MSU & Michael Lalremtluanga

Madras Sporting Union hi mi tam zawk chuan kan la hmelhriat lo maithei. Mahse Chennai Mizo te zingah chuan hrelo an tlem hle awm e.

Mizo zinga Man Utd (Youth Team) lama pet goal hmasa ber David Rinmuana (Papuia) te, Dinthar Captain Sang Sang-a, Jeje te nena India Camp a awm ho Luangmual player rinrawl ni thin Aldrin te, tuna Luangmual FC striker Zirte-a te, Lajong a khel ta Ronald-a te leh Mizoram lo ti hmingtha tawh players engemaw zat khelh tawh na a ni.

Madras Sporting Union hian Chennai Senior Division League an khel mek a, season dang angin tun season hi kheltha lo mahse an player pawimawh chu Mizo player a la ni tho a, chu chu Michael Lalremtluanga hi a ni. Tun season a duh anga an chetthatlohna chhan chu I-League khelh tum Chennai F.C in an players pasarih lai an laksak vang a tih theih awm e. Ni 17th April,2011 hian Champion lai Customs an tum ang.

Chennai Mizo tan kum 7 a Captain tawh a, a Captain na hnuaiah hian Chennai Mizo hian Mini International ah vawi 5 laiin Champion in vawi hnih final ah an vanduai thung a. Amah hi Madras Christian College ah lutin an College pawh a lo Champion pui fo tawh a, chumai nilovin an College tan pawh hian Captain armband a hreng thin a ni. A naupang lai atang tawh a football thiam leh tui ve hrim hrim a ni a, Chandigarh a school a luh laiin Subroto ah Chandigarh aiawhin a telve a, mahse tournament tan hmaiin vanduai thlak takin a ke ruh a titliak hlauh a ni.

Michael hi Lunglei khawchhuak niin Lunglei Serkawn ah a cheng a, tun Red Ribbon a rawn kheltha em em Lunglei Ramthar team ah pawh khan a nau a tel ve nghe nghe. A position hi midfield niin ball pethiam tak a ni a, a ball pass tha tak tak te chu Striker te vanneihna niin a free kick pet thiamna te chu a team te vanneihna a ni thung.

MSU 2 – 2 Southern Railways

MSU 2-3 ICF

MSU 0-2 SAI

MSU 0-0 Indian Bank

MSU 0-2 SBI

MSU 1-2 FCI