MPL5 semfinal zanah vek khelh a ni dawn

condom
Mizoram Premier League Season 5 semifinal khel tur a hriat kim tawh a, intum tur a chiang ta bawk. Bethlehem Vengthlang FC-in hmahruaitu nichungin league round an khar a, an khingpui tur chu palina Chanmari West an ni. Season hnuhnung pahniha final-a inhmachhawn Aizawl FC leh Chanmari FC te semifinal pakhat zawkah an inhmachhawn ang.

Semifinal hi vawi hnih khelh tur a ni a, minute 180 Inkhela a chak zawkin final an lut ang. Away goal rule a awm lo a, minute 180 hnua an inhnehtawk a nih chuan extra time pek belh tawh loin penalty shootout hmangin chak zawk zawn tur a ni ang.

MPL Board-in season tan hmaa a lo rel angin semi final inkhel en man hi Rs 50 tur a ni ang a, final hi Rs 100 a ni ang. Champion zawnna hi ruahhman dan chuan December 16-ah khelh a ni dawn. Knockout stage hi zanah vek khelh a ni dawn a, zan dar 7:00-ah Lammualah khelh thin a ni ang.

Fixtures
FIRST LEG
December 1, 7:00 PM
Bethlehem Vengthlang FC vs Chanmari West FC
December 2, 7:00 PM
Chanmari FC vs Aizawl FC

SECOND LEG
December 8, 7:00 PM
Chanmari West FC vs Bethlehem Vengthlang FC
December 9, 7:00 PM
Aizawl FC vs Chanmari FC