NDOMBELE LEH SKRINIAR TE INTHLENG THÂWM A AWM

Estimated read time 2 min read

Tottenham Hotspurs player manto ber Tanguy Ndombele chuan season khat chauh Spurs a a khelh hnuin North London club chhuahsan a duh niin an sawi a. Hei hi Inter Milan chuan remchangah la in an defender Milan Skriniar nena inthleng turin Spurs hotute an dawr niin Sky Italia chuan an tarlang.

French midfielder Ndombele hi nikum khân Tottenham chuan €62m in an lalut a, kum 6 ngawt mai contract an ziahpui a. Mahse a lalut tu Mauricio Pochettino a chhuak zui a, a aiawhtu Jose Mourinho nen an inkarah neuh neuh a awm ni a sawi a lo awm bawk nen, Spurs pawh hian chhuahtir an hnial chiah lo niin a lang.

Hetia Ndombele a chhuak duh tih thâwm a awm veleh hian Antonio Conte chuan French midfielder kum 23 mi hi lakluh a duh nghâl niin Sky Italia chuan an tarlang a, an defender Milan Skriniar nena inthleng hial pawh pawi a ti lo niin report hian an tarlang a ni.

Inter a kum 3 contract la nei Slovakian defender Milan Skriniar hi Serie A a center-back ṭha an sawi apianga a hming an lam tel ṭhin a ni a. Spurs hian center-back an lo mamawh ve bawk avangin Inter in inthleng an rawtna hi an pawm mai ang em tih chu a ngaihtuah theih âwm e.

C Tlanthianghlima

Football tui ve tak

You May Also Like

More From Author