MPL Round 4 : Police-in Dinthar an draw

15th November 2012 at 6:40 pm by Lal Zarzova

Valpuia.jpg
Mizoram Premier League Round 4 inkhel hmuhnawm takah table hmahruaitu Dinthar FC in vawihnih ngawt hma hruai mahse Mizoram Police FC ten an sut leh ve ve a, 2-2 in an in draw ta a ni.

Dinthar FC 2-2 Mizoram Police
(Lalnunmawia 1'; R. Laldanmawia 19')-(Lalnunmawia 19'; Lalbiakhlua 58')
Man of the Match : Sama Hnamte

Tute nge khel?
Dinthar FC : T-Mawia; Zautea, Reuben, Lalmama, Ronald; Tezawka, KC-a. Muansanga; Mawitea, Danmawia; Zico
Mizoram Police FC: Chhuanga; Itan-a, Ruata, JS-a, Ropuia; Davis, Sama, Ṭ-a, Biaktea; Valpuia, Nunmawia
Post hi rawn ziah chhunzawm a ni ang.

A Goal Nghal E!
Dinthar FC leh Mizoram Police FC ten football hmuhnawm tak an hmuh tir a, Mizoram Premier League a goal rang ber hmuh tur a awm bawk. Inkhel tan atanga second 57 lekah Dinthar FC in Lalnunmawia (Mawitea) hmangin goal an khung a. Halfway line bul lawka ding lam kil atangin Ronald-a'n ball duhthusam a vawrh lut a, chu ball duhthusam chu Mawitea'n mawi takin goal-ah a lo tauh lut a. Hriata aia keeper a ding Chhuanga tan tihngaihna a awm lo.
 
Game a nung chho a, team pahnih te an in nawr chho zak zak a. Mizoram Police in freekick an hmu a, Sama Hnamte in ball tha taka vawrh lutin Nunmawia goal-ah a lo tauh lut a. Dinthar Keeper T-Mawia timing a tha tawk lovah a ngaih theih awm e. Mahse Mizoram Police te in siamthat hmain Dinthar FC in goal an khung leh nghal a, goal rang ber thuntu Mawitea ball vawrh luh chu Itana leh Zico atanga a per hnuin Danmawia'n a tauh lut a. Dinthar FC in a vawihnih nan hma an hruai a, goal zawng zawng hi tauh lut vek a ni. 
 
Mizoram Police in chance an nei leh vat a, Davis-a'n penalty area chhungah clear chance a nei a, mahse T-Mawia'n a save hman tlat. Dinthar lam pawn chance nei ve leh mahse first half-ah goal dang a luh belh lo.
 
Dinthar.jpg
Second Half-ah Head Goal bawk!
Mizoram Police Second Half-ah an rawn in siamtha a, first half lama khel chhe zawk kha second half lamah chuan an chungnung zawk a. Minute 58 naah Sama Hnamte-a'n ball nalh tha taka vawrh luh chu Biaktea'n a lo tauh lut a. Defender defender te an hawi hai hle.
 
Second Half-ah Valpuia a kheltha, mahse clear chance a nei thei meuh lova. A freekick pet erawh T-Mawia'n a save tha viau thung. Chance neitha zawk erawh Dinthar FC an ni a. Zico an chance tha tak a nei a, mahse a final touch a tha tawk loh avangin a hlauawm loh. Danmawia pawn chance tha tak a nei a, keeper nen chauh awm tawh mahse goal-ah a chantir thei lo bawk. Goal dang a luh belh theih tak loh avangin an in draw ta a ni.
 
Sawi belh ang!
Dinthar game a hmuhnawm a. An keeper T-Mawia a rintlak chho zel a, an defender pahnih Ramnuna leh Chhanchhuaha te awm loh hlanin Lalmama leh Reuben te an rintlak viau a. An wing back te pahnih Ronalh leh Zautea te ball vawrh pawh a tha thei viau bawk. Midfield-ah KC-a langsar lo mahse a tangkai a, a ball pek a fing thei hle. MS-a leh Tezawka te inkawp pawh an khel chhe hran lo bawk. Mawitea leh Danmawia te an hlauawm chhunzawm zel a, Zico erawh khel chhe si lovin a nihna tur tak tak a la pholang lo niin a lang bawk.
 
Mizoram Police defender te combination a la tha tawk lova, MPL tan atangin defender ngai an la hmang lova. Round 4 zawh hnuah pawh an that dan ber tur an la hrelo niin a lang a. Hei hi an hriat hunah erawh an thatna tak tak a lang thei tawh ang.
 
An midfield erawh Luangmual an tum tum ai chuan an in siamtha a, mahse an winger Fakzuala thlak tu tur erawh an nei tha tawk lo niin a lang a. Hei bakah hian striker tha Valpuia kawp pui tur an la thlang fuh tawk lo niin a lang bawk.
 

Match Statistics Powered by SHARP
Dinthar Vs MRP.jpg
 
 

Comments:

  1. sakaralte 16-11-2012 at 12:00:38 am
    sakaralte

    vawiin kha chu a hmuhnawm khawp mai... mahse ka prediction a dik lo tlat :(

  2. Lalthanzama Vanchhawng 16-11-2012 at 9:17:40 pm
    Lalthanzama Vanchhawng

    Hmuhnawm tak a ni. MPL-ah chuan game quality san berna pawh a la tih theih awm e. Good post

Please login to comment