North East Consutancy Services (NECS) in Aizawl FC a tanpui

Estimated read time 2 min read

Pi Lalrampari, North East Consultancy Services (NECS) neitunu chuan Aizawl Football Club hnenah cheng nuai 50 cheque a hlan. Infiammite hmasawn zel nan leh nunkawng dik an zawh theihnana hmang tangkai turin a chah nghal bawk.

Pi Lalrampari hi NECS dintu, Chief Managing Director leh Aizawl FC President ni bawk Pu Robert Romawia Royte nupui a ni a; a pianchampha pualin cheque hi Aizawl FC Vice President Pu Lalremsanga hnenah a hlan a ni. Cheng nuai 50 hi kum khat chhung atan Aizawl FC chuan sum peipun nan an hmang dawn a ni.

Aizawl FC hian Youth Academy din a tum a, chumi atan chuan mipa naupang kum 14 hnuailamte kawng hrang hranga enchhinin a lakhawm mek a, hun remchang hmasa berah Under 17 leh Under 19 team pawh din a tum a ni. Tunah hian Senior Team a enkawl mek a, Third Division (Aizawl North Zone) ah an awm mek.

NECS in infiamna lam tuipuia, thalaite hmakhaw ngaia an sum leh pai an rawn thehchhuak chu Aizawl FC hruaitute chuan lawmawm an tih thu an sawi a; Football chauh ni lo, Zoram Infiamna khawvelah thil chhinchhiahtlak tak nia an hriat thu leh an hmalakna chu entawntlak an tihzia an sawi bawk.

Source : Aizawl Fc Facebook Group

You May Also Like

More From Author

13Comments

Add yours
  1. 5
    martmizo

    an ti tha hle mai… a nachang hriat hi a pomoh viau reng a nia.. AFC in I-Leaque kan khelh hun nghakhlel takin kan thlir reng e.

  2. 7
    Ramenga

    A lawmawm hle mai. Ṭangkai tak leh hlawk taka an hman beisei ila, mihausa dang cho chhuaktu han ni mawlh teh se.“

  3. 9
    Lalzarzova

    AFC in tangkai taka an hman ngei ka beisei… Tun dinhmun ah chuan nuai 50 pung atang ringawt pawh hian an players te hlawh chu a la pe thei maithei mahse I-League an thlen hunah chuan hei aia tam daih chu an mamawh ngei ang le…

  4. 13
    lalthanzama

    kan veng nu chu ava ti lawmawm ve . A ropui hle mai..an ni nupa hi thilpek an uar riau, kohhran ah pawh Biak in sak nan khan nuai fe an pe lawm..
    MI thil phal te hi Lalpa a ai tamin malsawm let rawh se..

+ Leave a Comment

North East Consutancy Services (NECS) in Aizawl FC a tanpui

Pi Lalrampari, North East Consultancy Services (NECS) neitunu chuan Aizawl Football Club hnenah cheng nuai 50 cheque a hlan. Infiammite hmasawn zel nan leh nunkawng dik an zawh theihnana hmang tangkai turin a chah nghal bawk.

Pi Lalrampari hi NECS dintu, Chief Managing Director leh Aizawl FC President ni bawk Pu Robert Romawia Royte nupui a ni a; a pianchampha pualin cheque hi Aizawl FC Vice President Pu Lalremsanga hnenah a hlan a ni. Cheng nuai 50 hi kum khat chhung atan Aizawl FC chuan sum peipun nan an hmang dawn a ni.

Aizawl FC hian Youth Academy din a tum a, chumi atan chuan mipa naupang kum 14 hnuailamte kawng hrang hranga enchhinin a lakhawm mek a, hun remchang hmasa berah Under 17 leh Under 19 team pawh din a tum a ni. Tunah hian Senior Team a enkawl mek a, Third Division (Aizawl North Zone) ah an awm mek.

NECS in infiamna lam tuipuia, thalaite hmakhaw ngaia an sum leh pai an rawn thehchhuak chu Aizawl FC hruaitute chuan lawmawm an tih thu an sawi a; Football chauh ni lo, Zoram Infiamna khawvelah thil chhinchhiahtlak tak nia an hriat thu leh an hmalakna chu entawntlak an tihzia an sawi bawk.

Source : Aizawl Fc Facebook Group

You May Also Like

More From Author

+ There are no comments

Add yours