a sawi,”Kawngpui an a insak leh kawngpui an lova insak a inang thei hleinem. Keini tan chuan Head-Load” a ngai dawn lo a ni” a ti. A thusawi atanga a landan chuan  Aizawl F.C., RS Annexe, Chanmari F.C. leh club dang playoff khel tur ai chuan tuna an dinhmun hi a duhawm zawkah a ngaih theih a ni.

F.C. Kulikawn hian MFA League First Phase-ah 1st Bn MAP F.C. tihloh chu an hneh vek a, Second Phase lama an inthlah dul avangin an nih tur ang anni lo chauh a ni. Chuvangin tun Mizoram Premier League lo awm turah hian tihsual nawn an tum tawh lova, player pawh an la melh zel a. Chung zingah chuan Lachunga (Season hmasa lama Luangmual a khel) leh James Lalhmingsanga (Subroto Best Player lo ni tawh) te chu hming langsar zual an ni.

Player kal chhuak turte:

F.C. Kulikawn hian Kulikawn a cheng leh an Captain ni bawk Benjamin Lalbiakhlua chan dawn a. Anni bakah hian an midfielder tha Lawma chu Chanmari lamin an chhuhsak a, an winger ball thiam Albert pawh Aizawl F.C. lakah an chan dawn niin a lang bawk. An player langsar pathum ngawt an chan tur hi chu a pawi tura ngaih a nih rualin Kulikawn fiahna a ni thei bawk awm e.

Players Sign tawh te:

1. B. Zoramthara – Durtlang (Red Ribbon Tournament top scorer)

2. Ramhlunngaia – Vairengte

3. R. Lalnuntluanga – Armed Veng

4. Lalpantluanga – Armed Veng

5. Lalramchullova – Armed Veng

6. Lalmalsawma – Mamit

7. Lalrengpuia – Mamit

8. Lalrintluanga – Kolasib

9. Lalthanzama – Kolasib

10. Lalhnehzova – Theiriat

11. Lalramliana – Tuivamit

12. Vanneihtluanga – Tuikual North (Captain)

13. C. Ramdinmawia – Armed Veng South

14. Vanlalchhanhima Sailo – Bungkawn Vengthar

15. MS Dawngzela – Zawlnuam

16. Lalbiakthanga – Kawnpui