Inter Milan striker Goran Pandev chu kumkhat chhung atan loan in Napoli ah a lut. Loan fee hi €1.5 million vel a ni.

Pandev hian Inter ah €3 million vel a hlawh mek a, Napoli lamin heti zat an pe thei lo/duh lo. Hei vang hian  club pahnihte inremna ah chuan Inter hian Pandev hlawh ṭhenkhat hi an la pek a ngai dawn a ni.

Napoli player thar chuan thuchhuah a siam nghal a, “Inter hi chhuahsan ka duh lo a, mahse Napoli ka zâwm tur hi ka phr tawh takzet a ni. Napoli hi club pawimawh tak niin Champions League khel pha ngat an ni a. A pawimawh ber chu transfer ah hian ka lawm a, experience thar hmachhawn hi ka châk tawh hle a ni.” a ti.

Kum 2010 January thla ah Inter a lut a, Eto’o leh Milito te nen tlarhmaah inkawpin Inter chu treble champion a nihpui. Season hmasa khan a che chhe hle a, game 27 khelin goal 2 chiah a thun a ni. Tunah Napoli ah insiamṭhatna chance a nei a, Cavani, Lavezzi leh Mascara te ho hi luahlan zo tak ang maw.