NECS Charity Cup: Live Text Commentary

Estimated read time 8 min read

Vawiina Mizo Players leh Aizawl Football Club-te inkhel tur chuan mi ngaihven a hlawh hle a. He inkhel hi ZoFooty chuan Live Update a hmun atangin kan rawn pe chhuak dawn a ni.

Team Line-up:

Aizawl FC (4-5-1)
GK: M.S. Dawngliana
Def: Abraham, Zirtea, Zuala, Zohmangaiha
Mid: Francis, Tluanga, Sawmtea, Samuel, Rammawia
Fwd: Michael

Mizo Professional Footballers (4-4-2)
GK: Ruatpuia (Shillong Lajong Jr.)
Def: Chhuantea, Zotea, Lawma (Shillong Lajong), Robert (East Bengal)
Mid: Samson, Ramluaha, Rohminga (Shillong Lajong), Mama (Prayag Utd)
Fwd: Muanpuia (ONGC), Tuaitea (Mumbai FC)

1:00 pm: Lammual-ah mipui an kal khawm tan a. Tlang pang lamah phei chuan thahnem tak an thu tawh a ni.


Mipui lam pawh an rawn thawk chhuak tha hle.

1:05 pm: Mizo Professional Footballers-te ground an rawn thleng ta.

1:15 pm: Lammual-ah ruah a sur.

1:35 pm: Ruah sur a tawp a, mipui pawh an rawn luh belh zel e. Tun atanga hun rei loteah match hi tan a ni ang.

2:00 pm: Tunah hian Mizo professional football players ten jersey an semchhuah turah an sign mek e.

2:05 pm: Fire Dept in tunah hian demonstration an nei mek e.

2:15 pm: Fire Dept lam demonstration hi mipui te lawm a hlawh a. Lammual a mipui te chu an ngawi thruap a, an en a, kut an beng leh dar dar thin. Mit a tlei ngei mai.

2:17 pm: Organiser Mizoram Football Management Group (MFMG) atangin ChairmanPu Hmingsanga’n report pe in hun a hmang mek.

2:20 pm: Tunah hian India leh Pune FC striker Jeje Lalpekhlua’n khuallian CM Pu Hawla piancham lawmnan a jersey mawi tak chu lawmpuinan a hlan. Hetihrual hian Home Minister Pu Zira hnenah East Bengal player Robert Lalthlamuana’n a jersey a hlan tel bawk.

2:25 pm: Aizawl FC president Pu Robert Romawia’n Aizawl FC fan Malsawmthanga, Silchar a inkhelh tuma vanduaina avanga nunna chanta chhungte hnenah ralna thilpek an hlan.

2:30 pm: Khuallian CM Pu Hawla hnen atangin thuchah ngaihthlak mek a ni.

2:35 pm: Inkhel tan a ni dawn tawh a. Khual lian leh khual zahawm ten tunah hian player te hmelhriatna leh thlalakhona an nei dawn.

2:40: Mizo Professional Footballers lam hian bench ah Jeje te ho an dah tha a. Jeje hmaa lar Tuaitea kan hmu hmasa zawk dawn a ni.

Aizawl FC lam pawh tan an la nasa a. Season thar atan Mizoram chhunga player tha ho an lakhawm zel a. Samuel Laltlanthanga (Dinthar), Ramenga, Francis te ho an rawn khel dawn tawh a. An ni hi tunhnaia Mizoram chhunga player kan neih that te an ni.

2:45 pm: Tun mai ah khan Assam Rifles hotute atangin kan CM Pu Hawla hnenah zana Lammual a light dah an remtih thu a hrilh a. Light dah chiah a ngai tawh tihna a ni. Lammual lamah pawh zana inkhel en tur a awm tawh dawn tihna a ni.

2:50 pm: Inkhel tan a ni a. A sen lam hi Aizawl FC niin a pawl lam hi Mizo Professional Footballers te an ni.

2:55 pm: MPFA lamin goal an thun hmasa a. Minute 5 na ah S.Malsawmtluanga (Mama) chuan free kick atangin mawi lutuk mai in a thu. MPFA 1-0 AFC

MPFA lamin inkhel an thuhnun zawk a. Professional lam hi an ball khawih a mawi thei khawp mai.

3:00 pm: AFC lamin free kick an hmu a. Sawmtea’n pet in a goal teuh hle mai.
MPFA goalkeeper Ruatpuia hi naupangte niin high sikul kal rual lek a la ni a. Tunah hian Shillong Lajong Junior ah awm in a beiseiawm hle niin sawi a ni.

MPFA midfielder Ramluaha hi Tata Football Academy chhuak niin, Mohun Bagan ah pawh a lo khel tawh a. Tunah hian Shillong Lajong midfielder rinrawl ber a ni.Aizawl Salem Veng ah a cheng mek.

Tuaitea pawh la chak viau mahse a fitness lam a hma a phak tawhlo deuh a. Tunaia tan a lak leh chuan hmasawnna hun a la nei in a hmalam hun pawh a la eng reng e.

3:05 pm: Khelmual sir lamah hian Zonet lam pawhin tan an lo nasa a. Team manager te Zonet Zonuni’n a kawmkual mek bawk.

MPFA lamin corner an pet a. Chhuantea (Lajong) tauhluh chu a goal teuh hle mai.
awi
MPFA left back Robert hi duhangin kan la hmu tamlo. A ni hi India ram ang pawha ke veilam hmangthiamber pawl a ni a. Tunhnaiah inhliam neuh neuh avangin a duhangin a inkhel tam theilo. Vawin kan hmu thei erawh a lawmawm hle mai.

3:11 pm: AFC lamin an nawr let a. Vawi hnih lai a goal teuh ngei mai. AFC striker Michael hi naupangte ni mahse tunhnaia hmasawn chak ber te zingami a ni a. Mizoram tan vawi tam tak a la inlan a beiseiawm.

3:14 pm: MPFA 2- 0 AFC. Skipper Mama bawkin MPFA tan a thun leh a. Mama hi a la chuai theilo chu anih hi!

MPFA in substitution an siam a. Ramluaha (Lajong) leh Rohminga lo chhuakin Remruata (OIL) leh Mahlima (Lajong) te an lo lut.

Half time ah hian ‘Shoot For Sarah’ neih a ni dawn a. Hetah hian kan CM, Home Minister te pawhin penalty an pet dawn a ni.

MPFA in substitution an siam leh a. Lalnunpuia (Pailan Arrows) leh Malsawmkima (Mumbai FC) te lo lut in Samson (Lajong) leh Tuaitea (Mumbai FC) te an rawn chhuak.
3:28 pm: Half time a ni a. MPFA lamin Mama goal hnih in hma an hruai mek a. Inkhel erawh an inhnehtawk a. Goal chance an neihzat a inang dun hle mai. Tunah Half time show ‘Shoot For Sarah’ neih a ni dawn.

Tunah hian ‘Shoot For Sarah’ neih a ni dawn a. Kan Home Minister Pu Zira, Assam Rifles hotupa Brig. SP Rawat, kan zaithiam chuaitheilo Rebecca Saimawii, MZP hruaitu lam te, Mizo zinga hriatlar leh kan sumdawng lian lam te pawhin penalty hi an pet dawn a ni. Pu Ngurthangvela (Ng TV) an ko meuh chu mipui lam pawh an ri hat mai alawm. Ng TV nge nge mi lawm a la hlawh ngei mai.Kan CM Pu Hawla pawhin penalty hi a pet ngei dawn niin a lang.
*CM Pu Hawla’n a pet hmasaber a. A pet goal lo hlauh mai. A pet nawn leh dawn a, goalkeeper in mawi lutuk in a lo dansak.

*Sports Dept hotu lam Pu Rotluanga’n a pet goal lo hlauh mai.
*Home Minister Pu Zira’n a pet leh a. Hei zet chu a goal chiang ngei mai. Ball boot bun a lokal Pu Zira hi a vawikhat petna anilo tih a lang.
*AR hotu Brig SP Rawat in a pet leh a. Goal ban chungah a pet luah mai. Sipai chu tha an ngah deuh anih hmel.
*Tunah Pu Ngurthangvela a lo chhuak a, jersey no 10 ha in a lokal a, a pet goal lo hlauh.
*Pi Rebecca Saimawii a lo chhuak leh a, mipui thawm a tha hle mai. A pet goal lo hlauh mai.

Inkhel a tan leh theih dawn tawh a, Aizawl FC lamin goal thun tumin an rawn nawr nat ngei a rinawm a. Hetihlai hian kan professional footballers te hian chaklo zawk nih an duh bik a rinawmloh.

3:57 pm: Inkhelh tan a ni leh a. MPFA tan Jeje, Ronald te an lo lut a. Inkhel an thunun leh zawk.

4:02 pm: MPFA lamin free kick an hmu a. Pet thei mi pali zingah Jeje pet chuan wall a per a. Goal chance hlauhawm a la awmlo.

Vawin inkhel en hi Lammual inkhel en ah chuan an thahnem khawp asin

Tunah hian minute 57 na a ni a. Score hi MPFA 2-0 AFC a ni. S.Malsawmtluanga (Mama) goal hnih hmangin MPFA lamin hma an hruai.

4:15 pm: AFC lamin nawr deuh mahse MPFA defender te an an ding khawng a. Defender Ronald, Chhuantea, Robert leh Lawma te an paltlang hleitheilo.

4:17 pm: Aizawl FC in goal an thun a. Goal thuntu hi Valpuia a ni. MPFA 2-1 AFC.

4:20 pm: MPFA lamin an nawr a. Mahlima (Lajong) pet chu a goal lo hlauh.

AFC lamin an rawn nawr a, MPFA goal hnaih ah ball a tam ta deuh a. AFC an tang hle mai.

Minute 72 na a ni a. Mipui thenkhat haw hmuh tur an awm tan. Tunah hian 4:26 pm a ni. Boruak pawh a dai nuam hle mai.

Hun a tawp a, MPFA in 2-1 in hnehna an chang ta zawk a ni. Inkhel a hmuhnawm a. An innawr tawn nasa a, MPFA lam pawh an duh angin an che thei biklo.

Ticket leitute atangin MPFA player te jersey an dawng a. Heng ticket no. te hian jersey an dawng a ni:
Jeje jersey dawngtu chu 3754
Robert jersey dawngtu chu 1955
Mama jersey dawngtu chu 1882
Samson-a jersey dawngtu chu 3351
Didika jersey dawngtu chu 3751
Rozama jersey dawngtu chu 1322
Beia jersey dawngtu chu 1885
Muanpuia jersey dawngtu chu 1312
Ramluaha jersey dawngtu chu 3773
Sawmfela jersey dawngtu chu 1864

You May Also Like

More From Author

62Comments

Add yours
  1. 46
    Tluangtea

    Nia, Mama hi chu a khel hi a hmuhnawm ve khawp mai. 2005 khan Salt Lake ah a khel hi a vawikhatna atan ka en ve a, Vanglainia Pu Tetea ten an fak chawp deuh mai mai anga ka lo ngaih kha a lo ni reng reng lo mai a, Vai ho zingah pawh a khel hi a danglam bik a, a khelh dan hi Mizovin Team tana tangkai chi kan tih ang kha a ni in ka hmu.

    Santosh Trophy result hi kan va hre chak ve, (hlauthawng deuh si in)

  2. 50
    Elnino Bawihtlung

    Mama 1st goal (Ding lamah corner, Right foot in zuk pet goal a..!!!!!) kha live ngeia ka hmuh toh ah chuan ala mawi ber mai… A ropui ani tawp mai…

  3. 52
    theo ralte

    Post thra tak ani e. .kn lo ciar ve jele. .ahmuna enve chakwm tehlul nen.. Theita bwk c lo a. Kn hotu tepwh chuan penalty chu tv atranga an en ang ngwt anilo th an hre ve ngei ang le he2. .anlo hre viau twh maithei a . Afc chuan goal khat tal han thunve se male. Atwp thleng in rwn tijel rwhlem, mi tetana malswmna nh hram2 tumtur aningai he2

  4. 56
    Ramenga

    Ṭha khawp mai, thlalak pawh a nalh e. Dustin-a sawi ang deuh hian, minute zat (dar zat ni lo) dah tel theih chuan en a nuam lehzual ngei ang.

  5. 57
    Dustin Sampler14

    @Tetea, an khelh zan minutes hi update pahin dah zel la tha lo maw? Chuan, i titha ngawih ngawih khop mai…

  6. 58
    fivemiles

    Professional footballer lam Goalkeeper Ruatpuia hi high school kal lai lek a la ni a, mahse a ball pet leh diving leh reflex chu tha tak a ni

  7. 59
    Pachuau.Utd

    Aizawl f.c ho line up chu ege wmzia a? Tige midag an lak a, nep ltk emai, i-league qualify h pwh khan club dag players an la nual twh bwk a dwihzep thlak ltk

  8. 61
    ZawnMataHmar

    ni e…. kn lo ngai chang reng ania…. CHAMPIONS LEAGUE ngah nan poh athat dwn hi…. Vawiin hi a rei bik riau in ka hria nge UCL final ka enchak lutuk tawh vang zawk ni…

+ Leave a Comment

NECS Charity Cup: Live Text Commentary

Vawiina Mizo Players leh Aizawl Football Club-te inkhel tur chuan mi ngaihven a hlawh hle a. He inkhel hi ZoFooty chuan Live Update a hmun atangin kan rawn pe chhuak dawn a ni.

Team Line-up:

Aizawl FC (4-5-1)

GK: M.S. Dawngliana

Def: Abraham, Zirtea, Zuala, Zohmangaiha

Mid: Francis, Tluanga, Sawmtea, Samuel, Rammawia

Fwd: Michael

Mizo Professional Footballers (4-4-2)

GK: Ruatpuia (Shillong Lajong Jr.)

Def: Chhuantea, Zotea, Lawma (Shillong Lajong), Robert (East Bengal)

Mid: Samson, Ramluaha, Rohminga (Shillong Lajong), Mama (Prayag Utd)

Fwd: Muanpuia (ONGC), Tuaitea (Mumbai FC)

1:00 pm: Lammual-ah mipui an kal khawm tan a. Tlang pang lamah phei chuan thahnem tak an thu tawh a ni.

Mipui lam pawh an rawn thawk chhuak tha hle.

1:05 pm: Mizo Professional Footballers-te ground an rawn thleng ta.

1:15 pm: Lammual-ah ruah a sur.

1:35 pm: Ruah sur a tawp a, mipui pawh an rawn luh belh zel e. Tun atanga hun rei loteah match hi tan a ni ang.

2:00 pm: Tunah hian Mizo professional football players ten jersey an semchhuah turah an sign mek e.

2:05 pm: Fire Dept in tunah hian demonstration an nei mek e.

2:15 pm: Fire Dept lam demonstration hi mipui te lawm a hlawh a. Lammual a mipui te chu an ngawi thruap a, an en a, kut an beng leh dar dar thin. Mit a tlei ngei mai.

2:17 pm: Organiser Mizoram Football Management Group (MFMG) atangin ChairmanPu Hmingsanga’n report pe in hun a hmang mek.

2:20 pm: Tunah hian India leh Pune FC striker Jeje Lalpekhlua’n khuallian CM Pu Hawla piancham lawmnan a jersey mawi tak chu lawmpuinan a hlan. Hetihrual hian Home Minister Pu Zira hnenah East Bengal player Robert Lalthlamuana’n a jersey a hlan tel bawk.

2:25 pm: Aizawl FC president Pu Robert Romawia’n Aizawl FC fan Malsawmthanga, Silchar a inkhelh tuma vanduaina avanga nunna chanta chhungte hnenah ralna thilpek an hlan.

2:30 pm: Khuallian CM Pu Hawla hnen atangin thuchah ngaihthlak mek a ni.

2:35 pm: Inkhel tan a ni dawn tawh a. Khual lian leh khual zahawm ten tunah hian player te hmelhriatna leh thlalakhona an nei dawn.

2:40: Mizo Professional Footballers lam hian bench ah Jeje te ho an dah tha a. Jeje hmaa lar Tuaitea kan hmu hmasa zawk dawn a ni.

Aizawl FC lam pawh tan an la nasa a. Season thar atan Mizoram chhunga player tha ho an lakhawm zel a. Samuel Laltlanthanga (Dinthar), Ramenga, Francis te ho an rawn khel dawn tawh a. An ni hi tunhnaia Mizoram chhunga player kan neih that te an ni.

2:45 pm: Tun mai ah khan Assam Rifles hotute atangin kan CM Pu Hawla hnenah zana Lammual a light dah an remtih thu a hrilh a. Light dah chiah a ngai tawh tihna a ni. Lammual lamah pawh zana inkhel en tur a awm tawh dawn tihna a ni.

2:50 pm: Inkhel tan a ni a. A sen lam hi Aizawl FC niin a pawl lam hi Mizo Professional Footballers te an ni.

2:55 pm: MPFA lamin goal an thun hmasa a. Minute 5 na ah S.Malsawmtluanga (Mama) chuan free kick atangin mawi lutuk mai in a thu. MPFA 1-0 AFC

MPFA lamin inkhel an thuhnun zawk a. Professional lam hi an ball khawih a mawi thei khawp mai.

3:00 pm: AFC lamin free kick an hmu a. Sawmtea’n pet in a goal teuh hle mai.

MPFA goalkeeper Ruatpuia hi naupangte niin high sikul kal rual lek a la ni a. Tunah hian Shillong Lajong Junior ah awm in a beiseiawm hle niin sawi a ni.

MPFA midfielder Ramluaha hi Tata Football Academy chhuak niin, Mohun Bagan ah pawh a lo khel tawh a. Tunah hian Shillong Lajong midfielder rinrawl ber a ni.Aizawl Salem Veng ah a cheng mek.

Tuaitea pawh la chak viau mahse a fitness lam a hma a phak tawhlo deuh a. Tunaia tan a lak leh chuan hmasawnna hun a la nei in a hmalam hun pawh a la eng reng e.

3:05 pm: Khelmual sir lamah hian Zonet lam pawhin tan an lo nasa a. Team manager te Zonet Zonuni’n a kawmkual mek bawk.

MPFA lamin corner an pet a. Chhuantea (Lajong) tauhluh chu a goal teuh hle mai.

awi

MPFA left back Robert hi duhangin kan la hmu tamlo. A ni hi India ram ang pawha ke veilam hmangthiamber pawl a ni a. Tunhnaiah inhliam neuh neuh avangin a duhangin a inkhel tam theilo. Vawin kan hmu thei erawh a lawmawm hle mai.

3:11 pm: AFC lamin an nawr let a. Vawi hnih lai a goal teuh ngei mai. AFC striker Michael hi naupangte ni mahse tunhnaia hmasawn chak ber te zingami a ni a. Mizoram tan vawi tam tak a la inlan a beiseiawm.

3:14 pm: MPFA 2- 0 AFC. Skipper Mama bawkin MPFA tan a thun leh a. Mama hi a la chuai theilo chu anih hi!

MPFA in substitution an siam a. Ramluaha (Lajong) leh Rohminga lo chhuakin Remruata (OIL) leh Mahlima (Lajong) te an lo lut.

Half time ah hian ‘Shoot For Sarah’ neih a ni dawn a. Hetah hian kan CM, Home Minister te pawhin penalty an pet dawn a ni.

MPFA in substitution an siam leh a. Lalnunpuia (Pailan Arrows) leh Malsawmkima (Mumbai FC) te lo lut in Samson (Lajong) leh Tuaitea (Mumbai FC) te an rawn chhuak.

3:28 pm: Half time a ni a. MPFA lamin Mama goal hnih in hma an hruai mek a. Inkhel erawh an inhnehtawk a. Goal chance an neihzat a inang dun hle mai. Tunah Half time show ‘Shoot For Sarah’ neih a ni dawn.

Tunah hian ‘Shoot For Sarah’ neih a ni dawn a. Kan Home Minister Pu Zira, Assam Rifles hotupa Brig. SP Rawat, kan zaithiam chuaitheilo Rebecca Saimawii, MZP hruaitu lam te, Mizo zinga hriatlar leh kan sumdawng lian lam te pawhin penalty hi an pet dawn a ni. Pu Ngurthangvela (Ng TV) an ko meuh chu mipui lam pawh an ri hat mai alawm. Ng TV nge nge mi lawm a la hlawh ngei mai.Kan CM Pu Hawla pawhin penalty hi a pet ngei dawn niin a lang.

*CM Pu Hawla’n a pet hmasaber a. A pet goal lo hlauh mai. A pet nawn leh dawn a, goalkeeper in mawi lutuk in a lo dansak.

*Sports Dept hotu lam Pu Rotluanga’n a pet goal lo hlauh mai.

*Home Minister Pu Zira’n a pet leh a. Hei zet chu a goal chiang ngei mai. Ball boot bun a lokal Pu Zira hi a vawikhat petna anilo tih a lang.

*AR hotu Brig SP Rawat in a pet leh a. Goal ban chungah a pet luah mai. Sipai chu tha an ngah deuh anih hmel.

*Tunah Pu Ngurthangvela a lo chhuak a, jersey no 10 ha in a lokal a, a pet goal lo hlauh.

*Pi Rebecca Saimawii a lo chhuak leh a, mipui thawm a tha hle mai. A pet goal lo hlauh mai.

Inkhel a tan leh theih dawn tawh a, Aizawl FC lamin goal thun tumin an rawn nawr nat ngei a rinawm a. Hetihlai hian kan professional footballers te hian chaklo zawk nih an duh bik a rinawmloh.

3:57 pm: Inkhelh tan a ni leh a. MPFA tan Jeje, Ronald te an lo lut a. Inkhel an thunun leh zawk.

4:02 pm: MPFA lamin free kick an hmu a. Pet thei mi pali zingah Jeje pet chuan wall a per a. Goal chance hlauhawm a la awmlo.

Vawin inkhel en hi Lammual inkhel en ah chuan an thahnem khawp asin

Tunah hian minute 57 na a ni a. Score hi MPFA 2-0 AFC a ni. S.Malsawmtluanga (Mama) goal hnih hmangin MPFA lamin hma an hruai.

4:15 pm: AFC lamin nawr deuh mahse MPFA defender te an an ding khawng a. Defender Ronald, Chhuantea, Robert leh Lawma te an paltlang hleitheilo.

4:17 pm: Aizawl FC in goal an thun a. Goal thuntu hi Valpuia a ni. MPFA 2-1 AFC.

4:20 pm: MPFA lamin an nawr a. Mahlima (Lajong) pet chu a goal lo hlauh.

AFC lamin an rawn nawr a, MPFA goal hnaih ah ball a tam ta deuh a. AFC an tang hle mai.

Minute 72 na a ni a. Mipui thenkhat haw hmuh tur an awm tan. Tunah hian 4:26 pm a ni. Boruak pawh a dai nuam hle mai.

Hun a tawp a, MPFA in 2-1 in hnehna an chang ta zawk a ni. Inkhel a hmuhnawm a. An innawr tawn nasa a, MPFA lam pawh an duh angin an che thei biklo.

Ticket leitute atangin MPFA player te jersey an dawng a. Heng ticket no. te hian jersey an dawng a ni:

Jeje jersey dawngtu chu 3754

Robert jersey dawngtu chu 1955

Mama jersey dawngtu chu 1882

Samson-a jersey dawngtu chu 3351

Didika jersey dawngtu chu 3751

Rozama jersey dawngtu chu 1322

Beia jersey dawngtu chu 1885

Muanpuia jersey dawngtu chu 1312

Ramluaha jersey dawngtu chu 3773

Sawmfela jersey dawngtu chu 1864

You May Also Like

More From Author

+ There are no comments

Add yours