MPL6 : HARHTHARNA CHANG MIZORAM POLICE

Lalbiaksanga Colney an rawih hnuah Mizoram Police in chakna an chang leh ta a, zanina MPL Round 7 inkhel nung takah Ramhlun North FC 4-3 in an hneh. Tihian Mizoram Police hian point 7 hmu in paruknaah an invawrh chho a, Ramhlun North erawh pasarihna an ni ta.

Tute nge khel ?
Mizoram Police FC (4-1-4-1) : VK Malsawma; Lalbiaknunga (T.C.Vanlalhruaia 70′), Lalrinchhana, B.Zoramthanga, Lalhriatpuia (Lallawmzuala 75′); Lalbiakhlua, F.Zosangliana, V.Laltanpuia, Lalsangbera (C.Lalnunmawia 88′); F.Lalrinpuia; Lalfakzuala
Subs : C.Lalnunmawia, Lalfakawma, Andrew Lalhmingliana, F.Lalropuia, T.C.Vanlalhruaia, Lallawmzuala, R.Vanlalhriata, Lalruatpuia, Vanlalhriata

Ramhlun North FC (4-1-4-1) : Lalrinhlua; Rosangliana, Lalfelpuia, Toky Zomuanpuia (V.Lalchhuanawma 62′), Jesse Laldinpuia; C.Ramdinmawia; Jessy Vanlalmuana (Lalhmunsiama 88′), Harry Delona, Lalmuansanga (Lalramzauva Khiangte 75′), Lalrinfela, Lalremruata
Subs : Liansangpuia, Lalmuanawma, Liansiama, Lalramzauva Khiangte, R.Lalmalsawma, V.Lalchhuanawma, Lalhmunsiama, Lalrinawma, Lalnunpuia
Match Referee : Lalbiakhlua Hrahsel

First-half ah goal 4

Inkhel tan atangin game a nung a, team pahnihte an inhlau lo. Ramhlun North defender chesual thei tak Toky Zomuanpuia tihsual chu Sangbera’n a chhawr tangkai thelh. Minute 19-naah Police right-back talbuai Manunga a handball a, box pawn hret atangin Remruata’n free-kick mawi takin a pet lut.
Hemi hnu lawk hian Rinfela thawhrah sengin Ramhlun North no.7 hian nalh takin a pet lut leh a, minute 21 a nih chuan Samson Ramengmawia naute’n si hnih faiin hma an hruai der. Police lamin an tlarhma tlanchakte hmangin an rumthaih ve reng a, Fakzuala thun loh leh Valpuia’n free-kick atanga goal kham a pet perte chu uiawm tak a ni.
Goal nawr na zawk Police in an duh hmu in Biaktea cross ball tha zet chu F.Zosangliana’n chiang zetin a pet goal a, hemi hnu hian goal hmasa zawk thuntu Sanga pass chu box chhung atangin Valpuia’n thun ve lehin 2-2 niin first-half a tawp.

Police an dingchang

Second half minute 56-naah Sanga ball vawrh luh kal zelah Ramhlun North defender Rosangliana’n an lamah a ti lut palh a, an inrin hma in Fakzuala’n box chhung atangin a tauh lut leh a, 4-2 in Bsa naute’n an lehthal.
Minute 73-naah halfway line atanga ball lokal chu Ramhlun North tan Remruata’n hattrick siam nan hmang mahse hun tawp thlengin goal a luh belh lo a, Mizoram Police in point thum an hawn ta a ni.

Inkhel thlirna

Game class sang tak ti a sawi tur ni lo mahse ‘goal mouth action’ a tam a, inkhel nung tak a ni tiin a sawi theih. Mizoram Police in an tlarhma tlanchakte an chhawr hle a, chutih rualin an finishing erawh a tawih tawk lo hle. Bsa’n a enkawl hnuah hnehna an chang ve ve a, hei hian an team boruak nasa takin a vawrh kan a rinawm.
Ramhlun North in game 4 chhungin point khat chauh an hlawhchhuak zo a, zaninah an vanduai tiin sawi theih mahse an inthlahdah vangah a puh theih. Si hnih faia hma an hruai hnuah goal 4 ngawt an chhuah leh a, transfer window inhawn lai hian an tlarhnung thawm that an ngaih pawimawh a ngai niin a lang. An defender te’n midfielder te khumin forward-ah ball an pe nasa a, Police lamin hmun awl an ngah phah niin a sawi theih ang.
Lungleia khelh tur Round 8 – ah Ramhlun North in Bethlehem Vengthlang an hmachhawn ang a, Mizoram Police in Aizawl FC an tum bawk ang.

ZoFooty Statistics :
Mizoram Police FC 4-3 Ramhlun North FC
F.Zosangliana 35′ F.Lalrinpuia 42′ Rosangliana 56′ (og) Lalfakzuala 59′ – Lalremruata 19′ 21′ 73′

52% Ball Possession 48%
15 Shots 12
8 On Target 5
1 Yellow Card
0 Red Card 0
MoM : F.Zosangliana (MPFC)
Powered by : Rainbow Multibrand Mobile Showroom

Posted in MFA, MPL, Tualchhung.

Leave a Reply

Or