NEYMAR-A DINHMUN A THA LO HLE

Spanish prosecutor te chuan Barcelona forward Neymar chu kum hnih jail tang tlak a nih thu an sawi a, £8.6m chawi thei a nih thu an sawi bawk. Judge Jose Perals pawhin Barca president Sandro Rosell chu kum nga chhung jail tanna tham thil tisuala a ngaih bakah, Barcelona pawh £7.18million chawi tura a ngaih thu a tarlang bawk.

a

Neymar-a transfer fee chungchanga thubuai hi Brazilian investment group DIS te thehluh a ni a, DIS hi Neymar-a transfer fee atanga 40% changtu tur an ni. Mahse, Barcelona leh Neymar te hian Neymar-a man an zep then avangin DIS hian an sum hmuh tur ang an hmu lo niin an hria a, complaint an siam ta a ni.

Sky Sports-in a tarlan danin, Barca chuan Neymar-a transfer fee atan €57.1m (£50.82m) an sen thu leh, an leina club Santos chuan €17.1m (£15.22m) an dawn thu an puang a; mahse, Prosecutors lam chuan Barca-in Santos club hnena an pek hi €25.1m (£22.34m) zawk a nih thu an tarlang a, Prosecutors lam sawi hi a dik a nih chuan DIS hian Neymar-a transfer fee atangin €3.2m (£2.85m) vel an dawn belh thei dawn a ni.

Neymar te pafa bakah Barcelona aiawhte leh President hlui hi court-ah an inlan thuai rin a ni.