Premier League a hmuhnawmin a ngaihnawm zual zel a. Nilai zan khan Newcastle an chak a, Arsenal erawh an chak zo lo thung a. Newcastle chuan Arsenal leh Liverpool zuankhumin table-ah 5-na an ni ve leh ta.
Newcastle chuan club talbuai mek Blakcburn chu 2-0 in an hneh a, Steve Keane-a naute hi an tla thla lovang tih sawi a har tawh khawp mai. He inkhelah hian minute 12-naah Ryan Taylor chuan yard 25 vel atangin goal mawi tak a khung a, Scott Dann chuan Taylor-a shot hi a lo dang pial deuh a ni.
Hemi hnu hian first half chhung zawng chu Blackburn hian inkhel an thunun a. Goal chance tha tak tak an hlah bakah David Dunn chuan penalty a pet goal lova. Second half-ah inkhel a hmuhnawm tehchiam loh va. Blackburn tan Anthony Modeste, Dann leh Mauro Formica ten chance an neih that an hmang tangkai lova. Hun tawp dawnah United player hlui Gabriel Obertan chuan Newcastle tan goal khat a khung leh a ni.
Inkhel dangah Arsenal chuan Reebok Stadium-ah Bolton an luhchilh a, goal an khung thei lo! Arsenal hian goal khung thei pakhat an nei a, chu chu an captain Robin van Persie a ni. Ani hian Nilai zan khan goal post leh bar a pet per a, goal a khung thei si lova, Arsenal-in goal khat pawh khung lovin hun an hmang ral a. Vanneihthlak takin Bolton goal khung tur an dang thei hlauh a, point khat an hlawh hram a ni.
Transfer tawp ni-a an lakluh Djibril Cisse chuan field chhungah minute 12 chiah a awm tihin a club thar QPR tan goal a khung nghal a. Hemi hnu hian Aston Villa defender Stephen Wornock chuan an lamah ti goal palhin QPR in 2-0 in hma an hruai a. Darren Bent chuan Premier League-a a goal 100-na khungin first half chhungin Villa hian goal khat an khung ve a. Second half-ah Wigan winger hlui Charles N’Zogbia chuan goal khat khung lehin, 2-2 in an inhnehtawk a ni.
Martin O’Neill-a hnuaia an harhtharna chu Sunderland chuan chhunzawm zelin, 3-0 in Stadium of Light-ah an mikhual Norwich an lo sawp. He inkhelah hian Frazier Campbell leh Stephane Sessegnon ten Sunderland tan goal an khung a, Norwich player Daniel Ayala chuan an lamah goal a khung palh bawk a ni.
Craven Cottage-ah Fulham leh an mikhual West Brom te chu 1-1 in an in draw a. Fulham tan Clint Dempsey chuan goal khung lehin, tun season-ah goal 16 a khung tling ta a. West Brom tan Somen Tchoyi chuan hun tawp dawn lamah an si phurh a sut a ni.
where to buy cialis
buy cialis canada
Sales cialis
Cialis free samples
Keichu Newcastle hi ka ning ta riau mai…a ruh no no chhuakah tih hi thleng vat vat se ka ti ngawt mai…
Newcastle hi ka tan em2 poh nisilo an chak hi chuan nuam kalo ti veng2 thin mle… ( Santiago Munez a khelna hlui a nih vang te poh ni mah na 🙂 ) Chuan, RVP an contract thar a ziah duh hrih loh dan ah hian ani poh hian cup lak a chak ve toh a ni mythy a ni 🙂
Blackburn hi k khongaih ngot mai,Sunderland & Magpies k lompui em2 bok..
A vawikhatna atan Arsenal ka khawngaih tawh khawp mai…
Dempsey tak hi chu aw.. FPL a ka kawl a piangin point 5 score a la nei miahlo.. Out tir ve leh che tha em em.. Laipui a tlawlh hlauh ni maw.. Champion chu khawiah! Sunderland pawh ‘Pu thar’ neih an ngeih hle mai.
Arsenal chu lehm Europa pawh hi an khel thei lo mai ang tih va hlauhawm ve le.. Cisse chu ava kawlhrawng ve 🙂 Sunderland ho pawh an lawmpuiawm e. Blackburn chu an vanduai tak zet zet anih hi mawle. Good post