Capital One Cup: Manchester United vs Liverpool kan hmu leh dawn

29th August 2013 at 7:16 am by Lalramenga Hmar

Capital One Cup 2013 second round chu Nilaini khan khelh zawh niin, hemi ni vek hian Third Round-a intum turte pawh nghal a ni a. Match 16 awm tur zingah Old Trafford-a Manchester United in Liverpool an mikhual tur hi a nghahhlelhawm ber a ni awm e.

Third round a intum turte hi an khelh ni tur tak la tichiang lo mahse, September kar tawp ber dawttu (September 23 atanga intan) ah khelh a ni dawn a, chuti a nih chuan September 24 (Thawhlehni) leh 25 (Nilaini) zana khel turin kan beisei thei ang.

capital one1.jpg

Intum tur te chu:

Liverpool striker Luis Suarez hian third round khelh hmain match 6 hremna a hmang zo hman chiah dawn a. A fit tha a nih chuan, tun season-a a match hmasa berah Manchester United a hmachhawn nghal dawn a ni. Manchester United leh Liverpool inkhel hi eng level-ah pawh a boruak a hniam ngai lo a, Capital One Cup-ah hian player langsar lo deuh zawkte an lut a nih pawhin, a lut apiang chu thih tha in an innuai leh dawn a ni. A hmuhnawm ang.

Arsenal in West Brom an tlawh dawn a, Aston Villa in Tottenham Hotspurs an mikhual thung ang. Arsenal leh Tottenham te hi chak tura rin zawk ni mahse away-a an khelh dawn avang leh, an tumpuite hi Premier League club an nih dawn avangin awlsam tak chuan an chak a rinawm loh a. Heng match pahnihte hi he round tihmuhawmtu an ni ang.

Player neitha Chelsea in khualmualah Swindon an hneh a rinawm a, Manchester City in FA Cup 2013 final-a an hneh loh Wigan Athletic an mikhual dawn a, hneh ngei an tum tawh ang.

Champion lai Swansea City in Birmingham City an luhkhung dawn a, Fulham in Everton an mikhual bawk ang. Capital One Cup third round-ah beisei aiin inkhel hmuhnawm a tam dawn e. 

Capital One Cup 2013 3rd round fixture:

Manchester United v Liverpool
Sunderland v Peterborough
West Ham v Cardiff
Man City v Wigan
Burnley v Nottingham Forest
Newcastle v Leeds
Southampton v Bristol City
West Brom v Arsenal
Swindon v Chelsea
Tranmere v Stoke
Watford v Norwich
Aston Villa v Tottenham
Hull v Huddersfield
Leicester v Derby
Birmingham v Swansea
Fulham v Everton

 

Comments:

  1. henrybkt 29-08-2013 at 8:18:47 am
    henrybkt

    an intum tluk tluk nga, hmuhnawm ting mai dawn e, PUUULLL ho te mai mai...hahaha

  2. Dana Chawngthu 29-08-2013 at 8:32:21 am
    Dana Chawngthu

    Va hmuhnawm dawn ve le... Liverpool chu an tlang zo lo ang tih ava hlauhawm ve aw

  3. Ahruaia Lil'Foe 29-08-2013 at 2:26:42 pm
    Ahruaia Lil'Foe

    English Derby a nimaw.. City leh Wigan pawh FA Cup final rematch an nei leh danw nih hi

  4. dawnga hnamte 29-08-2013 at 4:49:06 pm
    dawnga hnamte

    Man Uih ber kher, 3rd Round aia sang thleng ve se ka tih nen aw......3rd Round atang Capital One Cup chu an mangtha angai dawn ta anih hi.

  5. Ahlua 29-08-2013 at 5:58:53 pm
    Ahlua

    Ha ha liverpool bawk maw,an in tum zan tur hi chu liverpool fans te tan chuan zan mit an chhing leh thei lawk dawn lo a nih hi a,ha hai hit top.

  6. Mshlua Sherlock Ralte 29-08-2013 at 6:54:51 pm
    Mshlua Sherlock Ralte

    In tum tluk tluk mai ang u :) GGMU

  7. C Lalrempuia Puia 29-08-2013 at 7:40:27 pm
    C Lalrempuia Puia

    Good...Hmuhnawm dawn e

Please login to comment