Mumbai tan Jackichand Singh

Estimated read time 2 min read

IG Stadium, Guwahati-ah Mumbai City-in Jackichand Singh-a goal hmangin North East United an hneh a, Indian Super League-ah hmahruaitu an ni.

November 6, Inrinni zan inkhelah hian minute rukna leka Diego Forland pass chu Manipuri winger Jackichand-a’n goal-ah a chantir thei lo mah se first half tawp hmain danglamna a thlen tho. I League-a Mohun Bagan tana inlan Sony Norde siam chu Jackichand Singh hian minute 45-naah a khung a, hei hi inkhela goal awmchhun a ni.

NorthEast United hian season bul an \an \ha a, tunah erawh an talbuai mek – a zawnin vawi thum an chak lo. Highlanders hian match irat khelh atangin point 10 an hmu a, an chunga awm Chennaiyin nen an point hmuh zat inang mah se Jeje Lalpekhlua leh Jerry Lalrinzuala te khelhna Chennai team hi match khatin an khel tlem.

Mumbai tan hian tum dang ang thoin North Mualcheng tlangval Lalhmangaihzuala Ralte chuan a khel tluan a, point thum an hlawh chhuah bawk avangin Delhi Dynamos zuan khumin pakhatnaah an awm. Highlanders starting eleven-ah Mizo an awm lo a, Lallianzuala Chhangte chu minute 74-naah Robin Gurung aiah luhtir a ni.

Zanin dar 7:00 hian Atletico de Kolkata-in khualmualah table mawngphaha awm Pune City an lenchilh ang.

Lawmman
Amul Fittest Player of the Match: Emiliano Alfaro
DHL Winning Pass of the Match: Sony Norde
Maruti Suzuki Swift Moment of the Match: Albino Gomes
ISL Emerging Player of the Match: Jackichand Singh
Hero of the Match: Lucian Goian

Team Dinhmun

# Team Pld W D L GF GA GD Pts
1 Mumbai City 9 4 3 2 9 7 2 15
2 Delhi Dynamos 8 3 4 1 12 7 5 13
3 Atlético de Kolkata 7 3 3 1 8 6 2 12
4 Chennaiyin 7 2 4 1 8 7 1 10
5 NorthEast United 8 3 1 4 6 6 0 10
6 Kerala Blasters 8 2 3 3 4 6 -2 9
7 Goa 8 2 1 5 5 11 -6 7
8 Pune City 7 1 3 3 5 7 -2 6

 

You May Also Like

More From Author

1 Comment

Add yours

+ Leave a Comment