MPL6 : GOAL 4 LUH ZANAH CHAK ZAWK AWM LO

Zanina Mizoram Premier League semi-final hmasa zawk first-leg inkhel nung takah Aizawl FC leh Mizoram Police FC te 2-2 in an inhnehtawk. He inkhelah hian Aizawl FC captain David Lalrinmuana chu man of the match atan thlan a ni a, team pahnihte hian December ni 4 zanah second leg an khel ang.

Tute nge khel ?

Aizawl FC (4-2-3-1) : Avilash Paul; Lalrinzuala Khiangte, Lalhriatrenga, Masih Saighani, Lalramhmunmawia; Liandala, H.Lalbiakthanga (K.Lalthathanga 73′); David Lalrinmuana, H.Lalmuankima (Lalrozama Fanai 90′) Albert Zohmingmawia; William Lalnunfela (Lalruatfela Zote 88′)

Subs : Lalawmpuia Hnamte, Paul Ramfangzauva, F.Lalremsanga, Lalruatfela, Vanlalthazuala, Jonathan Lalhriatkima, K.Lalthathanga, Lalrozama, Lalawmpuia

Mizoram Police FC (4-2-3-1) : Laltanpuia Ralte; TC Vanlalhruaia, Lalhmunmawia, Lalrinchhana (B.Zoramthanga 68′), C.Zomuanpuia; F.Zosangliana (Lalsangbera 73′), V.Laltanpuia; Lalbiakhlua, F.Lalrinpuia, Lalbiakhlua; Lalfakzuala

Subs: B.Zoramthanga, Lalfakawma, Andrew Lalhmingliana, Lalbiaknunga, Lalsangbera, R.Vanlalhriata, Lalhriatpuia, Lalruatpuia, Vanlalhriata

Match Referee : C.Lalruatkima
Assistant Referees : Lalhriatpuia Sailo, Alvin Lalramnghaka
Fourth Official : Lalbiakhlua

Goal hnih

First-half ah Aizawl FC in inkhel thununin goal thun theihna hun remchang ngah zawk mahse Mizoram Police in goal an thun hmasa a, box chhung atangin F.Lalrinpuia’n goal hmahruai a thun.

Lalbiakhlua cross ball chu Aizawl FC defender te’n an thian fai zo lo a, Valpuia hian ball la in kawh zetin a pet chho a, hei hi Aizawl FC keeper Avilash Paul chuan lo dang perin an lamah a lut. Si an phurh hnuah Aizawl FC in inkhel an thunun chhunzawm a, an hmatawngte ke tawih deuh phei se chu goal thum tal thun thei tur an ni.

Albert Zohmingmawia’n Police defender C.Zomuanpuia chiang zeta a bum hnuah H.Lalbiakthanga’n a pet over a, khelmual veilamah H.Lalmuankima a talna hle bawk.

Minute 22-naah David Lalrinmuana free-kick vawrh luh tha zet chu box chhungah changtu nei lo Masih Saighani chuan a lo tauh lut a, 1-1 a ni ta.

Bawngkawn tlangval Mka bawk a lo lang leh a, a ball khalh luh chu veilam kil atangin far post-ah a pet a, goal ban a per hnuah Bta’n pet leh nghal mahse Police siban nghaktu Tpa’n a lo dang. Tpa’n hna a ngah a, Tea ball pet a dan pawh tha tak a ni.

First-half ah hian inkhel a nung a, William Lalnunfela’n Mka ball vawrh a thun theih loh a uiawm a, Police in goal thun theihna remchang an neih chu Fakzuala’n a ti zuih ral bawk.

Goal hnih dang

Second-half ah team pahnihte an innawr tawk a, thawm erawh Aizawl FC tantute’n an chhuah ring zawk. Mizoram Police in goal an nawr laiin Masih Saighani leh Lalbiakhlua te boruak a ‘hot’ deuh a, Aizawl FC defender Achia’n Police player a khen luih chu referee in a hmu lo.

Goal a luh belh tawh dawn lo emaw tih laiin minute 85-naah David Lalrinmuana free-kick vawrh luhah Masih Saighani bawk a lo lang leh a, Afghan defender ball tauh chu Tpa’n lo dang perin Achia’n Aizawl FC tan a lo thun.

Chik tak a en chuan David-a ball vawrh luh hi tha viau mahse Police defender te’n an tihtur an ti tawk lo niin a lang a, first-half a an chetsualna bawkah an tlu nawn. Aizawl FC in set-piece Masih hi an bitum dawn tih chu thil chiang sa ni mahse Police defender te’n Afghan defender hi an veng tha tawk lo a, ho takin goal hnih an chhuah.

Aizawl FC in chak turah an inngai tawh a, mahse injury time-ah goal thuntu Achia foul ah Police in free-kick hmu in Biaktea pet kal zel chu Lalfakzuala’n box chhung atangin nalh zetin a volley lut a, goal mawi bik kan hmu.

Inkhel pumpui thlirin team pahnihte tan result fair tak niin a lang.

ZoFooty Statistics

Aizawl FC 2-2 Mizoram Police FC
Masih Saighani 22′ Lalhriatrenga 85′ – F.Lalrinpuia 7′ Lalfakzuala 90+4′

55% Ball Possession 45%
11 Shots 13
7 On Target 8
0 Yellow Card 1
0 Red Card 0
MoM : David Lalrinmuana (AFC)