NAKTUK ZANAH MPL CLUB AWARDS

Mizoram Premier League Club Association buatsaih ‘MPL AWARDS 2017’ chu naktuk zan dar 8:00 hian sem a ni dawn.

He hunah hian Award hrang hrang – Coach of the Year, Player of the Year leh Young Player of the Year sem a ni dawn a, heng Award te hian pawisa fai ₹10,000/- bakah trophy leh citation a keng tel ang.

MPL Awards 2017 ah hian club tin President, Secretary, manager, coach leh captain te’n vote an nei a, mahni club mi leh sa vote phal a ni lo thung. Young Player of the Year atan hian club hrang hrang te’n MFA-a kum 20 leh a hnuailam player an ziah luhte atang chauhin thlan phal a ni a, vote hi a lut kim. Vote hmu sang pathumte atangin lawmman dawng tur kan hre dawn a, category dangah erawh patla khai loin mahni duhzawng vote theih a ni thung.

Category tina top 3 te hi a hriat tawh a, Award dawng tur erawh naktuk zanah puan a ni ang.

Coach of the Year
Lalsangzuala Hmar, CVFC
Lalbiaksanga Colney, MPFC
H. Vanlalthlanga, CFC

Player of the Year
H. Lalmuankima, AFC
R. Laldinliana, CVFC
R. Malsawmtluanga, CVFC
Lalrinchhana Tochhawng, CVFC

Young Player of the Year
F. Zosangliana, MPFC
Rochharzela, AFC
K. Lalthathanga, AFC