NIZAN PREMIER LEAGUE THUNAWI – Lawmkima Hmar

# Manchester City chuan Premier League-a chak zawn rei ber record siam chhunzawmin vawi 16 an chak zawn ta a, an manager Pep Guardiola erawhin (a mimal record) chak zawn rei ber record a siam tawh nihrual turin match thum chak zawn a la mamawh; Bayern Munich a enkawl lai October 2013 – March 2014 chhung khan game 19 chhung a zawnin an chak.

# Arsenal goalkeeper Petr Cech chuan nizan khan Newcastle lakah goal chhuah loh (clean sheet) nei lehin top-flight huanga double century clean sheet nei turin match khat goal chhuah loh chiah a mamawh tawh (199 clean sheets).

# Magpies boss Rafael Benitez hian Premier League-ah Arsenal vawi 7 hmachhawn tawhin a la hneh lo, vawi hnih draw in vawi nga a tlawm zawkah a tang.

# Christian Benteke chuan minute 1,106 chhung zet, goal shot vawi 28 nei chunga goal a thun tawh loh record duhawm lo chu Leicester City 3-0 an hneh tumin a thaichhia.

# Leicester City player Wilfred Ndidi tan erawh zan chhinchhiah tlak loh ni ve thungin a pianchamah mual atanga hnawhchhuah a ni a, ani bakah hian Premier League-ah mahni pianchama hnawhchhuah tawk tawh 3 an awm – Dwight Gayle (17 October 2015 vs West Ham), Gerry Taggart (18 October 1997, vs West Ham, Les Ferdinand (8 December 1993 vs Liverpool).

# Watford chuan an mual Vicarage Road-ah 4-1 in Huddersfield an hneh lo va, tun season EPL-a mahni muala goal chhuah tam ber niin goal 20 an chhuah tawh.

# Elias Kachunga’ khan Huddersfield in khual muala vawi 59 zet shot nei chunga goal an thun loh record duhawm lo a titawp ta chiah.

# Nizana si thum faia Stoke City hnehntu West Ham hi a zawnin manager thar Moyes-a hnuaiah tlawm nei lovin an kal ta a, Hammers midfielder Mark Noble hian Premier League-ah goal 34 thun tawhin heng zinga 19 hi penalty atanga a thun nijn chu chu za zela 56 (%) a ni.

# Si khat faia Stamford Bridge-a Chelsea hneh zo ta lo Southampton hian top flight-ah champion lai an ngam lo thin hle a, champion lai team te khual muala vawi 41 an hmachhawn hnuhnung atangin vawi hnih chiah hnehna an chang. March 1970 khan champion lai Leeds United chu hnehin October 2015 khan Champion lai vek Chelsea an lo hneh tawh bawk.

# Premier League club tlachhe ta Bolton player hlui Chelsea defender Marcos Alonso hian Chelsea a zawm hnuah goal 10 thunin assist vawi 4 a nei tawh. The Blues a zawm atanga tehin defender zinga goal thun tam ber a ni.

# Season duhawm hmang mek Burnley chuan nizan khan goal thun lovin Brighton an draw a, The Clarets hian tun season-ah starting line-up ah player 15 chiah an la hmang a, starting line-up atana player hman tlem lamah a ber ni mekin anmahni hnaih bertu aiin player 9 in an hmang tlem zawk.