All India Football Federation (AIFF) buatsaih Nehru Cup khelh zawh takah a thlengtu leh Champion lai India chuan penalty shoot-out ah 5-4 in Cameroon an hneh a, a zawnin vawi tum an champion ta ! Hun pangaiahh 2-2 in an in draw a, extra time ah pawh an la in draw zel avangin penalty shoot-out hmangin chak zawk zawn a ni. India tana goal thuntute chu Manipuri player Gouramangi Moirangthem (19′) leh Skipper Sunil Chhetri (78′ Penalty) an ni a, Cameroon tana goal thuntute chu Thierry Makon (29′) leh Kingue Mpondo (54′) an ni.
Tute nge khel?
India : Subrata Paul, Nirmal Chettri (Denzil Franco), Raju Gaikwad, Gouramangi Moirangthem, Syed Nabi, Lenny Rodrigues, Mehtab Hussain, Clifford Miranda, Sanju Pradhan (Robin Singh), Francis Fernandes, Sunil Chhetri
Cameroon : Lawrence Ngoe (Nkessi Hosea), Paul Bebey Kingue, Stephane Meyoupo, Abouna Patrick, Ashu Tambe, Gustave Djengue, Kingue Mpondo, Joseph Momaso, Thierry Makon, Ebanga Bertin(Ousmilaa Baba), Kologny Merime (Eloundou Charles).
First half-ah goal hnih phawt !
Jawaharlal Nehru Stadium-a inkhel hmuhnawm takah hian tharum ngah zawk leh fitness nei tha zawk Cameroon lam hian ahmaa an lo hneh tawh India hi an ngam leh hle a. Mahse home team lam hian 1-0 a an hneh loh hnu hi hneh tumin phuba lak an tum hle a. Minute 19 naah an duh an hmu a. Freekick atanga Clifford Miranda ball vawrhluh tha tak chu Manipuri defender Gouramangi Singh chuan chiang zetin a head goal a. Nehru Stadium-ah thawm a tha kher mai !
India lam hi an phur thar a mahse rei an daih lo. Minute 29 naah Cameroon lam hian an siphurh an sut a. India defender Raju Gaikwad-a ball head chhuah (clear) tha tawk lo chu Cameroon midfielder Thierry Makon chuan mawi takin a pet goal a. Cameroon fans awmte an bengchheng ve hle a ni.
Cameroon lam hian game an thunun chhunzawm zel a. Mahse goal an thun belh thei bik lova. Goal dang a luh belh tawh lova, 1-1 in first half a tawp a.
Second half-ah goal hnih bawk !
Mikhual team Cameroon lam hian bul an tan tha a. Minute 54 naah corner atang goal an thun belh a. Goal hmasa thuntu Thierry Makon cross tha tak chu chan lohva awm Kingue Mpondo chuan chiang zetin a head goal a. Hemi hnu hian Cameroon lam hian goal thunna chance an nei nual a mahse an thelh fai vek a ni. An finishing chu tha deuh se chuan goal 2 tal chu an thunbelh ngeiin a rinawm.
India hi an chak lo mai dawn emaw tih laiin minute 78 naah India-in penalty atang an siphurh an sut a. Tawnhriat ngah Mehtab Hussain-a through ball tha tak chu Captain Sunil Chhetri-a’n a tlanluh pui a. Duh angin Chhetri-a ball control tha tawk lo mah se Cameroon defender te’n an ball an chhuhsak thei lova, Keeper Hosea-a’n a rawn titlu a, penalty a hlawhchhuak tho a ni. Chhetri hian petin, a pet goal a, Nehru Stadium-ah thawm a tha kher mai.
Goal dang a luh belh tawh lova. 2-2 in second half a tawp a. An la in draw avangin Extra time khelh a ni a. Extra time-ah pawh hian goal a luh loh avangin penalty shoot-out hmangin chak zawk zawn a ni a.
Penalty shoot-out
* India : Robin Singh, Sunil Chhetri, Denzil Franco, Mehtab Hussain leh Clifford Miranda te’n India tan an pet goal vek a.
* Cameroon : Ashu Tambe, Ousmilaa Baba, Paul Bebey leh Kingue Mpondo te’n an pet goal laiin goal 1 thuntu leh goal 1 assist-tu Thierry Makon-a’n a pet goal lova, 5-4 in INDIA an chak ta a ni !
Propecia Risultati Cialis E Prostata online cialis Tadalis Sx Vente France Cialis Original Y Generico Can You Take Ibuprofen With Amoxicillin
Venta De Viagra En Gibraltar [url=http://rxbill6.com]levitra price per pill[/url] Where To Order Cialis Pills
Kamagra Premature Ejaculation Propecia Contra Minoxidil Cheap Valtrex No Prescription viagra Neurontin Baclofene
Kamagra Faq Real Viagra Pills Cialis De Marque п»їcialis Viagra Generico Alguien Lo Ha Probado
Cialis 10 Prix levitra in canada discount code Online Pharmacy Propecia Prices
India chu an ngam tur ho ram an sawm khawm a an chak leh ta nimaw!! hehe.. Kan ram ania kan achievement hi a ropui hrim hrim!! jeje-a tello a ka tang ltk lo..final hi chu ka en ve hram hram e.. GOOD job..
Tlangval zei leh hmeltha post a ni bawk a, chhiar pawh a hahdamthlak khawp mai. Indian players te moral pawh a hma nena khaikhin chuan danglam viau tawh mahse, hun tawp lama an inkhel hi hmuhnawm deuh ka la hmu tlat lo. Mahse, \coach thar kan nei twh bawka, hma pawh kan sawn chho ve zel turah chuan ngai phawt teh ang.
Tin, India hian penalty chhuih chu kan lo thiam ber a nih hi. “Pelnalty kan chhuih chuan kan chak ang,” ka lo ti lawk sa reng a ni nizan pawh khan.
Tin, nizana commentator khan a sawi sual chiang ve khawp mai, “This will be the firt time for India to win Nehru Cup under a foreign manager,” a ti vel maw le (ka ngaithla sual nge chu ka hre lo). VGP
comment # 11 hi ka thlawp e.. B team hneh pawh a hlu e 🙂 Samuel Eto te rawn kal se min sawp dawn e mai 😀 kan khelh apiang hi hneh phawt ila, hma kan sawn chho zel nimai.. Tin, India game pawh a mumal ve deuh. Cameroon player te pawh kha an chhe lo India player nen khaikhin chuan..
@Sinlungsuok _ Hetiang te tea ram dam team (B team mah nise) kan hneh zel loh phei chuan team tha lehzual kan hneh thei dawn emaw ni? Hma kan sawn ! India India
Nehru Cup India in Nehru Stadium ah khelin an champion.hahaha.Nehru hlir.
Ramdang B team kan A team ten an hneh hrama kan Champion (kan la ropui vak love)
Nehru stadium hi India rama engzat chiah nge aw a awm ang ti te ka lo ngaihtuah ve mai2 a.he
B team pawh nise a hlu hrim hrim, ka pawlte khelh lai nen ka en kawp a, chuan ranking lam te, eng nge kan an ve deuh, Chhetri hi penalty a pet goal lai bak ka la hmu lo, a pet goal lai ka hmuh apiang in penalty ani ngei ngei.
@vala : ni love. B team ang an ni e.
Cameron khi an va tha lo ve? Ngatinge? An team tha ber an ni lo nge?
@rscolney. cameroon hi anmahni team pangngai nilo in, team B tihvel ani awm e.
Lawmawm ve tho mai, hamara desh nge nge Nehru Cup tih vel hi football level sang tak chu anih hmel loh deuh chu ka tia..
Kan pawlte(Man Utd) khelh chhiat azarah Penalty an pet lai kha ka en reng a, an pet kha a class thei hlawm khawp mai. Match hmasa zawka an hneh tawh loh kha an hneh leh thei a nia, an fakawm khawp mai!! India India!!!
Nie mizo tel talo mahse ahlu ve tho e,chu aia hlu kala tih mah jwk chu India game amwi tih ri kha(Dutch in a enkwl miaua,match khatmah phei chu ka en law)
Kumbi thliah chin an nei a mi?cameron khi rinai in an tha lo
Lawmawm e, Champion nih hrim hrim hi a hlu