Manchester United chuan Wayne Rooney tel loin Fulham an lo mikhual a, 2-0 in an hneh.
Rooney mai bakah hian Van der Sar, Ferdinand, Giggs, Carrick te ho pawh an khel lo a, tunhnaia khel tlem tak Nani leh Berbatov te an start thung.

Rooney tel lo pawhin
He inkhelah hian minute 12 na lekah Nani leh Anderson te thawhrah sengin Dimitar Berbatov chuan a thun a, EPL ah goal 21 a thun tawh. United attack a hlauhawm chhunzawm a, a bik takin Nani che vel a hmuhnawm hle. Minute 31 a ni a, hnai set sawtah Valencia’n a head goal, Nani thawhrah bawk a ni.

Second half ah Fulham goal nawr a na sawt a, Gudjohnsen leh Baird ten an thun teuh hle nghe nghe. Huntawp thleng goal dang a luhbelh lo a, United in point 3 an hmu a, champion turin an dinhmun a tha tawh kher mai.

Inkhel dang khaikhawmna
Madrid khawpui atanga tum bura an haw hnuah Tottenham fans ten nuihna chhan tur an nei ve leh ta. White Hart Lane a inkhel hmuhnawm takah Stole City 3-2 in an hneh a, Peter Crouch chuan goal 2 thunin Luka Modric a’n a thun bawk.
Bolton in 3-0 in West Ham an sawp a, Wolves pawh an mikhual Everton lakah 0-3 in an tlawm. West Brom an chak a, 3-2 in Sunderland an hneh. Blackburn leh Birmingham City te 1-1 in an inhnehtawk bawk.