MPL6 : RAMHLUN NORTH IN POINT THUM HMU

Estimated read time 2 min read
Vawiin tlaia Mizoram Premier League Season 6 Round 8 inkhelah Ramhlun North FC in Lalremruata goal hmangin Bethlehem Vengthlang FC an hneh a, tun season ah a vawi hnih nan hnehna an chang.

Tute nge khel ?

Ramhlun North FC (4-3-3) : Liansangpuia; C.Ramdinmawia, Lalfelpuia, Korhena Abu (P.C.Vanlalhmangaihzuala 85′), Lalmuanawma; V.Lalchhuanawma, Lalmuansanga, Harry Delona (Lalrinawma 90+4′); Rosangliana, Lalremruata (Lalliansanga 66′), Lalrinfela

Subs : Emmanuel Mawia, Jesse Laldinpuia, Lalramzauva Khiangte, Lalnunpuia, Lalrinawma, P.C.Vanlalhmangaihzuala, Jessy Vanlalmuana, Lalliansanga

Bethlehem Vengthlang FC (4-2-3-1): Lalruatpuia; K.Lalmalsawma, MS Dawngzela, P.C.Laldinpuia, Vanlalzuia Hnamte; Vanlalthanga, Lalnuntluanga; P.C.Lalthazuala (B.Zoramthara 7′, K.Lalnunzama 82′) Ramengmawia, Laldinliana Varte (Joel Lalmuanpuia 90′); Lalrammawia

Subs : David Lalrinsanga, Johny Laltlanhlua, K.Lalnunzama, B.Zoramthara, Lalmawizuala, Edenthara, Lalruatkima, Joel Lalmuanpuia, LK Hmangaihzuala

Match Referee : Lalrawngbawla

Goal khat a tawk

BVT in an player boral ta Lalrinawma Lianhna (Serkawn, Lunglei) hriatreng nan armband dum an rawn hreng a, mahse an vanduaina a kaltluang tlat.

Inkhel an tan deuh chauh tihah winger P.C.Lalhmangaihzuala (Puitea) chu inhliam vangin lakchhuah a ngai a, a aia lut B.Zoramthara pawh thlak leh ngai khawpin a khel ropui lo.

Ramhlun North lamin an player thar Abu Korhena bul an tan tir a, an tlarhnung a phui sawtin lang mahse an defender thar hian yellow card a chawi nghal a, red card a hmu lo kha a vannei hle.

He inkhela goal awmchhun hi C.Ramdinmawia ball vawrh luh Remruata’n box chhung atanga a tauh luh a ni a, Ramhlun North no.7 hian tauh na lo mahse a tauh kil tha hle.

BVT in Phase 1 a an hneh tawh RNFC lakah point an hlawhchhuah hrim hrim chuan pahnihnaah an kai chho thei dawn tih hre mahse tum dang ang bawkin striker tha an neih tawk loh an tuar a, RNFC defender palian te karah an forward te an che hleithei lo.

RNFC lamin Remruata leh inhliam vanga hun rei tak inlan tawh lo, bench atanga rawn lut Lalliansanga (Notea) te hmangin hun tha nei leh mahse goal an thun belh thei bik lo a, match 6 hnua a vawikhat nan point thum an hmuh avang erawh chuan hlim takin Thuamluaia Mual an chhuahsan.

ZoFooty Statistics :

Ramhlun North FC 1-0 Bethlehem Vengthlang FC
Lalremruata 25′

47% Ball Possession 53%
14 Shots 14
7 On Target 8
1 Yellow Card 1
0 Red Card 0
MoM : Lalrinfela (RNFC)

Powered by : Rainbow Multibrand Mobile Showroom

 

C Tlanthianghlima

Football tui ve tak

You May Also Like

More From Author

2Comments

Add yours

+ Leave a Comment