NECS CUP QUARTERFINAL: BAWNGKAWN BEISEINA CHHEM ALH A NI; BUAINA KARAH SIHPHIR VENGHLUN LEH CHHINGA VENG INHNEHTAWK – Rooney Opa

Estimated read time 5 min read
NECS Cup 2017 khelh mekah vawiin khan Pool B chuan an game hnihna an khel a, Bawngkawn in an khingpui Electric Veng chu sikhat faia hnehin Sihphir Venghlun leh Chhinga Veng te 1-1 in an inhnehtawk bawk.
.
Bawngkawn 1-0 Electric Veng:
.
Inkhel hmasa zawkah Bawngkawn leh Electric Veng an inhmachhawn a, game thununtu zawk Bawngkawnin hnehna an chang. He inkhela goal awmchhun thuntu hi Immanuel Malsawmthara niin Rinrin Man of the Match atan thlan zui a ni.
.
Bawngkawn hian an game hmasa zawkah Chhinga Veng chu sisarih faiin an lo hneh lo tawh a, Electric Veng hian Sihphir Venghlun chu 2-1 in an lo hneh lo tawh bawk. Hei vang hian team pahnihten chak an mamawh a, chak an duh tih erawh an game-ah an lantir hleithei lo.
.
Electric Vengin an player tha an chhawr theih loh an tuar a, Bawngkawn pawhin chhawr theih loh an neih nual avangin Round of 16 leh a hma lama an game an pha lo hle. Chuti chung chuan chance ngah zawk leh chetha zawk Bawngkawn tan MS Dawngliana a tangkai a, Chhinga Veng FC striker hi midfield role khelh tir niin a ball sem tha tak tak lo dawng tur striker tha an nei leh si lo a, hei hian an game duh angin an kalpui theih loh phah.
.
Tihian, Bawngkawn hian game hnihah point thum an hmu ta a, an khelh leh turah Sihphir Venghlun an hmachhawn dawn avangin chak ngei ngei an mamawh. Electric Veng erawh chuan game hnihah point an la hmuh loh avangin semifinal luh beiseina an nei tawh lo thung.
.
Line-Ups:
.
Bawngkawn: MC Lalneihsanga, Lalruatkima, Liansiama, Lalzidinga, Rothangpuia, Immanuel Malsawmthara, Lalthakima, Rodinpuia, Lalremruata, MS Dawngliana, NG Laldinpuia
.
Subs: David Zosangliana, Lalfakawma, Ramdinthara, Lalnuntluanga, Robert Malsawmthara, Lalmuankima, Lalhruaisanga, Malsawma, Victor Lalbiaktluanga.
.
Electric Veng: H. Lalrinnunga, Rorelliana, K. Vanlalhmuchhuaka, Lalmalsawma, C. Lalnunpuia, Vanlalnghakmawia, C. Laldinmawia, Zonuntluanga, Zosangzuala, Vanlalhmangaiha, Lalfakawma.
.
Subs: Lalengzauva Chenhrang, H. Lalfakzuala, Lalrinchhana, V. Laltanpuia, F. Lalliankunga, Lalnunkima, R. Lalmuanpuia, Zorammuana, Jonathan Lalrawngbawla.
.
Sihphir Venghlun 1-1 Chhinga Veng:
.
Inkhel hnuhnung zawkah point thum hmu tawh ve ve an inhmachhawn a, point khat ve ve an insem. He inkhel hi boruak a tang hle a, buaina neuh neuh avangin inkhel pawh chawlh a ni deuh reng a, tlai dar 4:30 velah khelh zawh a ni thei hram a ni. Inkhel tan tirah Sihphir Venghlun tan Lalbuatsaiha chuan a tauh lut teuh hle a, Chhinga Veng goalkeeper Sangtluanga a chetha tak zet.
.
Chhinga Veng lamin nawr let ve lehin Rochharzela (Chhara) cross chu Vanlallawma (Lawma) chuan mawi takin a lo thun a, Lawma hian tun tournament-ah goal 10 a thun tling ta bawk. Game li a goal 27 thun thei team hian game an thunun zawk a, chance pawh an ngah zawk. Amaherawhchu, Sihphir Venghlun tlarhnungin chetsual nawn an tum tawh lo.
.
Chhinga Veng tan hian Lalthlamuana (Thlatea) cross chu Chhara chuan tha zetin a pet a, Sihphir Venghlun goalkeeper David Malsawmsangan a lo dang hram. Mual lehlamah winger tlanchak Anthony Vanlalfela pet tha tak chu tha zetin Sangtluangan a lo dang leh bawk. Inkhel hi a tangin inpetthluk nawk nawk a awm deuh reng a, Chhinga Veng penalty box chhunga Christopher Lalhruaitluanga handball chu assistant referee in a phar zuai hnuah a dah thla leh a, referee in a hmuh loh bawk avangin penalty a chawi lo hlauh. Hei vang hian Sihphir Venghlun coach Robert Laldinthara chu lungawi lo in referee a han ankhum a, technical area atangin hnawhchhuah a ni zui bawk.
.
Chawlhlawk zawhah buaina vangin game tan lawk theih a ni lo a, tan a nih hnuah Chhinga Veng defender Thlatea chu yellow card pahnihna hmuin hnawhchhuah a ni zui bawk a, Chhinga Veng tantuten bur an vawm lut a, inkhel a khaihlak phah zui bawk.
.
Tan leh a nih hnuah Chhinga Veng in goal an thun leh teuh hle a, goal thuntu Lawma ball um chu Sihphir Venghlun goalkeeper David chuan pet chhuah a tum a, Lawma hi pet perin a per hian goal kham a fuh hlauh. Sihphir Venghlun lamin goal thun tumin an nawr a, a tam zawk nimah se a khelhah Chhinga Veng an hneh hleithei lo. Amaherawhchu, minute 84-ah chance tha hmuin Lalrodawngkima ball khalh tha zet chu Chhinga Veng in an dang thei lo a, goalkeeper thlenga a bum hnuah Samuel Lalchhanpuia pe in goal ruakah a thun.
.
Hemi hnu hian buaina a awm leh a, inkhel chawlh lailawk leh niin tan a nih leh hnu pawhin goal dang a luh theih lo a, Chhinga Vengin chelhdingtu an tawng ve ta a, Sihphir Venghlun pawh semifinal thleng turin an dinhmun a tha hle. Tihian team pahnihte hian point li ve ve an hmu tawh a, an khelh leh turah an khingpuite an draw ve ve a nih pawhin semifinal an lut ve ve dawn a ni.
.
Line-Ups:
.
Sihphir Venghlun: David Malsawmsanga, Samuel Lalchhandama, Lalrammawia, Lalbuatsaiha, Francis Thanbanglova, Vanlalruata, Lalremruata, Michael Zothansanga, JH Lianzuala, Anthony Vanlalfela, Zoliansanga.
.
Subs: Lalramsanga, Lalrodawngkima, Lalzuitluanga, Lalmuansanga, Malsawmtluanga.
.
Chhinga Veng: Sangtluanga, C. Zomuanpuia, Christopher Lalhruaitluanga, Vanlalthanga, Malsawmzuala, Isaac Lalremruata, Lalsawmzela, Rochharzela, Lalthlamuana, F. Lalnuntluanga, Vanlallawma.
.
Subs: Ephraim Laltlankima, Lalnunmawia, Lallawmzuala, Lalchhuanpuia, Paul Ramfangzauva, Kailiantluanga, Lalruatlawka, Vanlalawia, K. Lalthlahlova.
C Tlanthianghlima

Football tui ve tak

You May Also Like

More From Author

6Comments

Add yours

+ Leave a Comment