MPL6 : MIZORAM POLICE AN KAL ZEL

Vawiin tlaia Mizoram Premier League inkhel pawimawh takah Mizoram Police in Ramhlun North 3-2 in an hneh. He inkhelah hian Mizoram Police tan Lalbiakhluan goal hnih thunin Lalsangberan goal khat a thun bawk a, Ramhlun North goal hi Rosangliana leh Lalliansanga te thun a ni.

Tute nge khel ?

Ramhlun North FC (4-4-2) : Liansangpuia; Malsawmtluanga Ralte (P.C.Vanlalhmangaihzuala 85′) Abu Korhena, Lalfelpuia, Lalmuanawma; Rosangliana, V.Lalchhuanawma, Lalramzauva Khiangte (Lalmuansanga 85′) Lalrinfela; Lalremruata, Lalliansanga.

Subs : Emmanuel Mawia, Jesse Laldinpuia, C.Ramdinmawia, Lalmuansanga, Lalnunpuia, Lalrinawma, P.C.Vanlalhmangaihzuala, Lalzatluanga, Jessy Vanlalmuana

Mizoram Police FC (4-4-2): VK Malsawma; TC Vanlalhruaia, Lalhmunmawia, B.Zoramthanga (Lalrinchhana 70′), C.Zomuanpuia; Lalbiakhlua, F.Zosangliana, V.Laltanpuia (F.Lalrinpuia), Lalsangbera; Lalfakzuala, Lalfakawma (Toky Zomuanpuia 86′)

Subs : Toky Zomuanpuia, C.Lalnunmawia, Lalrinchhana, F.Lalrinpuia, Laltanpuia Ralte, R.Vanlalhriata, Lalhriatpuia, Lalruatpuia, Vanlalhriata

Match Referee : Remruatfela

Inkhel chu

Point inang nei mek inkhel a ni bawk a, tan atangin team pahnihte an fimkhur dun hle. First-half ah Ramhlun North in half-chance ngah mahse goal hmaah an hlauhawm tawk lo a, goal thuntu hmasa chu Police an ni.

Minute 15-naah B.Sena free-kick atanga ball lokal chu Fakawman tauhin Ramhlun North keeper Sangpuian a lo dang per a, Police striker hian goal-ah pet lehnghalin Sangpuia lo dan per leh chu Biaktean goal-ah a lo thun a ni.

Inhliam leh dam loh vangin Police in an striker tha F.Lalrinpuia bul an tan tir lo a, captain C.Ramdinmawia’n Ramhlun North a ho thei bik lo.

Si an phurh hnuah Ramhlun North in ball chang tamin nawr thin mahse an tlarhmate ke a aikhirh laklawh a, a hmawr bawkna a fuh thin lo.

Police lam an tang tlang mai dawn emaw tih hnuah Lalrinfela corner pet duhthusam chu Rosangliana’n an si phurh sut nan a tauh lut a, 1-1 niin first-half a tawp.

Second-half ah Police in an captain Tri-a lachhuakin Valpuia an luhtir a, chak ngei an tum ruh hle. Ramhlun North tan Rinfela ke veilam a hlauhawm a, Police tlarhnungte thin a ti phu rang thin hle.

Ball chang tlem zawk Police player te finishing a tawih zawk a, minute 79-naah Fakzualan mawi lutuka ball a inher pui hnuin veilam kil atangimbox chhungah Biaktea tan ball a vawrh chho a, Ramhlun North defender te ven loh Biaktea tan tauh luh loh chi a ni lo. Police fans te an an au a, an zai a, 2-1 in hma an hruai.

Ramhlun North in an si phurh sut tuma tan an lak lai takin Valpuian box chhung atangin a cross chu Sangberan lo thunin 3-1 in hma a hruai pui a, Ramhlun North tan Notea goal khat thun leh mahse point hmuh nan a tawk zo lo.

Ti hian Mizoram Police in point 14 neiin pahnihnaah an invawrh chho a, Ramhlun North in point 11 nen paruknaah an awm chhunzawm a ni.

ZoFooty Statistics:
Ramhlun North FC 2-3 Mizoram Police FC
Rosangliana 45+2′ Lalliansanga 90′- Lalbiakhlua 15′ 79′ Lalsangbera 87′

55% Ball Possession 45%
19 Shots 12
10 On Target 8
0 Yellow Card 2
0 Red Card 0
MoM : Lalbiakhlua (MPFC)

Powered by : Rainbow Multibrand Mobile Showroom