Arsenal innghahna tur Mesut Ozil

9th October 2013 at 9:38 am by Tetea Khiangte

    Arsenal-in Mesut Ozil an neih hnua an khelh that takzia chu kan hre theuh awm e, Real Madrid-a a team-mate hlui, German team lamah chuan a team-mate la ni reng Sami Khedira chuan Ozil-a thiamna hian Arseal-in hun rei tak Premier League title an lo nghah tawh tihlawhtlingtu turah a ngai hmiah.

    Madrid lama a teammate hluiten an ui em em, kum 24-a upa Ozil hi Khedira chuan tunlai football khawvela player tha berah a ngai a, a team-mate tharte rilru pawh title la thei tur khawpa chawk tho thei turah ngaiin, Khedira chuan, “Arsenal hian team chak tak chu an nei ngei mai a, mahse Mesut hian England-a team tha berah a siam ta a ni. An tana thil ropui tak ti thei tur player a nih bakah championship thlenga hruai theitu a ni ang. Mesut hi khelmualah hian mithiam bik a ni a, a thiamna hi sawifiah thiam mai chi pawh a ni lo,” a ti.

    Madrid-in Ozil an hralh khan Khedira hi sawiseltu langsar tak niin khawvela players tha bera pawla sawi Cristiano Ronaldo te pawhin an uizia an sawi a, Arsenal-in tun dinhmun an thlen theihna atana player pawimawh ber a ni tih loh rual a ni lova, an lakluh atang hian players dangte pawhin confidence an neih phah a, an zavai mai hian khelh that phah niin a lang.

Comments:

  1. acucuta 09-10-2013 at 2:36:00 pm
    acucuta

    An lei fuh thlawt a lawm.. Mahse, Arsenal-a a lut hi tun thlengin mak ka la ti reng mai.. Arsene Wenger hian magic tlem a hmang a niang..

  2. Sawma Hrahsel 09-10-2013 at 9:08:18 pm
    Sawma Hrahsel

    An la fuh ve khawp mai..

  3. hriatpuia.isaac 10-10-2013 at 7:42:04 pm
    hriatpuia.isaac

    Khedira leh Ronaldo te poh hi arsenal-ah lut ve law2 mai se

Please login to comment