‘NEXT SEASON’ TIH A ȚUL LEH ȚHIN ! – Lawmkima Hmar

Estimated read time 3 min read
Champion lai Arsenal chu Championship division-ah 14-na, manager nghet pawh nei lo Nottingham Forest in chiang takin an tukzal a, champion lai hian chak phuin an khel lo hrim hrim!! Lung tileng club tan hian Premier League-a tawnhriat nei Traore leh Manciene te chu player pawimawh an ni.

Arsene Wenger chu referee chungchanga a tawngkam avangin match thum chhunga muala a team te enkawl thei lo tura tih niin mipui thutna atangin an goalkeeping coach Lehman nen an chak lo lai hi an thlir a, thim thuah hnihin a tuam.

Mualneitu hian inkhel tan atanga minute 20-na lekah Eric Lichaj-a tauh goal atangin hma an hruai a, Per Mertesacker chuan sut thuaiin Rob Holding chuan goal ban a tauh per zui.

Mahse, North London club defence a pherh a, Parda zar ang maiin Forest player hriah hlawh lo tak tak ten an chhem leng fo. Chawlhlawk hma lawkin Forest tan American defender Lichaj nalh zeta volley in an hmahruain goal a thun.

Second half-ah Arsenal eng an ni chuang lo va, an hmatawngte Laipui zen thun loh ang maiin goal hmaah an hul. Rob Holding chu Gunners tan vanduaina niin Forest tan malawmna! English defender beiseiawm tak hian a khelh chhiat zual zanah Matty Cash lakah penalty a chawi a, Ben Brereton chuan petin David Ospina chuan a ni lo lamah a bawh.

Forest goalkeeper Jordan Smith chetsual avangin Danny Welbeck chuan an si phurh a sut then a, mahse, veteran defender Debuchy chuan penalty chawiin Dowell chuan goal-ah a chantir a, hun tawp dawnah Joe Worrall chu hnawhchhuah ni mahse a tam zawk Arsenal tan thawhchhuah ngaihna a awm ta lo.

* Tun tum hi Arsene Wenger-a tan FA Cup 3rd Round-a a tlawm hmasak ber tum a ni. Kum 1966 January thla khan third round replay ah 1-0 in Sheffield United an hneh lo va, hei hi FA Cup 3rd Round-a an tlawm hnuhnun ber a ni.

* Arsenal hian tunhnaia an match hnuhnung 3-ah vawi 4 penalty an chawi tawh!

* Nottingham hian tunhnaiah an manager banin Gary Brazil chuan a enkawl lailawk mek a, Arsenal a hnehpui avangin a nghetin an la zui hialin a rinawm.

* Tun tum hi Arsene Wenger-a tan FA Cup 3rd Round-a a tlawm hmasak ber a ni.

* Forest hian an match hnuhnung 15-ah Arsenal hi vawi 2 an hneh ta chiah.

 Nottingham Forest 4-2 Arsenal 
Lichaj 20′, 44′, Brereton 64′ (p), Dowell 85′ (p) – Mertesacker 23′, Welbeck 79′
Red Card : Worrall 89′ (Not)
C Tlanthianghlima

Football tui ve tak

You May Also Like

More From Author

10Comments

Add yours

+ Leave a Comment