MPL6 : CHANMARI DERBY AH WEST WARRIORS VANNEI

Zanina Mizoram Premier League a Chanmari derby inkhel boruak nung takah Chanmari West FC in an thenawm Chanmari FC 2-1 in an hneh. He inkhelah hian West Warriors tan Lalramluaha leh Benjamin Cooper te’n goal thunin Chanmari goal awmchhun hi Thasiama thun a ni.

Tute nge khel ?

Chanmari FC (4-4-2) : MS Dawngliana; Joe Zoherliana, Lalmuanawma, Joseph Lalnunpuia, Thomas Lalengkima; Lalmuanzoa (Vanlalbiaa Chhangte 85′), Joseph Lalfakzuala (Immanuel Chijioke 76′), Rochhingpuia, Thasiama; Gani Ahammed, Jakob Vanlalhlimpuia (MC Malsawmzuala 75′)

Subs : Immanuel Chijioke, Vanlalbiaa Chhangte, Lalnunzama, F.Lalmuanawma, Lalmuanawma, Lalruatfela, Sajid Hossain, Lalmalsawma, MC Malsawmzuala

Chanmari West FC (4-2-3-1): Lalmalsawma Hmar; Ronald Zothanzama, H.Lalhlimpuia, Lalmawizuala, Vanlalnghenga (Lalmalsawma 46′); Lalramluaha (Lalengmawia 70′), Jacob Lalrawngbawla; Vanlalduatsanga, Lalromawia, Lalremruata (R.Lalthanmawia 46′); Benjamin Cooper

Subs : Vanlalhriata, Vanlalthlamuana, H.Lalruatkima, H.Lallianzama, Lalmalsawma, Lalengmawia, Lalrintluanga, R.Lalthanmawia, David Lalnunfela

Match Referee : F.Malsawmzuala

A zawna match nga chak zo tawh lo Chanmari tan Pune City atanga an hawh striker Gani Ahammed chu bultantu zingah telin Nigerian an lak thar Immanuel Chijioke chu bench-ah an dah bawk.

An coach thar H.Lalnunzira hnuaia an vawikhat khelhnaah Chanmari West tan Benjamin Cooper-a’n bultanin an player tha te’n bul an tan kim thawkhat.

Goal vannei

Minute 6-na lekah anmahni box atanga Chanmari defender Joseph Lalnunpuia ball pet chhuah chuan Lalramluaha perin West Warriors in hma an hruai.

Chak mamawh Chanmari in an forward tlanchakte hmangin nawr thin mahse H.Lalhlimpuia leh a thiante an paltlang thei lo a, MPL5 Best Defender hian ball a tauh chhuak hnem hle.

Chanmari in an si phurh sut tum a an nawr mek laiin box chhungah Joseph-a a chesual a, ball tla hlang chang a tuihal Benjamin Cooper-an ball la in MPL6-a a goal hmasa ber awlsam takin a thun.

Second-half ah Chanmari in bul an tan tha a, an forward te inthlawp karah Thasiama’n box pawn hret atangin lei hrulah an goal phurh sut then nan mawi takin a thun.

Chanmari an khel tha chhunzawm a, West Warriors in an nawr chhunah erawh C.Lalrosanga awm lohna Chanmari tlarhnung an talbuai teuh thei hle.

Winger tlan chak Muanzoa ball thawn thlak chu box chhung atangin Gani Ahammed-an petin goal kham a per a, hemi hnu lawk hian Gani bawkin clear chance neiin West Warrios siban nghaktu Malsawman a dansak.

Inkhel thunun zawk Chanmari in an si phurh sut tumin striker MC Malsawmzuala leh an Nigerian midfielder thar Immanuel Chijioke te an luhtir hnuah goal nawr chhunzawm mahse a pawimawh ber goal an thun thei lo a, Ronald Zothanzaman tum hnih ngawt goal line atangin a pet chhuah bakah box chhunga Lalhlima handball chu inkhel thununtu in a hmu lo bawk.

Inkhel pum pui thlirin Chanmari chungnung zawk mahse ‘clinical striker’ an neih loh an tuar a, a pawimawh ber goal an thun thei lo. Chanmari West in an coach thar Zirtea hnuaia an game hmasa ber ‘Chanmari derby’ ah hnehna an chan theih avangin an team boruak a vawrh kang ngei ang.

ZoFooty Statistics :
Chanmari FC 1-2 Chanmari West FC
Thasiama 51 ‘ – Lalramluaha 6′ Benjamin Cooper 38’

59% Ball Possession 41%
15 Shots 11
7 On Target 5
2 Yellow Card 1
0 Red Card 0
MoM : H.Lalhlimpuia (CWFC)