MPL6 : CHHINGA VENG DANG THEI AN LA AWM LO

Hun pawimawhah Malsawmfela danglamna a lang a, hun tawp dawna a goal thun hmangin Chhinga Vengin Dinthar an tukzal. He inkhelah hian Chhinga Veng FC defender R.Laldinliana chu man of the match atan thlan a ni.

Tute nge khel ?

Chhinga Veng FC (4-4-2) : Zothanmawia; R.Laldinliana, K. Lalthlahlova, Lalrinchhana Tochhawng, Hmingthanmawia; Vanlallawma (Lalrammuanpuia 81′), R.Malsawmtluana, Lalrinchhana, MS Dawngliana (Lalchhuanpuia 71′); Lalkhawpuimawia (Laldampuia 55′) Malsawmfela

Subs : Laldampuia, Laldingngheta, R.Lalhmangaihzuala, Lalchhuanpuia, Lalramliana, Lalawmpuia, Lalrammuanpuia, Ramfangzauva, Joy Swai

Dinthar FC (4-3-3) : Malsawmdawngzela; Lalnunpuia, Malsawma Chhangte, Vanlalchhanhima Sailo, Lalbiakzuala; Lalramliana, Clarence Carter (Lalbiaknia Pautu 67′), Lalbiakhlua; David Tlau (Stephen Lalnunmawia 87′), Jackson Victor, Lalnunsanga (Samuel Laltlanthanga 67′)

Subs : David Lalrinpuia, Stephen Lalnunmawia, Zothanzuala, Lalbiaknia Pautu, Joseph Lalthafela, Malsawmtluanga, Samuel Laltlanthanga, Lalmalsawmtluanga, R.Lalnunmawia

Inkhel thlir ang

Inkhel tan atangin player nei tha zawk Chhinga Vengin an nawr nghal a, an hmatawngte’n an inthelh siak a ni ber mai.

Lalhlupuia Sailo a ban avanga coach nghet nei lo Dinthar goal nawrin awmzia a nei thei lo a, chutih rualin chawlhlawk thlengin an goal an hum thei.

Second-half minute 58-naah Dinthar in handball vangin penalty an chawi a, Sawmfela’n chiang zetin a pet lut. Maimawms lamin an siphurh sut tumin tan la mahse an hmatawngte an hlauhawm tawk lo. Minute 81-naah Chhinga Veng captain Rinchhana a chesual a, ball pet chhuah a tumna lamah an goal-ah chiang zetin a pet lut.

Dinthar an phur thar a, chutih rualin hun a la tawp lo tih an theihnghilh. Dinliana thawhrah sengin vengtu nei lo Sawmfela’n box chhung atangin goal a thun belh a, hemi hnu hian Dinthar tlarhnungte muthlu karah Dampuia’n an goal thumna a thun leh bawk.

Inkhel pumpui thlirin chak phu zawk an chak niin a lang a, chutih rualin Chhinga Veng hian foreigner nei Ramhlun North leh Dinthar FC te an hmachhawn hian tum dang ang em chuan an awlsam lo deuh thin niin a lang.

ZoFooty Statistics :
Chhinga Veng 3 – 1 Dinthar FC
Malsawmfela 58′, 90′ Laldampuia 90+4′ – Lalrinchhana Tochhawng 81′ (OG)
MoM : R. Laldinliana, CVFC

50% Ball Possession 50%
17 Shots 12
5 On Target 4
1 Yellow Card(s) 2
0 Red Card(s) 0
Powered by : Rainbow Multibrand Mobile Showroom

Posted in MFA, MPL, Tualchhung.

Leave a Reply

Or