Ka nuna thusawitu S.Malsawmtluanga

5th August 2012 at 6:00 am by Lalramenga Hmar

A hmasa bera ka sawi duh chu, S.Malsawmtluanga chanchin ka ziak dawn lo a, S.Malsawmtluanga'n ka nun a khawih dan chanchin ka ziak dawn a ni. Mimal nun ziak tur ka nih avangin 'KA' tih thumal a tam lo thei lo a ni tih min hriatsak dawn nia.

Mizo mipa i nih chuan, engtikah emaw, tuemaw chuan 'Mama' tiin a ko tawh ngei ang che. Mizoram leh khawvel hmun hrang hranga Mizote zingah Mama tamtak kan awm a, Mama tamtak zinga a lar ber chu S.Malsawmtluanga hi a ni ngei ang le.

Football ngaina mi i nih chuan S.Malsawmtluanga hi tunge a nih hrilh i ngai lo ang. Mizo footballer, ram pum huapa 'star' ti a sawi theih hmasa ber a ni hial awm e. East Bengal-a a khelh lai kha Mizo mipuiten Mama chanchin kan ngaihven lai ber ti ila kan tisual tam lo ang. Khatih hunlai hi a ni, Mizo mipa naupang tamtak ang bawka Mama ka hmelhriat ?anna chu.

Beidawnna ruamah

Primary leh Middle hi sawrkar sikul, Mizo medium ah ka zo a. Thingtlanga piang leh seilian ka nih avangin English kan thlahthlam a, lehkha zir aia thingtuai put, tuikhuaha chen tih vel thlahlel zawk ka ni ?hin. Pawl 8 ah, nu leh pate ?hahnemngaihna avangin Mizorama private school ?ha ber pakhatah ka lt a, hostel-ah ka awm zui a. A hrehawm ka va han ti ?hin tak em.

Sap?awng thiam hek lo i, mi nuih rualin ka nui thei lo a, class-ah a hnufual pawl ka nih phah lo thei lo a. English ka thiam loh avanga hrem ka tawh ngun zia te, zah leh chhawnchhaih ka tawrh ngun zia te, ka lunglen leh beidawn vanga ka mittui a tlak tam zia te kha tunhnua ka ngaihtuah lt chang pawhin hrehawm ka la ti thei nia! ?hiante zingah kan zum zih a, zirtirtute bulah kan ?i dui a. Sum leh pai, incheina, thiamna, hawiher...engkimah khan ka tla fai vek niin ka inhre ?hin. Mi bula awm ka hreh phah a, mahni insitna leh tling loa inhriatna ka nei chho a, hmasawn tura khawpui pn ni si kha a hnungtawlh zawngin ka kal ta.

Mama pawhin a thei asin...

Test kan nei chho a, ka fail chho ta tlauh tlauh mai a. Nu leh pa beng a thleng thuai a, ka pa mangangin hostel-ah min rawn tlawh ta nge nge a. Chumi ?um chuan a ni, he Sailo tlangval in ka nun min lehlinsak thawk tak chu ni.

Eng chanchinbu nge ka chiang ngam ta lo a, Lengzem ni ngei chuan ka hria. S. Malsawmtluanga'n Kolkata derby-a a pet goal zawha a ?awng?ai lai thlalak awmna hi min rawn kensak a. Vanglaini leh chanchinbu danga Mama chanchin inziahna, uluk taka a chehthlak sa chu ka chhiar turin a rawn keng bawk.

Zanah chuan ka han chhiar a. Mama chanchin, Kolkata a awmtirha a mal zia te, Tata Football Academy-a a awm laia harsatna a tawh hnemzia te, East Bengal-a a khelh tawh hnuah pawh hnamdang kara survive tura a 'fight' nasat zia te chu a lo inziak nasa mai a. Ka tn chuan a ngaihnawm a ni mai lo a, a hlu ngawih ngawih a ni ber mai. Khatih laia ka rilru kha, inkhelh zawh hah hnp lai, tuihal huam huam laia tuisik thianghliam kan han in khawlh khawlh a, kan hahdam ta huai huai ?hin nen hian ka tehkhin fo ?hin.

Mama nena kan harsatna tawhte chu a inang hi ka ti khawp mai a. ?awng a thiam loh vanga nilenga a ngawih tawp ?hin thu ka chhiar laite chuan keimah ang chiah chiah ni mai hian ka hria a. Lungleng leh khawhara a awm lai pawha tumruhna leh huaisenna a hmachhuan tlat thei te chuan min hneh em em mai a, ka nei tih pawh ka hriat tawh loh, beiseina leh tumruhna thar ka nei... mai pawh a ni lo, beiseina leh tumruhnain min tuam hlup hlup a, a alh hluah hluah a ni ber mai. Khatiang reng reng khan chona hmachhawn turin ka la phr ngai lo a, tun thlengin, ka beidawn dawn apiangin infuih nan ka la hmang fo ?hin zawk a ni.

Tho la, ding ta che

Mama chanchin ka chhiar hian hma ka sawn ta thut a ni lo a, hmasawn turin ka pn ngam chauh zawk a ni. Hostel-ah khan khum chhawngah, a chung zawkah ka mu ?hin a. Ka khum bul bangah Mama ?awng?ai lai thlalak ka tr a, class kal dawn te, lehkha zirna room kan pan dawn te, zan mut dawnah te ka en ?hin a, chu chuan a hma aia nasa-a ?ang thei turin min pui ?hin. Sap?awng ka la thiam lo reng a, test ah pawh ka la fail tho a, hrem pawh ka la twk tho. Mahse tunah chuan ka mal beih tawh lo a, ka mutna bulah ngawirengin Mama'n min ?awng?aisak ?hin a, a dilna tihlawhtling turin theihtawp ka chhuah tur a ni tiin ka infuih sauh sauh ?hin.

Pawl 10 kan pass a, Vanapa Hall-ah Mizo Zirlai Pawl (MZP) buatsaihin function a awm a, khuallianah Mama an sawm a. Kan sikul pawh kan kal ve dawn tih ka hriat chuan ka phur ngei mai. Zirlaite fuihna thu tawite a sawi a, chu chu a taka Mama ka hmuhna hmasa ber leh a awmchhun chu a ni ta. Mama ka ngaihsanzia min hriatpuitu kan Sir bulah thlalakpui ve ngei ka duh thu ka hrilh a, milian leh a pawimawh deuh chinin an lakpui hnuah chuan midang rualin ka lakpui ve ta a. A thlalak copy min siamkep loh avangin, tun thlengin Mama nena kan thlalak dun kawl tur ka nei ta lo.

Pawl 11 chu sikul hranah ka kal ta a, hostel-a Vanglaini chanchinbu kan lak a?angin Mama chanchin chu kan lo ralkhat hriat ve riai ruai ta chauh a. LPS (?) in ama puala live phone call an buatsaihte khan phone tlang ve thei lo pawlah ka ?ang a, nupui a neih te khan ralkhat a?angin ka lo lawmpui ve hle a nih kha.Salgaocar, Mohun Bagan, Chirag United tih vela a khelh kual duah hnute chuan Mizo footballer dang engemawzat phaiah khelin, Robert-a, Vanlalrova, Jerry, Malsawma te an rawn lar chho tawh a. Mama boruak pawh a dai ta deuh a tih theih awm e.

Tunhnu-ah, duh ang tawka mahni TV ngei kan en theih tak hnu hian Mama khel lai en fuh tumin I-League fixture ka kawl a, a theih hram chuan en ngei ka tum ?hin. An inkhelh lai hi hnathawhna hmuna kan awm lai a nih fo avangin duh ang chuan ka en tam thei lo a, season hmasa-a Prayag United tna a pet goal, goal ban a tauh avanga a inhliamna match kha TV-a Mama inkhel ka hmuh hnuhnun ber a ni ta rih a ni.

Mama hi Mizo footballer zinga thiam ber chu a ni lo maithei a, a hlawh tam ber emaw, a lr ber emaw pawh a ni lo maithei. Mahse Mizo footballer zinga ngainat hlawh ber, a insumtheih leh taimak vanga ngaisangtu leh entawntu ngah ber chu a ni ngei ang le. Keimah ang bawk hian Mizo mipui tamtak thinlungah thu a sawi ang tih ka ring a, a hriat miah lohin naupang pakhat beidawg mai tur chu beiseina thar siamsakin, a thinlung a lo hneh tawh a. He thinlung hi S.Malsawmtluanga chungah a lawm kumkhua tawh ang.

 

Comments:

  1. 05-08-2012 at 6:42:46 am

    I thu ziak hi ka chhiar hnem tawh a, thiam ka ti khawp mai che.. Sunday Special phei kha chu a save a, ka chhiar nawn fo mai.. Football leh Pathian thu, nun kaihruai thei zawng a ziah i thiam khawp mai..

  2. 05-08-2012 at 6:46:02 am

    Thuziak ngaihnawm leh thinlung dek thei tak a ni e. A tha hle mai.

  3. 05-08-2012 at 6:53:02 am

    Mama hi chu k pon ka tan ania...

  4. 05-08-2012 at 7:41:39 am

    Ziak thiam hle mai. A ngaihnawmin a tha hle mai.

  5. 05-08-2012 at 7:43:52 am

    Ka hmul thli zuk ding thei a male

  6. 05-08-2012 at 7:46:16 am

    I thuziak hi a ngaihnawm hrim hrim a. Hei hi chhiar nuam ka la ti ber. 'Ka' tih hi ka duh aiin i la hmang tlem ka ti. Mizoram a lang tham khawpa i rawn thiam chhoh dan te kha ziak tel la ka ti asin le.

  7. Lalthanzama Vanchhawng 05-08-2012 at 9:29:47 am
    Lalthanzama Vanchhawng

    AMEN ! A ropui hle mai. I hlawhtlin dan hi mi tam tak hriatah ziak duh phei la chuan a ngaihnawm lehzual ngawt ang. Mahse mahni chanchin sawi chi i ni si lova, insawithei ni lovin mahni nihna sawi pawh ni mah la, mi innngaitlawm inih avangin i sawi duh dawn si lova.. I tunhma nun i sawi ngaihtuah hian tun ang dinhmun i thleng thei hi ka lawmpui a che ka thianpa..

  8. C Lalrempuia Puia 05-08-2012 at 9:57:33 am
    C Lalrempuia Puia

    Gud post,han fak tehluam ve leh dantur che poh ka hre tawhlo,ka chung ami te soi zawng2 hi ka soi ang vek nimai tehse...Happy Friendship Day

  9. 05-08-2012 at 11:29:38 am

    I ziak ngaihnawm hle mai..Mizo school a tanga zir chhuakin high school ah english veka kan han zir mai kha chu a lo har em ani..Ka hriatthiam loh chu ka bye heart tawh mai thin a, a van hautak thin em..Hring nun ah chuan hlawhtlinna chang tur chuan hreawm hmasak hi a lo ngai reng ania..Huaisen taka hreawmna tuar chhuak ngam ten hlawh tlinna an chang thin..

  10. 05-08-2012 at 11:33:02 am

    Solomon Parte khian ka sawitur min sawikhalhdeuh vek,tlem ka sawibelhduh chu keipawh Mama hi ka ngaisang..Plus Aziaktupa Sunday Special i ziahkha chu ka la chhiarnawn ziah.

  11. Lalramenga Hmar 05-08-2012 at 11:38:37 am
    Lalramenga Hmar

    @solomon parte & Hriata Balcazar: ka ph loh fakna niin ka hria, ka lawm e. Hetiang thu han hriat te hian min tiphur ?hin khawp ania :)

  12. Lalramenga Hmar 05-08-2012 at 11:42:32 am
    Lalramenga Hmar

    @zara and zama: hehe, nangni pahnih ?hin hi a. In tilawmawm e. @doc_lib: Nangpawh ka dinhmun i hrethiam e. A lawmawm khawp mai.

  13. Lalthanzama Vanchhawng 05-08-2012 at 12:14:17 pm
    Lalthanzama Vanchhawng

    macha, keichu tuna mama jersey hak 28 (EB) ngei mai hi ka nei asin. ama hak hlui ngei :) Kan veng ah in leh lo an din nghet tawh bawka, CHHINGA VENG PA theuh theuh Biak Inah pawh kan thu dun thin. haha kan insawithei lawk a ni :)

  14. Muantea 05-08-2012 at 12:21:30 pm
    Muantea

    Ziak ngaihnawm hle mai! keipawh Jerry Zirsanga ka ngaihsan thin lai kha ka ziak ve dawn mawni o :D ngaihnawm hle mai tha lutuk tlat (Y)

  15. 05-08-2012 at 12:49:35 pm

    A ngaihnwmin ava tha em,keipwh Mama hi cu ka gaisang ani,post tupa nen,cuan k'n inswithei ve lwks,kn thenwma an rwn len thin laiin thla ka lakpui ngamlo twh bik2,ropui lo khp mai,ka la inchhir reng,ka naute ho in an lakpui bik siaaaa

  16. Msta Vl 05-08-2012 at 1:02:41 pm
    Msta Vl

    A va ngaihnawm dap2 ve le.. Hetiang khawp hian hma i lo sawn nih hi a. Kum hnih tal tap kan inhrawn ve hman a hostelah, i tih tak2 na leh i beihna ka hmuh pui ve che a, tun dinhmun i thleng hi chu i phu hliah2 a ni. Lehkha kan zir peih loh lai poh a, mahni a dining hall a i zir tang2 lai te(a chang chuan min challenge ve thin i zirlai hmuh hi chuan), dorm chhunga kan infiam luih2 laia i khum(khum chhawng chunglamah ngei mai) a i lo zir char2 lai te, kan tih luih leh kan fiam thin che poh a engahmah ngailo a i tih tang2 na rah i seng ni e. Kan batch ah kha chuan i thiam ber reng a ni. Fak tlak, entawn tlak, Midang tan malsawmna ni ve ngei ang che. Tunah chuan NUPUI chiah mamawh ta hihihi... Good luck for the future

  17. 05-08-2012 at 1:59:08 pm

    @zama: i van nihlawh bik ve aw hehe. @muantea: ziak ngei ngei teh, ngaihnawm takin i ziak thei ang tih ka hria.

  18. 05-08-2012 at 2:08:26 pm

    @laipuichhuanga: i va han ti uihawm mai2 tak ve aw. :-) @msta: thianpa msta ni reng in, i ti lawmawm hle mai. nangni ho kha asin k entawn che u. Tha takin i zirlai i zo tih ka lo hria a, ka lawmpui khawp mai che. Nupui ciah i mamawh ve tho ania hehe.

  19. 05-08-2012 at 3:03:54 pm

    Post tha ltk. Live a inkom ka chak hle mai. Admin zara'n hun min siam sak thei se o. Uan thu ni lo se, shakespear-a thukimbu(the complete works of william shakespeare) aiin a nep chuang lo ka tan chuan.

  20. 05-08-2012 at 3:22:45 pm

    Mama Aia ka ngaihsan chu ipa khi.........

  21. sakaralte 05-08-2012 at 4:59:04 pm
    sakaralte

    ZoFooty-a thu post ka hmuh tawh zingah a thra ber lawrlak

  22. Cleverley VRT 05-08-2012 at 6:10:33 pm
    Cleverley VRT

    Ka tuiral zo dawnin ka hria, a chungchang hi ka hre tam lo a mahse mi entawn tlak tak anih ngei chu ak ring, Ramenga i post ropui khawp mai.

  23. Lalramenga Hmar 05-08-2012 at 8:15:42 pm
    Lalramenga Hmar

    @john hmar & ruatsaka: ka lawm e. Ka beisei phak bakin min hlutsak thiam a, a lawmawm tak zet a ni. @cleverley: keipawh class 10 ka pass hnu kha chuan chiangkuang takin Mama chanchin hi ka hre zui lo angreng a, mahse i sawi ag khian, mi entawntlak tak a ni tih chu a chiang. Mizo footballer dangte pawh hian an dahsng thei em mai.

  24. Msta Vl 05-08-2012 at 10:02:55 pm
    Msta Vl

    He article zet zawng a class a sang thlawt :) . A ziaktu dinhmun nen ngaihtuah phei chuan a ngihnawm hluah2. I ziak tha thlawt e Rameng I hnung kan rawn zui ve det2 chauh nih hi.

  25. 06-08-2012 at 12:29:04 am

    I thu ziak hi athain angaihnawm khawp mai. Mahse tlem ka'n belh ve duh chu, S.Malsawmtluanga (Mama) hi Sailo hnam ni lovin, Syuhlo hnam ani a, Syuhlo hi Mara hnam ani e. Post tu pa leh chhiartute'n minlo hrethiam ani ang chu.

  26. 06-08-2012 at 12:53:39 am

    AMen!

  27. Lalramenga Hmar 06-08-2012 at 12:55:36 am
    Lalramenga Hmar

    @Gt_Man Utd: i tilawmawm e. Shylo tia an ziak hi ka hmu ?hin a, Sailo tih an ziak sual emaw ka lo ti ?hin a. Syuhlo hnam a ni tih phei chu ka lo hre ngai lo reng reng zawk a nih chu. Bengvarthlak e, hria kan tam hauh lo ang.

  28. ben vangchhia 06-08-2012 at 6:15:06 am
    ben vangchhia

    Mihring hi kan va'n inang lo tak. He tlangval zet hi chu(h), ka ngaisang che a nia aw. I tuar ang hi tuar chhuak ngam ila chuan "Football ah hian Sal inleina a la awm a ni maw? *** Club a mi hang pakhat kha *** Club-in an lei" tia hre tawk taka an sawi, hnial fithla tura beng sen urh khawpa ka awmna hmunah hian ka awm lo tur. Ka Pa Fapa, hlau suh la, zam hek suh. I ke penin Zoram Football a khawih harh zel e.

  29. 06-08-2012 at 2:43:04 pm

    Kan Mizoram-a chanchinbu ho in Syuhlo tihtur, Shylo tia an ziah sual vang zawk a ni e. Vai media ho ina Malsawm Tulunga anti ang ve a ni.

  30. 05-08-2012 at 6:42:46 am

    I thu ziak hi ka chhiar hnem tawh a, thiam ka ti khawp mai che.. Sunday Special phei kha chu a save a, ka chhiar nawn fo mai.. Football leh Pathian thu, nun kaihruai thei zawng a ziah i thiam khawp mai..

  31. 05-08-2012 at 6:46:02 am

    Thuziak ngaihnawm leh thinlung dek thei tak a ni e. A tha hle mai.

  32. 05-08-2012 at 6:53:02 am

    Mama hi chu k pon ka tan ania...

  33. 05-08-2012 at 7:41:39 am

    Ziak thiam hle mai. A ngaihnawmin a tha hle mai.

  34. 05-08-2012 at 7:43:52 am

    Ka hmul thli zuk ding thei a male

  35. 05-08-2012 at 7:46:16 am

    I thuziak hi a ngaihnawm hrim hrim a. Hei hi chhiar nuam ka la ti ber. 'Ka' tih hi ka duh aiin i la hmang tlem ka ti. Mizoram a lang tham khawpa i rawn thiam chhoh dan te kha ziak tel la ka ti asin le.

  36. Lalthanzama Vanchhawng 05-08-2012 at 9:29:47 am
    Lalthanzama Vanchhawng

    AMEN ! A ropui hle mai. I hlawhtlin dan hi mi tam tak hriatah ziak duh phei la chuan a ngaihnawm lehzual ngawt ang. Mahse mahni chanchin sawi chi i ni si lova, insawithei ni lovin mahni nihna sawi pawh ni mah la, mi innngaitlawm inih avangin i sawi duh dawn si lova.. I tunhma nun i sawi ngaihtuah hian tun ang dinhmun i thleng thei hi ka lawmpui a che ka thianpa..

  37. C Lalrempuia Puia 05-08-2012 at 9:57:33 am
    C Lalrempuia Puia

    Gud post,han fak tehluam ve leh dantur che poh ka hre tawhlo,ka chung ami te soi zawng2 hi ka soi ang vek nimai tehse...Happy Friendship Day

  38. 05-08-2012 at 11:29:38 am

    I ziak ngaihnawm hle mai..Mizo school a tanga zir chhuakin high school ah english veka kan han zir mai kha chu a lo har em ani..Ka hriatthiam loh chu ka bye heart tawh mai thin a, a van hautak thin em..Hring nun ah chuan hlawhtlinna chang tur chuan hreawm hmasak hi a lo ngai reng ania..Huaisen taka hreawmna tuar chhuak ngam ten hlawh tlinna an chang thin..

  39. 05-08-2012 at 11:33:02 am

    Solomon Parte khian ka sawitur min sawikhalhdeuh vek,tlem ka sawibelhduh chu keipawh Mama hi ka ngaisang..Plus Aziaktupa Sunday Special i ziahkha chu ka la chhiarnawn ziah.

  40. Lalramenga Hmar 05-08-2012 at 11:38:37 am
    Lalramenga Hmar

    @solomon parte & Hriata Balcazar: ka ph loh fakna niin ka hria, ka lawm e. Hetiang thu han hriat te hian min tiphur ?hin khawp ania :)

  41. Lalramenga Hmar 05-08-2012 at 11:42:32 am
    Lalramenga Hmar

    @zara and zama: hehe, nangni pahnih ?hin hi a. In tilawmawm e. @doc_lib: Nangpawh ka dinhmun i hrethiam e. A lawmawm khawp mai.

  42. Lalthanzama Vanchhawng 05-08-2012 at 12:14:17 pm
    Lalthanzama Vanchhawng

    macha, keichu tuna mama jersey hak 28 (EB) ngei mai hi ka nei asin. ama hak hlui ngei :) Kan veng ah in leh lo an din nghet tawh bawka, CHHINGA VENG PA theuh theuh Biak Inah pawh kan thu dun thin. haha kan insawithei lawk a ni :)

  43. Muantea 05-08-2012 at 12:21:30 pm
    Muantea

    Ziak ngaihnawm hle mai! keipawh Jerry Zirsanga ka ngaihsan thin lai kha ka ziak ve dawn mawni o :D ngaihnawm hle mai tha lutuk tlat (Y)

  44. 05-08-2012 at 12:49:35 pm

    A ngaihnwmin ava tha em,keipwh Mama hi cu ka gaisang ani,post tupa nen,cuan k'n inswithei ve lwks,kn thenwma an rwn len thin laiin thla ka lakpui ngamlo twh bik2,ropui lo khp mai,ka la inchhir reng,ka naute ho in an lakpui bik siaaaa

  45. Msta Vl 05-08-2012 at 1:02:41 pm
    Msta Vl

    A va ngaihnawm dap2 ve le.. Hetiang khawp hian hma i lo sawn nih hi a. Kum hnih tal tap kan inhrawn ve hman a hostelah, i tih tak2 na leh i beihna ka hmuh pui ve che a, tun dinhmun i thleng hi chu i phu hliah2 a ni. Lehkha kan zir peih loh lai poh a, mahni a dining hall a i zir tang2 lai te(a chang chuan min challenge ve thin i zirlai hmuh hi chuan), dorm chhunga kan infiam luih2 laia i khum(khum chhawng chunglamah ngei mai) a i lo zir char2 lai te, kan tih luih leh kan fiam thin che poh a engahmah ngailo a i tih tang2 na rah i seng ni e. Kan batch ah kha chuan i thiam ber reng a ni. Fak tlak, entawn tlak, Midang tan malsawmna ni ve ngei ang che. Tunah chuan NUPUI chiah mamawh ta hihihi... Good luck for the future

  46. 05-08-2012 at 1:59:08 pm

    @zama: i van nihlawh bik ve aw hehe. @muantea: ziak ngei ngei teh, ngaihnawm takin i ziak thei ang tih ka hria.

  47. 05-08-2012 at 2:08:26 pm

    @laipuichhuanga: i va han ti uihawm mai2 tak ve aw. :-) @msta: thianpa msta ni reng in, i ti lawmawm hle mai. nangni ho kha asin k entawn che u. Tha takin i zirlai i zo tih ka lo hria a, ka lawmpui khawp mai che. Nupui ciah i mamawh ve tho ania hehe.

  48. 05-08-2012 at 3:03:54 pm

    Post tha ltk. Live a inkom ka chak hle mai. Admin zara'n hun min siam sak thei se o. Uan thu ni lo se, shakespear-a thukimbu(the complete works of william shakespeare) aiin a nep chuang lo ka tan chuan.

  49. 05-08-2012 at 3:22:45 pm

    Mama Aia ka ngaihsan chu ipa khi.........

  50. sakaralte 05-08-2012 at 4:59:04 pm
    sakaralte

    ZoFooty-a thu post ka hmuh tawh zingah a thra ber lawrlak

  51. Cleverley VRT 05-08-2012 at 6:10:33 pm
    Cleverley VRT

    Ka tuiral zo dawnin ka hria, a chungchang hi ka hre tam lo a mahse mi entawn tlak tak anih ngei chu ak ring, Ramenga i post ropui khawp mai.

  52. Lalramenga Hmar 05-08-2012 at 8:15:42 pm
    Lalramenga Hmar

    @john hmar & ruatsaka: ka lawm e. Ka beisei phak bakin min hlutsak thiam a, a lawmawm tak zet a ni. @cleverley: keipawh class 10 ka pass hnu kha chuan chiangkuang takin Mama chanchin hi ka hre zui lo angreng a, mahse i sawi ag khian, mi entawntlak tak a ni tih chu a chiang. Mizo footballer dangte pawh hian an dahsng thei em mai.

  53. Msta Vl 05-08-2012 at 10:02:55 pm
    Msta Vl

    He article zet zawng a class a sang thlawt :) . A ziaktu dinhmun nen ngaihtuah phei chuan a ngihnawm hluah2. I ziak tha thlawt e Rameng I hnung kan rawn zui ve det2 chauh nih hi.

  54. 06-08-2012 at 12:29:04 am

    I thu ziak hi athain angaihnawm khawp mai. Mahse tlem ka'n belh ve duh chu, S.Malsawmtluanga (Mama) hi Sailo hnam ni lovin, Syuhlo hnam ani a, Syuhlo hi Mara hnam ani e. Post tu pa leh chhiartute'n minlo hrethiam ani ang chu.

  55. 06-08-2012 at 12:53:39 am

    AMen!

  56. Lalramenga Hmar 06-08-2012 at 12:55:36 am
    Lalramenga Hmar

    @Gt_Man Utd: i tilawmawm e. Shylo tia an ziak hi ka hmu ?hin a, Sailo tih an ziak sual emaw ka lo ti ?hin a. Syuhlo hnam a ni tih phei chu ka lo hre ngai lo reng reng zawk a nih chu. Bengvarthlak e, hria kan tam hauh lo ang.

  57. ben vangchhia 06-08-2012 at 6:15:06 am
    ben vangchhia

    Mihring hi kan va'n inang lo tak. He tlangval zet hi chu(h), ka ngaisang che a nia aw. I tuar ang hi tuar chhuak ngam ila chuan "Football ah hian Sal inleina a la awm a ni maw? *** Club a mi hang pakhat kha *** Club-in an lei" tia hre tawk taka an sawi, hnial fithla tura beng sen urh khawpa ka awmna hmunah hian ka awm lo tur. Ka Pa Fapa, hlau suh la, zam hek suh. I ke penin Zoram Football a khawih harh zel e.

  58. 06-08-2012 at 2:43:04 pm

    Kan Mizoram-a chanchinbu ho in Syuhlo tihtur, Shylo tia an ziah sual vang zawk a ni e. Vai media ho ina Malsawm Tulunga anti ang ve a ni.

Please login to comment