Newcastle leh Tottenham Hotspur te chu Nilaini zan Premier League inkhelah an chak ve ve a, top 4 a tel ve an tumna kawngah beiseina an la nei sang zel.
Nilai zana inkhelah hian Newcastle hian 2-0 in Chelsea an hneh a, Papiss Cisse chuan goal hnih a khung a. Minute 19-naah goal khatna khungin, hun tawp dawnah, a ke veilamin a khung leh a ni. Cisse hian kumin January khan Newcastle hi a zawm a, match 12 khel tawhin, goal 13 khung tling der tawh a ni!
Tun tum hi Newcatle-in 1986 hnua Stamford Bridge-a Chelsea an hneh vawikhatna niin, table-ah 5-na an ni a. Palinaa awm mek Spurs nen point inangin, goal difference-ah Newcastle hi an chhe zawk a ni.
He inkhelah hian Newcastle tan chanchin lawmawm loh tak a thleng a. Cheick Tiote chu John Obi Mikel nen ball head tuma an inneknaah a tla sual a, zawn chhuah a ngai a, Oxygen an pe hial a. Mahse inkhelh zawh hnuah Newcastle boss Alan Pardew chuan tunkar tawpah Tiote hi a inkhelh leh hman a beisei thu a sawi.
Roberto Di Matteo-a hnuaiah an home-a Chelsea an vawikhat chak lohna niin, Newcastle leh Tottenham aiin point 4 in an hniam tawh a, game hnih chauh khelh tur a awm tawh avangin top 4-ah an inhlangkai lovang tih a hlauhawm khawp mai.
Palina ni mek Tottenham chuan relegation zone-a awm Bolton chu an va tlawh a, 4-1 a va hnehin, an dinhmun an siamtha leh hret a. Bolton erawh an dinhmun a tha lo khawp mai.
He inkhelah hian first half-ah Luka Modric chuan goal hmahruai a khung a. Second half tan hnu lawkah Nigel Reo-Coker chuan an si phurh a sut a. Mahse Rafael van der Vaart chuan Spurs tan rawn khung lehin, hemi hnu hian Emmanuel Adebayor chuan goal hnih a khung leh a. Premier League-ah Bolton home – Reebok Stadium – a la chak ngai lo Spurs an chak a, 4-na an ni ta zel a ni.
He inkhel hi Bolton midfielder, thi tawh hnu kaihthawh leh ang tluk hial Fabrice Muamba chuan stands atangin a en ve a, Bolton fans-te an lawm hle.
Spurs leh Newcastle-te hi 4-na ni mahse, season tharah hian Champions League an khel ang tih a sawilawk ngawt theih loh va. A chhan chu Chelsea hian tun season-ah final an thleng tlat a, an champion hlauh chuan 4-na aiah Champions League an khel ang a, 4-naa awm chuan Europa a khelh a ngai dawn a ni.
generic cialis cost
generic cialis india
cost of cialis
cheap cialis
Buy no rx cialis
Brand cialis for sale
Chelsea khan goal an thun lo ani maia,game hrim2 ah cuan an khel chhe ta lua ni pwn ka hre lemlo..cisse goal te kha dan gaihna vak a wmlo atin ni..palina ni zwk zwk cuan ucl final ah min va han tan dwn lo nasa vele..he2
Ka en ve lova mahse in sawi dan atang khi chuan a nalh ka ti ve tawp mai ang 2nd goal kha chu..
Cisse goal scoring record hi a pui khawp mai . TIn, Newcastle chuan CHelsea an va lo ngam love SB ah chuan.. Post tha thuai2 hle mai. CIsse 2nd goal mawlh kha, rapthlak tak a ni. Good post
A goal hnih na kha cu a ROPUI a ni…. Goal of da season ah pwh thlang se a phu hliah….. Newcastle kha an vannei ve reng2 bwk in k hria
A goal 2 na,ke vei lam tih khi,ding lam tur ani zokin ka hria