MPL5 Final pualin Newsletter

ZoFooty website chuan newsletter hmasa ber a tihchhuah atanga kar khat pawh tling loah ZoFooty Newsletter a tichhuak leh nghal. Hun chep tak kara vawi hnih tihchhuah a nih chhan hi MPL Final a hnaih tawh vang a ni.

Tun tumah hian MPL commentator Lalthanzama Vanchhawng leh MPL ground reporter Sabina Lalnunsiama kawmna a awm bakah Rooney OP-a’n uluk taka inkhel a thlir lawkna a awm a. John Zothansanga’n MPL5 final puala sap tawnga a ziah The Times of John dah a tel a ni bawk.

Engtin zel?
Newsletter hmasa ber ai khan Issue 2 hi a nalh zawk a, hei erawh a thlirtu a zir a ni. A hma ang tho khan a chhung thu vangin download chhan tur a awm nual.
1. Rooney Opa-a’n MPL a hrechiang hle tih a lang a, a preview a ngaihnawm. Probable line up a dah tel bawk avangin tualchhung football ngainatu tan chuan a pawimawh khawp ang.

2. Lalthanzama Vanchhawng hi MPL tantirh atanga Production Crew-a mi pawimawh a ni a, a ngaihdan tlang taka a sawi avangin final en tur tan chhiar ngei ngei chi a ni.

3. Quiz, Sabina Lalnunsiami kawmna te dah tel a ni a, John Zothansanga kut chhuak ‘The Times of John’ dah tel a ni bawk. John hian saptawngin MPL final a thlir lawk a, phai lama Mizo player-te a kawm bawk.

ZoFooty Newsletter Vol I Issue 2 – MPL5 Final Special by zofooty_11 on Scribd