MPL6 : CHHINGA VENG HNEH THEI LA AWM LO

Mizoram Premier League season 6 khelh mekah Chhinga Veng FC hneh thei an la awm lo a, vawiin tlai khan MPL6 a hneh loh la tawng lo ve bawk Bethlehem Vengthlang FC chu si hnih faiin an hneh.

Tute nge khel ?

Chhinga Veng (4-1-4-1): Zothanmawia; R.Laldinliana, R.Lalawmpuia, Lalrinchhana Tochhawng, Hmingthanmawia (Lalthlamuana 86′); Lalrinchhana; Vanlallawma, R.Malsawmtluanga, Laldingngheta (Laldampuia 57′); Lalrammuanpuia (Lalkhawpuimawia 64′); MS Dawngliana

Subs : Laldampuia, Francis Rambeiseia, R.Lalhmangaihzuala, Lalchhuanpuia, Lalkhawpuimawia, Malsawmfela, Lalramliana, Lalthlamuana, Ramfangzauva

Bethlehem Vengthlang (4-3-2-1) : Lalruatpuia; K.Lalmalsawma (Israel Laldingngheta 60′), Vanlalthanga, P.C.Laldinpuia, Vanlalzuia Hnamte; Laldinliana Varte (P.C.Lalthazuala 56′), K.Lalnunzama, B.Zoramthara (C.Vanlalhmangaiha 85′); Lalnuntluanga, Ramengmawia; Lalrammawia

Subs : Lalhmangaihzuala, P.C. Lalthazuala, David Lalrinsanga, Israel Laldingngheta, Laltlankima, Joseph Lalsanglura, Edenthara, Lalruatkima, C.Vanlalhmangaiha

Chhinga Veng coach Lalsangzuala Hmar in zirtawp zana Chanmari FC an tum tur urlawk nan a player thenkhat a chawlh hahdam tir a, an zingah hian tun season-a khel tha tak Malsawmfela leh Laldampuia te an tel. BVT lamah erawh an coach Chawngthansanga’n hrem a tawh avangin a ho thei lo thung.

Fisrt-half ah team pahnihte an inhnehtawk a, half-chance insiam zauh zauh thin mahse goal thun theihna hun remchang tha tawk an nei thei lo ve ve. Minute 6-naa Chhinga Veng left-back Hmingtea ball vawrh luh chu Dawngtea’n a awmah lo tauhin Apuia tan a dah rem sak a, Apuia hian a pet out hlauh.

Hemi hnu lawk hian BVT captain Rammawia cross ball chu box chhungah Dina Varte in a la hman thelh a, nang hmang ngat se chu a hlauhawm khawp ang le. Goal awm lo in first-half a tawp mai dawn emaw tih hnuah BVT player te inthlahdah karah MSa a put a, a ball pek chu box chhung atangin Apuia’n petin goal ban a fuh a, hemi lo let leh hi Dawngtea’n awlsam takin a lo thun.

Second-half minute 54-naah Apuia bawkin hun tha nei lehin BVT keeper Ruatpuia chauh a hmachhawn tawh tihin goal-ah a thun thei lo. MPL6 a tlawm la nei lo BVT tan Tluanga’n goal a thun ve thelh a, a teuh ral leh thin. Minute 64-naah Dampuia’n veilam kil atanga ball a vawrh thlak chu box chhungah Rinchhana’n Dawngtea tan siam rem sakin nupui nei thar Dawngtea hian far-post ah an goal hnih nan a thun zui.

Goal hnih an phurh hnuah BVT in tho leh turin chakna an nei tawh lo a, minute 73-naa box chhung hret atanga Khawpuimawia back volley kha goal ngat se chu a mawi khawp ang le ! Hun tawp thlengin goal a luh belh lo a, BVT lamin an player te huaisen tawklohna leh hun pawimawha striker tha an tlakchham an tuar niin a lang.

ZoFooty Statistics :

Chhinga Veng FC 2-0 BVT FC
MS Dawngliana 45′ 64′
52% Ball Possession 48%
12 Shots 7
7 On Target 1
1 Yellow Card(s) 1
0 Red Card(s) 0
MOM : MS Dawngliana (CVFC)

Powered by : Rainbow Multibrand Mobile Showroom

(Pic: MFA)