MPL6 : FINAL-AH CHHINGA VENG KAN HMU DAWN

Zanina Mizoram Premier League semi-final inkhel hmuhnawm takah Chhinga Vengin hun tawp dawnah goal hnih thunin Chanmari FC 3-1 in an hneh. Inkhel hmasa nen belhkhawmin Chhinga Veng hi 4-2 a chakin a vawikhat nan final an lut a, Chanmari FC in a vawikhat nan final an lut zo lo thung.

He inkhelah hian Chhinga Veng FC thiampuipa R.Malsawmtluanga chu man of the match atan thlan a ni.

Tute nge khel ?

Chanmari XI (4-4-1-1): F.Lalmuanawma; Thomas Lalengkima, C.Lalmuanawma, C.Lalrosanga, Joe Zoherliana; Vanlalbiaa Chhangte, Rochhingpuia, Joseph Lalfakzuala (Jakob Vanlalhlimpuia 71′), Thasiama (Lalmuanzova 55′); B.Zoramthara; MC Malsawmzuala

Subs : MS Dawngliana, Lalmuanawma, Lalruatfela, Jakob Vanlalhlimpuia, Lalmuanzova, Emmanuel Chijioke, Gani Ahammed, Zomuana, Lalrintluanga

* Chanmari FC in first-leg a bultantu zinga mi Jakob Vanlalhlimpuia bench-ah dahin a aiah Rochhingpuia an luhtir.

Chhinga Veng XI (4-4-2) : Zothanmawia; R.Laldinliana, Lalrinchhana Tochhawng, K.Lalthlahlova, Hmingthanmawia; Vanlallawma (MS Dawngliana 74′), R.Malsawmtluanga, Lalrinchhana, Laldingngheta (Laldampuia 65′) Lalrammuanpuia, Lalkhawpuimawia (Malsawmfela 80′)

Subs : R.Lalhmangaihzuala, Lassisi Adeyami Ramfangzauva, Olumide Olawale, Joy Mrong Kharraswai, Lalchhuanpuia, MS Dawngliana, Laldampuia, Malsawmfela

* Chhinga Veng coach Lalsangzuala Hmar in first-leg a bultantu mi pathum thlakin Malsawmfela, Laldampuia leh MS Dawngliana te aiah Laldingngheta, Lalkhawpuimawia leh Vanlallawma te a luhtir.

Match referee : Lalbiakhlua Hrahsel
Asst referee : Alvin Lalramnghaka & Lalhriatpuia Sailo
Fourth official : C.Lalruatkima

A hmuhnawm nghal

Inkhel tan atangin team pahnihte an innawr nghal a, first-half ah goal mouth action kan hmu tam a, inkhel a nung hle.

Team pahnihte an innawr tawn zak zak a, Chanmari tan first-leg ang bawkin Vanlalbiaa Chhangte a hlauhawm lehpek hle. Minute 7-naah Chhinga Veng tan R.Malsawmtluanga ball vawrh luhah Lalkhawpuimawia’n goal ban a tauh per a, MPL Best Golkeeper nominee F.Lalmuanawma’n a en ringawt.

Chhinga Vengin inkhel thunun chhunzawmin Msa free-kick kal zel chu Apuia’n goal-ah pet nghal mahse Muanawma thatna tilangtu mai a ni.

Tun season-a vawk lal len tak Chhinga Vengin goal an thun hmasa a, box pawn hret atanga Vanlallawma free-kick hlawhchhuah chu Msa’n mawi takin a pet goal a, Lammualah Chhingcows an au ring hle.

Goal thun hmasa Lalsangzuala Hmar naute’n goal thun belh tumin an nawr zel a, Mapuia leh Lawma te’n hun tha an bawh pelh a, goal an thun belh thei lo.

Champion lai Chanmari in Thasiama leh Mca te hmangin an rum thaih ve leh zauh thin a, minute 35-naah goal ropui kan hmu. Chanmari tan October transfer laia an lakluh MC Malsawmzuala chuan box pawn hreta a ball chan chu ‘awm lo ata awmah’ a siam a, ‘first touch’ class tak a neih hnuah ball virpuiin a ke veilamin Chhinga Veng goal net puar pawpin a pet goal.

First-half a chungnung zawk Chhinga Vengin Msa leh Apuia te hmangin hma an hruai leh thelh a, Muanawma leh goal kham te’n an chhan thin avangin Chanmari an him hram.

Final luhna goal

Chawlhlawk zawhah Chhinga Vengin inkhel an thunun chhunzawm a, Armed Veng South tlangval Apuia leh Kelkang tlangval Mapuia te’n half-chance hmu mahse goal chhungah an pet lut thei lo.

Chanmari in fing takin an winger tlanchak te hmangin ‘counter’ ah an bei thin a, Jakob Vanlalhlimpuia’n tha zet a Chhinga Veng defender te a tlan pelh hnua goal kham chunga ball a thlawh te chu uiawm tak a ni.

Chhinga Vengin goal thum tumin bench-a an player neih that zawng zawng an dah lut a, an bench chhah zar zovin goal an hlawhchhuak ta nge nge. Bench atanga lut Dawngtea tauh chu Muanawma’n tha zet a dang perin Chanmari defender Joe Zohera’n a pet out.

Corner atanga ball kal zel hi Dampuia’n box chhungah vawrh lutin defender K.Patea’n a lo tauh lut. Chhingcows te’n “Nuam nuam nuam” tia an au lai takin box chhungah Joe Zohera’n Malsawmfela a titlu a, Ramhlun South tlangval hian a penalty hlawhchhuah hi final an luh chian nan a pet goal.

Chanmari in hun tawp dawnah nawr letin goal ban pet per leh mahse hunin a daih tawh lo a, final an lut zo lo.

Inkhel pum pui thlirin Chhinga Veng chungnunna a tam lo a, Chanmari goal chhuah dan a uiawm hle. Chutih rualin team pahnih zingah a tha zawk kan thlang dawn a nih chuan zanina kawr var ha Chhinga Veng FC hi an ni ang.

ZoFooty Statistics

Chanmari FC 1-3 Chhinga Veng FC
MC Malsawmzuala 36′ – R.Malsawmtluanga 19′ K.Lalthlahlova 85′ Malsawmfela 88′ (pen)

48% Ball Possession 52%
15 Shots 21
6 On Target 8
1 Yellow Card 0
0 Red Card 0
MoM : R.Malsawmtluanga (CVFC)