Lungleia Round 8 khelh a nih hnuah naktuk chawhnu dar 3:00 atangin Lammualah Mizoram Premier League Round 9 khelh a ni leh dawn ta.
Inkhel hmasa zawkah Aizawl FC leh Chanmari FC an innuai ang a, zan dar 7:30 ah Chhinga Veng FC leh Chanmari West FC an intum ang.
Sawi fel ngai AFC leh CFC
Tun season ah club pahnihte hi vawi 3 intum tawhin vawi khat ve ve an chak a, tum khat an in draw. MFA Super Cup ah hun pangngaiah 0-0 a an inhnehtawk hnuin penalty shootout-ah Aizawl FC an chak a, I-Day football semi-final ah extra-time hmangin Chanmari in 2-1 in an hneh ve thung.
MPL6 Phase 1-a an inhmachhawn tumin Chanmari tan Lalmuanzuala goal thun chu David Lalrinmuana’n a sut a, 1-1 in an tin. Kha inkhelah khan kawng engkimah Aizawl FC chungnungin ball 63% zet chang mahse H.Vanlalthlanga naute lakah hnehna an chang zo bik lo.
Table-ah team pahnihte inthlauhna hi point 2 chauh a nih avangin inkhel pawimawh a ni dawn a, Aizawl FC an chak chuan Chanmari lehpelin pahnihnaah an inhlangkai thei ang.
Chanmari hi MPL6 ah goal la chhuah tlem ber an nih avangin an tlarhnung a phui tih a hriat a, chutih rualin Pune a zin chau an nih avang erawh chuan foreigner pahnih nei thar Aizawl FC lakah point hlawhchhuak turin theihtawp tak meuh an chhuah a tul ang.
Chhinga Veng FC vs Chanmari West FC
Round 4 a Aizawl FC an hneh hnuah West Warriors in hnehna an chang leh tawh lo a, relegate thei dinhmunah an ding mek.
Khel tha tluang em em leh point 8 laia hma hruai tawh Chhinga Veng tan Chanmari West hi huphurhawmin an lang lo a, chutih rualin football a ni miau a, engpawh thleng thei a ni.
Phase 1-a an inhmachhawn tumin Chhingcows hian Vanlallawma, R.Malsawmtluanga leh Malsawmfela te goal hmangin 3-0 in hnehna an chang tawh a, goal thun harsat Chanmari West in naktuk zanah hian phuba an la thei ang em ?
Zara naute’n hnehna an chang a nih chuan midang result a zirin 4-naah an inhlangkai thei dawn a, chumi tur erawh chuan Aizawl FC atanga an lak thar Vanlalduatsanga bakah Jacob Lalrawngbawla te, Lalromawia leh midante an khelh that a tul ang. West Warriors hian an captain Lalnunmawia an chhuahtir tawh a, thu lawmawm erawh hrem a tawh vanga an match hnuhnung bera inlan thei lo defender H.Lalhlimpuia lo kir tur hi a ni.
Chhinga Veng coach Lalsangzuala Hmar tan naktuk zan hi zan hriatreng tlak a ni thei. Sanga hnuaiah Chhinga Vengin a zawnin match 20 chhung hneh loh an tawng tawh lo a, naktuk zan hian point khat tal an hlawhchhuak thei a nih chuan a pu hlui H.Vanlalthlanga’n hneh loh nei lo a game 21 zet Chanmari a lo enkawl tawhna kha a tluk thei ang.
Naktuk hi sawrkar chawlh a nih avangin entu an tam rin a ni a, tantu neih ngah zawkin kawngso a su khawp ang. En man cheng 30 chauh a nih kha !
cialis price
cheap cialis
Canadian pharmacy cialis
Cialis for order