MPL6 : RAMHLUN NORTH TAN CHANMARI AN LIAN HRET

Estimated read time 3 min read

Mizoram Premier League zanina Round 4 inkhel hnuhnung berah zanin khan Chanmari FC chuan Ramhlun North FC si hnih faiin an hneh. He inkhelah hian Vanlalbiaa Chhangte chuan goal hmahruai thunin hun tawp dawnah Lalfelpuia’n lamah a ti lut palh a, goal hmasa thuntu Hriangtlang tlangval Mabiaa hi man of the match atan thlan a ni.
First half – goal awm lo
Inkhel tan atanga minute 8-na lekah Samson Ramengmawia naute hian chance an nei nghal a, dinglam kil atanga defender Ramdina vawrh luh chu Remruata’n hmun awl ngah mahse a tauh tha tawk lo. He mi hnu lawk hian Ramhlun North left-back Muanawma a chesual a, a ball pet fuh tawk lo chu Mabiaa’n changin Chanmari winger hian goal-ah a thun teuh hle.
Team pahnihte an inhnehtawk a, MPL6 a goal la thun lo Alex Whittemore-a’n pen 25 vel atanga a pet chu goal kham chungah a kal hlauh. Hneh loh la tawng lo Chanmari in nawr chhunzawm zelin half-way line bul atanga Rosanga free-kick vawrh luh chu Jakoba’n lo tauhin goal kham a fuh hlauh.
First-half ah hian hrem vanga an match hnuhnung pahnih khel thei lo striker Jakoba a tal na hle a, Ramhlun North tlarhnung vawi duai lo a tih thaih a, a ball khalh lai Ramhlun North last defender in a tihtluk inkhel thununtu in yellow card chauh a pe chu inhnial theih tak a ni.
Khelmual laia chungnung zawk Chanmari tan Alex Whittemore leh Mabiaa pet Ramhlun North keeper Liansangpuia lo dan te chu first-half inkhel tihmuhnawmtu zinga mi a ni.
Second half – goal hnih
Inkhel thawhkhatnaah goal awm lo mahse game a nung a, mipuiin second-half hmuhnawm tak an beisei. Minute 49-naah khel tha tak Thasiama’n khelmual veilamah ball changin defender nalh taka a bum hnuah ball a vawrh chho a, a thianpa Mabiaa’n a lo khawih pha lo chiah chiah. Uiawm tak a ni !
Minute 51-naah khelmual lai vel atanga Rosanga free-kick vawrh luh chu Mabiaa’n a chhip a lo tauhin Sangpuia a khum a, far-post ah nalh zetin a kum lut. A hnu minute khat lekah Alex-a tauh chu Sangpuia’n a lo thianfai thei hram.
Second-half ah si phur zawk Ramhlun North game a tlahniam a, an player tha pahnih Lalliansanga (Notea) leh Chhuantea te awm loh an tuar niin a ngaih theih. Ramhlun North tana hun tha ber chu minute 85-naah Rosangliana koah a tla a, he winger hian pen hnih vela hla atangin goal kham chungah ball a thlawh !
Si khat faiin Chanmari an haw mai dawn emaw tih hnu injury time-ah an goal khatna ang bawkin free-kick atanga Rosanga ball vawrh luh chu Ramhlun North defender Lalfelpuia’n a tauh chhuah a tumna lamah an goal-ah mawi takin a tauh lut.
ZoFooty Statistics :
Chanmari FC 2-0 Ramhlun North FC
Vanlalbiaa Chhangte 51′ Lalfelpuia 90+1′(og)

51% Ball Possession 49%
15 Shots 9
8 On Target 2
1 Yellow Card(s) 1
0 Red Card(s) 0

Man of the match : Vanlalbiaa Chhangte (CFC)
Powered by Rainbow Multibrand Mobile Showroom
(Pic : MFA)

C Tlanthianghlima

Football tui ve tak

You May Also Like

More From Author

6Comments

Add yours
  1. 5
    nike magista opus

    nike magista opus

    how to bling up converse pearl pinterest.comair max pink and gold glitterkick etsy.comnike sneakers mesh glitterkick pinterest.com350 v2 yeezy boost rhinestones pinterest.com

  2. 6
    Wholesale Jerseys

    Wholesale Jerseys

    Maybe Kelly can call Urban Meyer for some advice? Then again, maybe not a good idea. The have a reservoir in the bottom that makes them rather tall. I do believe this can be a essence of photography and i also love developing my films.People seem to wa…

+ Leave a Comment