First leg-ah 1-1 in an inhnehtawk a, minute 90 khelh tur a la awm. Chanmari in an nomawi hum him an tum laiin table hmahruaitu ni chunga champion loh hi Chhinga Veng tan a na dawn.
November ni 30 (Ningani) zan dar 7:30 ah team pahnihte hi Lammualah an insu leh dawn a, ‘away goal rule’ hman a nih loh avangin an inhnehtawk chuan penalty shootout hmangin chak zawk zawn a ni ang.
First leg-ah Chanmari in an goal thun an hum zo lo a, an keeper F.Lalmuanawma’n a chhanhim ti pawhin a sawi theih ang. Semi-finalist zinga goal la thun tlem ber Chanmari tan first-leg a khel tha tak Vanlalbiaa Chhangte leh goal thun tu MC Malsawmzuala te an pawimawh leh dawn a, dam loh avanga first-leg khel thei lo Rochhingpuia’n a ho theih tawh bawk chuan an phuisui sawt ang.
Chhinga Vengin first-leg ah goal thunna hun tha nei tam zawk mahse an hmatawngte finishing a tawih tawk loh an tuar a, thaw dep depin second-leg an hmachhawn a tul phah.
Lalsangzuala Hmar naute zingah captain Lalrinchhana Tochhawng, R.Malsawmtluanga, MS Dawngliana leh midfielder taima Lalrinchhana te’n first-leg ah yellow card an hmuh tawh avangin naktuk zanah lehkha eng an hmu leh a nih chuan final an khel thei lo ang.
Round league-a hmahruai fal tak Chhinga Veng in ‘an game pangngai’ an khel thei a nih chuan hlauhthawn tur a awm lo a, chutih rualin tun season-a an chung en tawh an draw theih avangin Chanmari an phur sawtin a rinawm.
Second leg-ah hian entu mipui an tlem dawn lo a, football-a ’12th man’ pawimawhzia hrechiangtu ve ve an nih avangin fans neih that zawkin kawngro a su khawp ang.
cialis on line
generic cialis cost
viagra daily
Best price for generic viagra