MPL6 : THUAMLUAIA MUALAH CHHINGA VENG AN CHUNGNUNG NAWN

Second-half ah si phur hmasa zawk Chhinga Vengin goal hnih thunin Chanmari FC 2-1 in an lehthal. He inkhelah hian MS Dawngliana chuan goal hnih thunin Chanmari FC goal awmchhun hi Joe Zoherliana thun a ni.

Tute nge khel ?

Chanmari FC (4-4-2) : F.Lalmuanawma; Thomas Lalengkima, C.Lalrosanga, Joseph Lalnunpuia, Joe Zoherliana; Lalthasiama, Joseph Lalfakzuala (MC Malsawmzuala 68′) Rochhingpuia, Vanlalbiaa Chhangte; Jakob Vanlalhlimpuia (Lalmuanzuala 75′), Lalmuanzoa (Lalmuanawma 61′)

Subs : Lalmuanawma, MS Dawngliana, Zothansanga, David Lalchhuanawma, Lalmuanawma, Lalmuanzuala, Lalruatfela, MC Malsawmzuala, Lalmalsawma

Chhinga Veng (4-1-4-1) : Zothanmawia; R.Laldinliana, Lalrinchhana Tochhawng, K.Lalthlahlova, Ramfangzauva; Lalrinchhana; MS Dawngliana, Lalrammuanpuia (Lalkhawpuimawia 46′), R.Malsawmtluanga, Laldampuia (Vanlallawma 80′); Malsawmfela (Lalchhuanpuia 85′)

Subs : Francis Rambeiseia, Lalkhawpuimawia, Vanlallawma, R.Lalhmangaihzuala, Lalchhuanpuia, Lalramliana, Lalmuansanga, Hmingthanmawia, Joy Kharraysway

Match Referee : F.Zohmingliani

First half – Chanmari ta

Team tha pahnih inkhel a ni bawk a, tan atangin an innawr tawn nghal. Hnahthial tlangval Jakob Vanlalhlimpuia corner pet chu Joe Zoherliana’n lo tauh lutin minute 12 a nih chuan Chanmari in hma an hruai der.

Phase 1 a an hneh tawh loh Chhinga Veng hneh tumin Chanmari in an nawr chhunzawm a, Muanzoa leh Joseph Lalfakzuala te’n an chance neih an hmang tangkai zo lo.

First-half chhunga Chhingcows hun neih that ber chu Malsawmfela chungah a tla a, mahse Ramhlun South tlangvalin box chhung atanga a pet chu Muanawman a dansak.

First half tawp dawnah Lalmuanzoa’n keeper T.Mawia a khalh tlang hnuah a ke veilamin goal-ah a pet a, Chhinga Veng defender K.Patea’n line bul atangin a petchhuak hman a, Chhinga Veng an him hram.

Hemi hnu lawk hian Jakob Vanlalhlimpuian Chhinga Veng defender te a paldarh hnuah T.Mawia chauh hmachhawn mahse goal ah a chantir thei lo bawk.

Second half – Chhinga Veng ta

Chawlhlawk laiin Chhinga Veng coach Sangan a naute a fuih tha tih a hriat a, khel tha lo Apuia lachhuakin striker Lalkhawpuimawia (Mapuia) a luhtir bawk.

Chhinga Vengin inkhel thununin Mapuia ball thawn luh Dawngtea thun loh chu a uiawm a, Chanmari captain Rosanga box chhunga handball ngei nia lang chu inkhel thununtu in a ham lo bawk.

Minute 64-naah Chhinga Vengin an duh ber an hmu ta nge nge a, box chhunga a ball hmuh chu Dawngtean an siphurh sut nan a thun. Hemi hnu hian khel tha tak Mapuia hnen atanga a ball hmuh chu Dawngtea hian box chhung atang bawkin lei hrulah a thun a, 2-1 in Chhinga Veng a chakpui.

Chik zawkin

First-half ah Chanmari in an hun tha neih an hmang tangkai zo lo a, goal 3 tal thun thei turah goal khat bak an thun thei lo.

Darkar khat chauh a la liam tihin an winger Lalmuanzoa lachhuakin goal venhim an tum a, an lama goal a luh leh hnuah nawr let tumin an striker thar MC Malsawmzuala luhtir mahse an goal nawr a na tawh lo.

Chhinga Veng coach Sangan substitution a siam fuh a, Apuia lachhuaka Mapuia a luhtir kha inkhel ti danglamtu a ni. First-half ah clear chance insiam thei lo mahse second-half ah an hun neihchhun an hmang tangkai a, Sawmfela khelh that loh ni ah goal thun thei midang an kawl kha an squad thatzia tilangtu a ni.

ZoFooty Statistics :

Chanmari FC 1-2 Chhinga Veng FC (FT)
Joe Zoherliana 12′ – MS Dawngliana 64′ 76′

43% Ball Possession 57%
11 Shots 20
7 On Target 12
0 Yellow Card 0
0 Red Card 0
Man of the Match : MS Dawngliana (CVFC)

Powered by : Rainbow Multibrand Mobile Showroom

 

C Tlanthianghlima

Football tui ve tak

You May Also Like

More From Author

3Comments

Add yours

+ Leave a Comment