MPL Club Reitlang FC chuan P.C. Lanunsiama leh Ricky Zonunsiama te an la thar a. Anni pahnih hian Reitlang FC training-na hmun Reiek lamah training pawh an zawm tawh a ni; Reitlang hian ni 3 September (thawhtanni) atang khan training hi an tan a ni.
Special Transfer Window-ah player pathum lak theih a ni a; ni 7 September thleng a in hawng ang. Reitlang Coach Chawnga chuan,”Kan player lakthar pahnih hi kan mamawh tur tak anih avangin anni kan la thei hi kan vannei a, kan tangkangpui ka ring khawp mai; Anni bakah hian player pakhat lak belh kan tum a, chu erawh chu inbiakna kal la anih vangin tunge anih kan sawi thei lo” tiin ZoFooty a hrilh.
P.C. Lalnunsiama (Lalnuna) hi season hmasa lam khan 3rd Bn MAP FC-ah khelin player rinrawl a ni pha a, amah hi Defensive Midfielder niin a position-ah chuan a tha ber zing ami a ni a. 3rd Bn MAP FC thatna chhan pakhat chu an civil player te vang a tih theih awm e, an civil player zingah chuan Lalnuna bakah MS-a (Chanmari FC) leh Puitea (Luangmual FC) te chu a langsar zual an ni. Local Football-ah chuan Laltanpuia (Ṭ-a), Rochhingpuia (Chhinga) leh Benjamin Lalbiakhlua (BJ-a) te hi defensive midfielder langsar zualte an ni a. BJ-a tun season-ah Inter State transfer a lo tih tawh avangin a hmel hmuh a rinawm lova, chumi anih avang chuan Lalnuna hi Defensive Midfielder tha pathum-ah pawh dah ila, kan tihsual a rinawm lova. Pathum zinga a tello anih pawhin panga zingah chuan tel ngei tura ngaih a ni. Amah hi Age group hrang hrang-ah Mizoram aiawhin a kal tawh a, experience pawh a nei tha tawh hle.
Ricky Zonunmawia hi Mizo Striker tha ber zing ami P.C. Lalawmpuia (Tuaitea) ang bawkin Kolasib khaw chhuak a ni a; A player ngaihsan ber pawh Tuaitea a ni. Ricky hian Chaltlang LC Team tan Red Ribbon 2012 kha a khel a, kha tournament-ah khan hming a chher hle. Pu Duhawma, Chaltlang Manager (Red Ribbon 2012) leh Aizawl FC Coaching Staff ami chuan,”Ricky chu player tha tak a ni. A chak tha a, Venghlui kan hneh tuma a goal thun ka hmuh phei kha chuan J. Lalmuanpuia (Muanpuia hi Aizawl FC Captain thin a ni) vanglai nen khan inang ka ti khawp. Muanpuia ang em em thiam chu a ni lova, mahse he pa ah hian talent awm a ni” a ti. Chaltlang lam hian Ricky hi tha an ti bawk aniang, Mohun Bagan Academy-a a awm hnu pawh khan Red Ribbon Round of 16 khel turin an chah hawng hial a ni. Mohun Bagan Academy-ah pawh Ricky hi player pawimawh a ni phak a, I-League U-20 -ah pawh Mohun Bagan Academy striker rinrawl a ni.
Tun MPL khel tur zinga squad nei chhe ber a ngaih theih Reitlang FC in player tha pahnih an lak takah chuan mipuiin he team kan hmuh dan hi a dan phah ngei a rinawm.
price of cialis
goodrx cialis
generic cialis india
where to buy cialis
Buy cheap viagra online
Real viagra online
nia..an that pui dwn a ang khop mai
Reitlang chu an that sawt beisei phawt mai teh ang, an squad a lian lo ltk a, point box an nih mai ka lo hhlau hmana transfer hun hawn leh chu an tan chuan gud news a nih hi
Tha thin e.
Voiin last minutah poh Reitlang FC chuan Aizawl FC atang pawhin player 1 chu an
la a nia oooo.
Chawnga & Co.duhsakna ka hlan e
Luangmual Fc pon Jerry Zirsanga Te po kan la ve tho nia hahah
I day ah club dang an khan lo riau mai a, han trang deuh teh se.
A va hit dawn ve
Reiltang ho chu an tang hle mai. Duhsakna ka hlan e !